Batatu mu bayobozi bakuru b’akanama ka gisirikare kayoboye Sudani by’inzibacyuho batavugwaho rumwe batangaje ukwegura kwabo, iki kikaba ari kimwe mu byifuzo bikomeye by’abigaragambya.<\/p>\n
Aba bajenerali ni Omar Zain al-Abideen, Jalal al-Deen-Sheikh na Al-Tayeb Bakar Ali Fadee, basanzwe bazwiho kuba inkoramutima za Omar al-Bashir uheruka guhirikwa ku butegetsi. Babonwa kandi nk’abahezanguni ku myemerere ya Islam.<\/p>\n
Abayoboye imyigaragambyo baherutse gutangaza ko batazongera kuganira n’aka kanama ka gisirikare. Ku wa Gatatu nimugoroba ibiganiro bibahuza byarasubukuwe.<\/p>\n
Hashize amasaha macye ibi biganiro bitangiye nibwo abo bajenerali batatu bahise begura.<\/p>\n
Kubavana muri ako kanama ka gisirikare byari kimwe mu byifuzwa cyane n’abigaragambya nk’uko iyi nkuru dukesha BBC ikomeza ivuga.<\/p>\n
Kwegura kwabo biri kubonwa nk’intsinzi nto ku bigaragambya basaba ko ubutegetsi bushyirwa mu maboko y’abasivile.<\/p>\n
Mu kiganiro n’abanyamakuru, umuvugizi w’igisirikare Liyetona Jenerali Shamseddine Kabbashi yavuze ko impande zombi zumvikanye kuri byinshi mu byo abigaragambya basaba.<\/p>\n
Yavuze kandi ko bemeranyije gushinga akanama gahuriwemwo n’impande zombi kugira ngo ibyo batumvikanaho babishakire umuti.<\/p>\n
Kuri uyu wa Kane, abigaragambya biteganyijwe ko bakora indi myigaragambyo mu murwa mukuru Khartoum wa Sudani, mu gukomeza gusaba amavugurura agamije demokarasi.<\/p>\n
Abayoboye abigaragambya bavuga ko bashaka ko akanama ka gisirikare kari ku butegetsi by’inzibacyuho gashyira ubutegetsi mu maboko y’abategetsi b’abasivile.<\/p>\n
\u00a0<\/p>\n","protected":false},"excerpt":{"rendered":"
Batatu mu bayobozi bakuru b’akanama ka gisirikare kayoboye Sudani by’inzibacyuho batavugwaho rumwe batangaje ukwegura kwabo, iki kikaba ari kimwe mu byifuzo bikomeye by’abigaragambya. Aba bajenerali ni Omar Zain al-Abideen, Jalal al-Deen-Sheikh na Al-Tayeb Bakar Ali Fadee, basanzwe bazwiho kuba inkoramutima za Omar al-Bashir uheruka guhirikwa ku butegetsi. Babonwa kandi nk’abahezanguni ku myemerere ya Islam. Abayoboye […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-14955","post","type-post","status-publish","format-standard","hentry","category-politiki-rw"],"yoast_head":"\n