Abana b\u2019umunyamakuru Jamal Khashoggi wiciwe Instanbul muri Turkiya kuwa 02 Ukwakira 2018, bahawe n\u2019abategetsi ba Arabia Saoudite akomokamo impozamarira y\u2019amazu n\u2019amamiliyoni menshi y\u2019amadolari nk\u2019uko byahishuwe n\u2019ikinyamakuru The Washington Post.<\/p>\n
Nk\u2019uko The Washington Post, umunyamakuru Khashoggi yanandikiraga ivuga, ngo inzu abana be bahawe ziherereye Djeddah, ahantu hameze nk\u2019umudugudu kandi buri imwe ifite agaciro ka miliyoni 4 z\u2019Amadolari. Kuri ibi hiyongeraho amafaranga abana ba Khashoggi bane bazajya bahabwa buri kwezi agera ku 10,000 by\u2019Amadolari nk\u2019uko iki kinyamakuru kibikesha bamwe mu begereye ubutegetsi n\u2019abegereye umuryango.<\/p>\n
Iki kinyamakuru kandi kivuga ko bashobora no kuzakira andi mafaranga menshi abarirwa mu mamiliyoni y\u2019Amadolari buri muntu mu rwego rw\u2019imishyikirano ku giciro cy\u2019amaraso yamenwe igihe urubanza rw\u2019abakekwaho uruhare mu iyicwa rya Khashoggi ruzaba rurangiye mu mezi ari imbere.<\/p>\n
Bikaba bivugwa ko impozamarira ku bana ba Khashoggi yategetswe mu mpera za 2018 n\u2019Umwami Salmane, mu rwego rw\u2019ibyasobanuwe n\u2019uwahoze ari umuyobozi muri Arabia Saoudite nko kwemera akarengane kabaye no kugerageza gukosora kosa ryakozwe. Ibi ngo akaba ari ibisanzwe mu muco wo muri Arabia Saoudite.<\/p>\n
Biravugwa ko imishyikirano yagejeje kuri iyi myanzuro yayobowe na Khalid Ben Salmane, umuvandimwe w\u2019Igikomangoma Mohammed Ben Salmane, na Ambasaderi wa Arabia Saoudite muri Leta Zunze Ubumwe za Amerika. Umuhungu w\u2019imfura wa Khashoggi witwa Salah (uri ku ifoto asuhuzanya n’Igikomangoma gikekwaho uruhare mu iyicwa rya se) niwe wenyine ukiba muri Arabia Saoudite aho akora mu bijyanye n\u2019amabanki I Djeddah. Abandi bavandimwe be batatu, umuhungu umwe n\u2019abakobwa babairi bose baba muri Amerika.<\/p>\n
Jamal Khashoggi ni umunyamakuru w\u2019umuhanga wakunze kurangwa no kunenga ubutegetsi bwo mu gihugu cye ariko aba muri Leta Zunze Ubumwe za Amerika. Yishwe ku itariki 02 Ukwakira n\u2019agatsiko k\u2019abakomando bagera kuri 15 bari baturutse I Riyad muri Arabia Saoudite bajya muri ambasade y\u2019iki gihugu muri Turkiya, aho basoreje umugambi wabo wo kwivugana Khashoggi barangije umurambo barawurigisa na n\u2019ubu ukaba utaraboneka.<\/p>\n
Nyuma yo guhakana kugira uruhare muri ubu bwicanyi, Arabia Saoudite yavuze ko ari igikorwa cyakozwe n\u2019abantu itatumye barengereye. Urubanza rw\u2019aba bantu bagera kuri 11 rwatangiranye n\u2019intangiro y\u2019umwaka imbere y\u2019ubutabera bwa Arabia Saoudite, aho Umushinjacyaha mukuru yasabiye igihano cy\u2019urupfu batanu muri bo.<\/p>\n
Gusa, ngo haracyari urujijo ku ruhare rw\u2019igikomangoma Mohammed ben Salmane ufatwa na Senat ya Leta Zunze Ubumwe za Amerika nk\u2019uri inyuma y\u2019ubu bwicanyi.<\/p>\n
\u00a0<\/p>\n
\u00a0<\/p>\n","protected":false},"excerpt":{"rendered":"
Abana b\u2019umunyamakuru Jamal Khashoggi wiciwe Instanbul muri Turkiya kuwa 02 Ukwakira 2018, bahawe n\u2019abategetsi ba Arabia Saoudite akomokamo impozamarira y\u2019amazu n\u2019amamiliyoni menshi y\u2019amadolari nk\u2019uko byahishuwe n\u2019ikinyamakuru The Washington Post. Nk\u2019uko The Washington Post, umunyamakuru Khashoggi yanandikiraga ivuga, ngo inzu abana be bahawe ziherereye Djeddah, ahantu hameze nk\u2019umudugudu kandi buri imwe ifite agaciro ka miliyoni 4 […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-14573","post","type-post","status-publish","format-standard","hentry","category-politiki-rw"],"yoast_head":"\n