Umwuka mubi hagati y\u2019abayobozi ba Uganda n\u2019ikigo mpuzamahanga cy\u2019itumanaho kinini mu bikorera muri iki gihugu warushijeho gukara kuwa Kane ushize nyuma y\u2019iyirukanwa ry\u2019uwari umuyobozi mukuru w\u2019iki kigo, Umubiligi, Wim Vanhelleputte, ngo waba washyize perezida Museveni mu gihirahiro, aho ngo agomba guhitamo kwizera inzego ze z\u2019iperereza cyangwa kwiregura kw\u2019iki kigo mpuzamahanga gishyigikiwe n\u2019ibihugu bitatu by\u2019ibihangange.<\/p>\n
Kuva abakozi batatu bakuru ba MTN birukanwa mu kwezi gushize, Uganda ngo ikomeje kotswa igitutu n\u2019u Bufaransa, u Butaliyani, Afurika y\u2019Epfo n\u2019u Rwanda isabwa ibimenyetso yishingikirije ishinja abo bantu ibikorwa by\u2019ubutasi nk\u2019uko bivugwa n\u2019inzego z\u2019umutekano.<\/p>\n
Umufaransa wari ushinzwe ibijyanye no kwamamaza, Olivier Prentout, Umunyarwandakazi, Annie Tabura Bilenge, wari ukuriye ishami rishinzwe ubucuruzi , n\u2019Umutaliyanikazi ufite n\u2019ubwenegihugu bw\u2019u Bufaransa, Elsa Muzzolini wari ukuriye ishami rya Mobile Money nabo bashinjwe kubangamira ikusanywa ry\u2019imisoro mishya yari yatangijwe muri Kamena ku bijyanye no guhererekanya amafaranga kuri mobile Money .<\/p>\n
Iyirukanwa rya Vanhelleputte wari umuyobozi mukuru wa MTN-Uganda biravugwa ko ryaje nyuma y\u2019iminsi mikeya Museveni agaragaye nk\u2019ushaka koroshya ikibazo.<\/p>\n
Ikinyamakuru The East African ngo kikaba cyaramenye ko mbere y\u2019uko ahaguruka mu gihugu yitabiriye inama y\u2019abakuru b\u2019ibihugu ya Afurika Yunze Ubumwe, i Addis Abeba, Perezida Museveni ngo yabanje kugirana inama na ambasaderi w\u2019u Bufaransa, St\u00e9phanie Rivoal ngo baganire kuri iryo yirukanwa ku butaka bwa Uganda.<\/p>\n
Muri iyi nama, Museveni biravugwa ko ikijyanye no kuba abayobozi ba MTN baraganiriye ukuntu bananiza umugambi wo gusoresha mobile money gishobora kwihanganirwa, ariko yirinda kugira icyo avuga ku birego bishinja abirukanwe kuneka abayobozi ba Uganda babikorera u Rwanda.<\/p>\n
Iyi nkuru ikomeza ivuga ko nta mpamvu yari yatangazwa yatumye Vanhelleputte yirukanwa ku butaka bwa Uganda. Ni icyemezo cyashyizweho umukono na minisitiri w\u2019umutekano, Gen. Jeje Odong ariko nta bisobanuro.<\/p>\n
Amakuru aturuka muri MTN ariko agera kuri The East African avuga ko Vanhelleputte yaba yarabwiye abo bakoranaga ko yirukanwe kubera ko yavugishije abantu birukanwe muri Uganda. Ibyo ngo nibyo abashinzwe umutekano bamubwiye.<\/p>\n
Iyirukanwa rya Vanhelleputte kandi ryaje nyuma y\u2019iminsi ibiri yirukanye uwari ukuriye ibijyanye n\u2019amategeko muri MTN-Uganda, Anthony Katamba, nyuma yo kuvugwaho ko yaba yarakangishije uyu wari umuyobozi we ko azirukanwa mu gihugu, ibintu na Vanhelleputte watangiye kuyobora iki kigo mu 2016 yemeza ko yabwiwe na Katamba.<\/p>\n
\u00a0<\/p>\n","protected":false},"excerpt":{"rendered":"
Umwuka mubi hagati y\u2019abayobozi ba Uganda n\u2019ikigo mpuzamahanga cy\u2019itumanaho kinini mu bikorera muri iki gihugu warushijeho gukara kuwa Kane ushize nyuma y\u2019iyirukanwa ry\u2019uwari umuyobozi mukuru w\u2019iki kigo, Umubiligi, Wim Vanhelleputte, ngo waba washyize perezida Museveni mu gihirahiro, aho ngo agomba guhitamo kwizera inzego ze z\u2019iperereza cyangwa kwiregura kw\u2019iki kigo mpuzamahanga gishyigikiwe n\u2019ibihugu bitatu by\u2019ibihangange. Kuva […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-13966","post","type-post","status-publish","format-standard","hentry","category-politiki-rw"],"yoast_head":"\n