Bamwe mu banyamakuru bo mu Rwanda baravuga ko urwego rw\u2019umuvunyi hari inzego rutinya gukurikirana mu gihe zanze gufasha umunyamakuru kubona inkuru ashaka nk\u2019uko biteganywa n\u2019itegeko rishya rigenga itangazamakuru, aho bemeza ko kenshi bimwa amakuru bagasiragizwa n\u2019abo bayasaba mu gihe itegeko riteganya ko bagomba koroherezwa kubona amakuru. Ni mu gihe uru rwego rwo rwemeza ko mu gihe rwaba rwiyambajwe ntawe rwatinya kubaza.<\/p>\n
Abanyamakuru bavuga ko itegeko ryo guhabwa amakuru ryagiyeho ariko kugeza ubu riri mu mpapuro gusa. Ni nyuma y\u2019amahugurwa agenewe abanyamakuru yateguwe n\u2019Urwego rw\u2019Umuvunyi kuri uyu wa Gatatu, itariki 15 Gicurasi ku byerekeranye n\u2019itegeko ryo guhabwa amakuru.<\/p>\n
Bamwe mu banyamakuru bavuga ko hari igihe Urwego rw\u2019Umuvunyi ruregerwa mu gihe abanyamakuru bimwe amakuru ariko ugasanga kenshi uru rwego hari inzego rutinya.<\/p>\n
Umwe muri abo ati: \u201c Nk\u2019urwego rw\u2019Umuvunyi..nta na hamwe ruradufasha kubona amakuru kuri polisi. Polisi ishaka ngo iduhamagare itwereke\u2026ni ukuvunga ngo baduha inkuru bo bashatse. Ariko noneho twe iyo tugiye kubabaza tuti ese, abantu baburirwa irengero mushobora kutwereka aho bari cyangwa mukatwemerera ko mubafite? Ntibaduhe igisubizo, ariko igihe bazabishakira bagahamagara abanyamakuru ngo muze tubereke. Dore umuntu twari dufite, ariko ntube wabaza mbere y\u2019igihe uti ese uyu muntu yari ari he<\/em> ?\u201d<\/p>\n Uyu yakomeje asaba urwego rw\u2019Umuvunyi ko rwakwegera Urwego rw\u2019Igihugu rw\u2019Ubugenzacyaha (RIB) cyangwa Polisi y\u2019Igihugu, rukababwira ko nabo iryo tegeko ryo gutanga amakuru ribareba.<\/p>\n Ati: \u201c N\u2019ukuvunga ngo niba riri mu mpapuro, nirive mu mpapuro rijye mu bikorwa<\/em> .\u201d<\/p>\n Aba banyamakuru bakaba bavuga ko iyo bimwe amakuru bakageza ibibazo byabo ku twego rw\u2019umuvunyi rimwe na rimwe basiragizwa inkuru zikarinda zisaza zitarabonerwa ibisubizo.<\/p>\n Ku ruhande rwarwo, Urwego rw\u2019Umuvunyi rwo ruvuga ko kugeza ubu nta rwego na rumwe rutinya kuba rwasaba amakuru nk\u2019uko byemezwa na Kajangana Jean Aime (uri ku ifoto), ukuriye ishami rishinzwe kugenzura imyitwarire y\u2019abayobozi mu Rwego rw\u2019Umuvunyi.<\/p>\n Avuga ko nta munyamakuru wigeze umuregera urwego na rumwe rwamwimye amakuru ngo urwo rwego ntirukurikiranwe.<\/p>\n Ati: \u201c Kugeza ubu, no mu kazi kandi gasanzwe kari mu nshingano z\u2019Urwego rw\u2019Umuvunyi, ndibaza ko nta rwego dutinya kuko ntabari badukanga, nta bikangisho twari twumva umukozi w\u2019Urwego rw\u2019Umuvunyi yagize, nta rwego rero twumva twatinye gukurikirana kubera ko umunyamakuru yaruturegeye<\/em> .\u201d<\/p>\n Uru rwego rw\u2019Umuvunyi rukaba ruvuga ko rumaze kwakira ibirego 21 bijyanye n\u2019abantu bimwe amakuru, 17 muri byo bikaba ari iby\u2019abanyamakuru. Ni mugihe itegeko ryo guhabwa amakuru rimaze imyaka isaga itandatu rigiyeho, aho rivuga ko uwatswe amakuru adakwiye kurenza iminsi itatu atarayatanga, mu gihe umunyamakuru wasabye amakuru atagomba kurenza iminsi ibiri atarayahabwa.<\/p>\n \u00a0<\/p>\n \u00a0<\/p>\n \u00a0<\/p>\n","protected":false},"excerpt":{"rendered":" Bamwe mu banyamakuru bo mu Rwanda baravuga ko urwego rw\u2019umuvunyi hari inzego rutinya gukurikirana mu gihe zanze gufasha umunyamakuru kubona inkuru ashaka nk\u2019uko biteganywa n\u2019itegeko rishya rigenga itangazamakuru, aho bemeza ko kenshi bimwa amakuru bagasiragizwa n\u2019abo bayasaba mu gihe itegeko riteganya ko bagomba koroherezwa kubona amakuru. Ni mu gihe uru rwego rwo rwemeza ko mu […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-15233","post","type-post","status-publish","format-standard","hentry","category-politiki-rw"],"yoast_head":"\n