![\"\"](\"https:\/\/bwiza.com\/wp-content\/uploads\/2019\/02\/IMG-20190216-WA0005.jpg\")
<\/p>\nKujya impaka ku bikenewe n\u2019imbogamizi abana babana n\u2019indwara zidakira nka sida hagamijwe kurushaho kubitaho no kubona ubuvuzi, kuganira ku kuntu aba bana barindwa ndetse no kujya impaka ku iteka rya minisitiri rigena uburyo bwo gufasha umwana wanduye cyangwa urwaye indwara idakira, ni byo abari bateraniye mu nama y\u2019Urugaga Nyarwanda rw\u2019abafite virus itera Sida, (RRP+) bagarutseho kuri uyu wa Gatanu, itariki 15 Gashyantare mu nama yabereye muri Ubumwe Grande Hotel.<\/p>\n
Urugaga Nyarwanda rw\u2019abafite virus itera Sida ku bufatanye n\u2019Ikigo cy\u2019Abadage cy\u2019ubufatanye mu Iterambere, GIZ, n\u2019abandi bafatanyabikorwa, rukaba rwarateguye ibiganiro n\u2019abafatanyabikorwa b\u2019ingenzi ngo haganirwe ku bikubiye mu iteka rya minisitiri ryenda gushyirwa ahagaragara bareba ibyakongerwamo bigamije kurinda byihariye abana banduye indwara zidakira<\/p>\n
Ni inama yahuriyemo abafatanyabikorwa bagera kuri 50 barimo urubyiruko rubana n\u2019indwara zidakira n\u2019abahagarariye ababyeyi, Minisiteri y\u2019ubuzima, Minisiteri y\u2019uburinganire n\u2019umuryango, Minisiteri y\u2019urubyiruko, minisiteri y\u2019uburezi, Ikigo cy\u2019Igihugu cy\u2019ubuvuzi n\u2019abandi barimo imiryango mpuzamahanga n\u2019abafatanyabikorwa mu iterambere na GIZ, UNAIDS,UNICEF tutibagiwe na Sosiyete sivile.<\/p>\n
<\/p>\n
U Rwanda rwashyize ingufu nyinshi mu kurwanya agakoko gatera sida binyuze mu kukirinda, no kugera ku buvuzi no kugabanya ubwiyongere bwayo aho imibare igaragaza ko ikigero iriho cyagumye kuri 3% mu myaka igera mu 10. Ni mu gihe mu rubyiruko ruri hagati y\u2019imyaka 15 na 24 iri ku rugero rwa 1%.<\/p>\n
Imibare kandi igaragaza ko abakobwa bakiri bato barusha inshuro eshanu ibyago byo kwandura agakoko gatera sida bagenzi babo b\u2019abahungu bari mu kigero kimwe, aho ku bakobwa ari 2,5% mu gihe mu bahungu ari 0.5%.<\/p>\n
Imibare kandi yavuye mu bushakashatsi buheruka igaragaza ko umubare w\u2019abakobwa bari mu kigero cy\u2019imyaka 15 na 19 babyara bakiri bato wakomeje kuzamuka ku rugero rwo hejuru kuri ubu ikaba igeze kuri 7,3%. Ngo iyo abana b\u2019abakobwa bageze mu myaka 19, imibare iriyongera ikagera kuri 21%.<\/p>\n
Nubwo hari ingufu nyinshi zishyirwamo n\u2019abafatanyabikorwa, muri iyi nama hagaragajwe ko hakiri icyuho mu bijyanye no kwita ku ngimbi ngo zibashe kubona serivisi z\u2019ubuvuzi bw\u2019indwara zandurira mu mibonano mpuzabitsina na sida kandi zemewe n\u2019izindi serivisi nko kubona udukingirizo two kwirinda inda zitateguwe, kwandura sida, kuboneza umuryango, gusiramurwa ku bagabo nk\u2019uburyo bwo kwirinda,gusuzumwa agakoko gatera sida n\u2019ibindi.<\/p>\n
![\"\"](\"https:\/\/bwiza.com\/wp-content\/uploads\/2019\/02\/IMG-20190216-WA0002.jpg\")
<\/p>\n
Ni muri urwo rwego Urugaga Nyarwanda rw\u2019abafite virus itera Sida, RRP+ n\u2019abandi bafatanyabikorwa, batangiye ibikorwa by\u2019ubuvugizi bwo gusaba ko serivisi zo gupimwa sida n\u2019izindi z\u2019ubuzima ziboneka\u00a0 no ku rubyiruko rutarageza no ku myaka 18 rutiriwe rubaza ababyeyi.<\/p>\n
Ubusabe bw\u2019ibyavugururwa mu mushinga w\u2019itegeko rigamije kurinda abana bwashyizwe umukono n\u2019imiryango itandukanye ya sosiyete sivile bukaba bwarashyikirijwe komisiyo y\u2019inteko ishinga amategeko y\u2019uburenganzira bwa muntu ngo ibiteganywa mu ngingo ya 55 y\u2019itegeko ryo kurinda umwana no 54\/2011 ryo \u00a0kuwa 14\/12\/2011 bigumeho kandi byagurwe. Iyi ngingo ikaba yaravuguruwe nyuma yo gusuzumwa.<\/p>\n
Ingingo ya 55 ikaba ivuga ko \u201cabatanga serivisi z\u2019ubuvuzi bagomba kwita uko bikwiye ku mwana wanduye agakoko gatera sida urengeje imyaka 12 n\u2019iyo yaba adaherekejwe n\u2019ababyeyi cyangwa abamurera\u201d<\/p>\n
Naho itegeko ryavuguruwe ririnda umwana no 71\/2018 ryo kuwa 31\/08\/2018, by\u2019umwihariko mu ngingo yaryo ya 20, havuga ko \u201cumwana wanduye indwara idakira ahabwa uburinzi bwihariye n\u2019ubufasha bwa guverinnoma hagendewe ku bushobozi bwa guverinoma. Iteka rya minisitiri w\u2019ubuzima rikaba rigaragaza ibisabwa kugirango uwo mwana ahabwe ubwo bufasha buvugwa mu gika cya mbere cy\u2019iyi ngingo.\u201d<\/p>\n
\u00a0<\/p>\n
\u00a0<\/p>\n
\u00a0<\/p>\n","protected":false},"excerpt":{"rendered":"
Kujya impaka ku bikenewe n\u2019imbogamizi abana babana n\u2019indwara zidakira nka sida hagamijwe kurushaho kubitaho no kubona ubuvuzi, kuganira ku kuntu aba bana barindwa ndetse no kujya impaka ku iteka rya minisitiri rigena uburyo bwo gufasha umwana wanduye cyangwa urwaye indwara idakira, ni byo abari bateraniye mu nama y\u2019Urugaga Nyarwanda rw\u2019abafite virus itera Sida, (RRP+) bagarutseho […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-13954","post","type-post","status-publish","format-standard","hentry","category-politiki-rw"],"yoast_head":"\n