![\"\"](\"https:\/\/bwiza.com\/wp-content\/uploads\/2019\/03\/D2QY1DTWsAcfk8I-1024x683.jpg\")
<\/p>\nUmukuru w\u2019Inkeragutabara mu Ntara y\u2019Iburengerazuba, Gen.Major Eric Murokore yasabye inzego z\u2019ubutegetsi mu mirenge ikora ku Kiyaga cya Kivu no ku Ishyamba rya Nyungwe kuba maso ngo hatazagira umwanzi wongera kubona aho amenera nyuma y\u2019aho abantu bitwaje intwaro bagaragaye mu Murenge wa Karambi bajya mu ishyamba rya Nyungwe ahabereye imirwano ariko we atita guhangana kuko ngo umuntu ahangana n\u2019uwo banganya imbaraga.<\/p>\n
Uyu musirikare mukuru mu Ngabo z\u2019u Rwanda wanahumurije abaturage ko umutekano wabo ucunzwe neza, yatangaje ko abantu bitwaje ibirwanisho baherutse kugaragara mu Karere ka Nyamasheke binjiye muri Nyungwe banyuze mu Murenge wa Karambi, aho yavuze ko aho bagiye ubu batangiye kwicuza icyabajyanyeyo.<\/p>\n
Aha akaba yasaga n\u2019uca amarenga ku mirwano yabahuje n\u2019abo bantu bitwaje ibirwanisho, avuga ko ingabo z\u2019igihugu zifite ubushobozi buhagije ku buryo kuri we atabyita guhangana kuko umuntu ahangana n\u2019uwo banganya imbaraga kandi imbaraga zabo akaba ntaho zihuriye n\u2019iz\u2019Ingabo z\u2019u Rwanda.<\/p>\n
Naho minisitiri w\u2019ubutegetsi bw\u2019igihugu Shyaka Anastase washimiye abaturage bo mu Murenge wa Karambi, yabasabye kutarangazwa n\u2019abashaka kubahungabanyiriza umutekano.<\/p>\n
<\/p>\n
Gen Eric Murokore yari kumwe na Minisitiri w\u2019Ubutegetsi bw\u2019Igihugu Prof Shyaka Anastase wari mu ruzinduko rw\u2019Akazi mu Karere ka Nyamasheke kuri uyu wa 22 Werurwe 2019, aho yakoranye inama Mpuzabikorwa n\u2019abayobozi mu nzego zitandukanye ziyobora Akarere guhera ku rwego rw\u2019Umudugudu, Akagari, Umurenge n\u2019Akarere ndetse n\u2019izindi nzego zifatanya n\u2019aba bayobozi zirimo Abajyanama mu Nama Njyanama, Abikorera, abanyamadini, Abafatanyabikorwa n\u2019abandi bose basaga 800 maze abasaba gukomeza gushyira umuturage imbere muri gahunda zose.<\/p>\n
Muri iyi nama, Minisitiri Shyaka yabwiye aba bayobozi ko bakwiriye gukomeza kureberera Umuturage hagamijwe kuzamura imibereho myiza ye, agahabwa serivisi inoze hibandwa \u00a0cyane \u00a0ku buhinzi n\u2019ubworozi kuko ari byo bikorwa n\u2019umubare munini w\u2019abaturage ba\u2019aka Karere.<\/p>\n
Ati: \u201cUmuturage wa Nyamasheke agomba guhabwa ibimufasha kuzamura imibereho ye cyane cyane mu\u00a0 buhinzi n\u2019ubworozi bibeshejeho abasaga bitatu bya kane by\u2019abaturage ba Nyamasheke. Niba ari uguhabwa inyongeramusaruro akayihabwa uko yamugenewe, niba aba bahinzi bibumbiye mu makorerative, aya makoperative agafashwa gukomeza gukora neza Atari ukunyunyuza abanyamuryango. Ibi byose rero mwebwe bayobozi ni mwe mugomba kubibera umusemburo\u201d.<\/p>\n
![\"\"](\"https:\/\/bwiza.com\/wp-content\/uploads\/2019\/03\/D2RQOhJX0AAWpZB-1.jpg\")
<\/p>\n
Muri uru ruzinduko kandi Minisitiri Shyaka wari uherekejwe na Guverineri w\u2019Intara y\u2019Iburengerazuba Munyantwali Alphonse na bamwe mu bagize Inama y\u2019Umutekano Itaguye y\u2019Intara basuye abaturage b\u2019Umurenge wa Karambi, aganira nabo kuri gahunda ztandukanye zigamije kubateza imbere anabaha umwanya wo kubaza bimwe mu bibazo bafite kandi ibitabonewe ibisubizo bihabwaq umurongo bikwiye gukemukiramo. Yanasuye kandi Uruganda rw\u2019Icyayi rwa Gatare \u201cGatare Tea Company\u201d.<\/p>\n
Nubwo umutwe wa FNL wigambye ko ari wo wagaragaye muri karambi ndetse ugahangana n\u2019ingabo z\u2019u Rwanda muri Nyungwe mbere yo gutangaza ko hari ibice bitandukanye wigaruriye, abanyamakuru ba VOA babashije kugera muri bimwe muri ibyo bice baravuga ko basanze urujya n\u2019uruza ari urusanzwe kandi abaturage bababwiye ko usibye ibyabaye ku cyumweru nta ngabo z\u2019igihugu bari bongera kubona aho batuye.<\/p>\n
\u00a0<\/p>\n","protected":false},"excerpt":{"rendered":"
Umukuru w\u2019Inkeragutabara mu Ntara y\u2019Iburengerazuba, Gen.Major Eric Murokore yasabye inzego z\u2019ubutegetsi mu mirenge ikora ku Kiyaga cya Kivu no ku Ishyamba rya Nyungwe kuba maso ngo hatazagira umwanzi wongera kubona aho amenera nyuma y\u2019aho abantu bitwaje intwaro bagaragaye mu Murenge wa Karambi bajya mu ishyamba rya Nyungwe ahabereye imirwano ariko we atita guhangana kuko ngo […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-14410","post","type-post","status-publish","format-standard","hentry","category-politiki-rw"],"yoast_head":"\n