Kuri uyu wa kane tariki ya 30 Gicurasi 2019 ku Ishuri Rikuru ry\u2019Imyuga n\u2019Ubumenyingiro rya Musanze- IPRC Musanze- riherereye mu Murenge wa Nkotsi, Akarere ka Musanze habereye umuhango wo gushyira ibuye ry\u2019ifatizo ahagiye kubakwa inyubako zifite agaciro ka miliyoni cumi n\u2019esheshatu z\u2019Amadolari ya Amerika yatanzwe na Leta y\u2019Ubushinwa mu rwego rwo kwagura iri Shuri.<\/p>\n
Umushyitsi Mukuru muri uyu muhango yari Minisitiri w’Uburezi, Dr Mutimura Eugene; hari kandi Guverineri w’Intara y’Amajyaruguru, Hon Gatabazi Jean Marie Vianney, Ambasaderi w’Ubushinwa mu Rwanda, RAO Hongwei, Inzego z’Umutekano n’abandi Bayobozi batandukanye, abanyeshuri n’abarimu bo muri IPRC Musanze ndetse n’abaturage b\u2019Umurenge wa Nkotsi baturiye iri shuri.<\/p>\n
Mu ijambo rye, Minisitiri w’Uburezi yavuze ko imirimo yo kubaka inyubako ziteganyijwe ndetse n’ibikoresho bizazishyirwamo mu rwego rwo kwagura IPRC Musanze zizatwara miliyoni cumi n’esheshatu z’Amadolari ya Amerika kandi ko yose yatanzwe na Leta y’Ubushinwa.<\/p>\n
Yaboneyeho gushima ubufatanye hagati ya Leta y’u Rwanda n’Ubushinwa, aho yashimangiye ko ubwo bufatanye bushingiye cyane cyane ku bucuti bukomeye Perezida wa Repubulika y\u2019u Rwanda, Nyakubahwa Paul Kagame afitanye n\u2019Igihugu cy\u2019Ubushinwa, by\u2019umwihariko na Perezida Xi Jinping w’Ubushinwa.<\/p>\n
Minisitiri Mutimura yasabye abaturage baturiye IPRC Musanze gukomeza gufatanya na ryo guteza imbere uburezi bw’abana babo no kwiteza imbere bo ubwabo, bahereye ku mahirwe babonye y’imirimo y\u2019inyubako zigiye kuhazamurwa.<\/p>\n
Ku ruhande rwe, Guverineri w’Intara y’Amajyaruguru yavuze ko inkunga ya miliyoni cumi n\u2019esheshatu z\u2019Amadolari ya Amerika Ubushinwa bwateye u Rwanda, ikaba ije mu Ntara y\u2019Amajyaruguru izagira uruhare rukomeye mu iterambere ry\u2019iyi Ntara, cyane cyane ko ije kubaka ibikorwaremezo bizafasha urubyiruko kuzamura urwego rw\u2019ubumenyi, ari bwo musingi w\u2019iterambere rirambye ry\u2019Igihugu.<\/p>\n
Guverineri Gatabazi yijeje umutekano Abashinwa bagiye gukora imirimo yo kwagura iri Shuri kandi anasaba abaturage kuzababanira neza no kuzabyaza umusaruro aya mahirwe babonye, kuko nk\u2019uko yabishimangiye, imirimo igiye kuhakorerwa izatanga akazi ku batari bake, bityo babone amafaranga azabafasha mu iterambere ryabo.<\/p>\n
Ambasaderi w’Ubushinwa mu Rwanda na we yijeje ko Leta y’Igihugu cye ahagarariye, izakomeza gufatanya n’u Rwanda mu mishinga itandukanye igamijwe iterambere n’imibereho myiza y’abaturage.<\/p>\n
Nk\u2019uko byatangajwe inyubako ziteganyijwe kubakwa mu rwego rwo kwagura IPRC Musanze zizubakwa ku buso bwa metero kare 41,000, zo ubwazo zikazaba zizaba zifite ubuso bungana na metero kare 7,600 zikazubakwa mu gihe cy’amezi 18. Izo nyubako zizaba zigizwe n\u2019amashuri yo kwigiramo, icyumba kinini cy\u2019inama, amacumbi y\u2019abanyeshuri, inzu za laboratuwari n\u2019izindi zizashyirwamo serivisi zitandukanye.<\/p>\n","protected":false},"excerpt":{"rendered":"
Kuri uyu wa kane tariki ya 30 Gicurasi 2019 ku Ishuri Rikuru ry\u2019Imyuga n\u2019Ubumenyingiro rya Musanze- IPRC Musanze- riherereye mu Murenge wa Nkotsi, Akarere ka Musanze habereye umuhango wo gushyira ibuye ry\u2019ifatizo ahagiye kubakwa inyubako zifite agaciro ka miliyoni cumi n\u2019esheshatu z\u2019Amadolari ya Amerika yatanzwe na Leta y\u2019Ubushinwa mu rwego rwo kwagura iri Shuri. Umushyitsi […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[14],"tags":[],"class_list":["post-15489","post","type-post","status-publish","format-standard","hentry","category-mu-mashuli"],"yoast_head":"\n