Umucamanza mu Rukiko Rwisumbuye rwa Nyarugenge ntiyaburanishije mu mizi urubanza Umunyarwandakazi aregamo Umushinwa Wang Yang Jian, wamukoreshaga, kumusambanya ku gahato, aho umucamanza yabanje gusuzuma inzitizi z\u2019ababuranira Jian bamusabira gukurikiranwa yidegembya kuko ngo ubuzima bwe butameze neza aho afungiye.<\/p>\n
Uyu Mushinwa ukurikiranweho gukoresha Umunyarwandakazi yakoreshaga imibonano mpuzabitsina ku gahato araburana mu rurimi rw\u2019Igishinwa afite umusemuzi w\u2019Umunyarwanda wumva Igishinwa. Umukobwa uri hagati y\u2019imyaka 22 na 25 y\u2019amavuko bikekwa ko yakoresheje imibonano mpuzabitsina ku gahato nawe kuri uyu wa gatatu, itariki 12 Kamena yari ari mu rukiko.<\/p>\n
Ababuranira indishyi muri uru rubanza bahise basaba ko kubera uburyo bikekwa ko iki cyaha cyakozwe, urubanza rwaburanishirizwa mu muhezo ku mpamvu z\u2019umutekano w\u2019impande zombi. Icyifuzo urukiko rwashyigikiye ku bw\u2019ubusabe bw\u2019ababuranira indishyi.<\/p>\n
Mbere y\u2019uwo muhezo ariko abunganira Wang Yang Jian bahise bazamura inzitizi yo kumusabira gufungurwa by\u2019agateganyo mbere y\u2019uko umucamanza atangira kuburanisha urubanza mu mizi. Ubwunganizi bukaba bwavuze ko ubuzima bwa Yang Jian buri mu kaga kubera imibereho abayeho muri Gereza ya Nyarugenge.<\/p>\n
Bwabwiye urukiko ko abavandimwe b\u2019uregwa bamwitagaho basubiye iwabo mu Bushinwa kandi ko nta bundi bufasha ari kubona bwamufasha kubaho muri gereza kuko ngo atabasha amafunguro agenerwa abandi muri gereza bityo bukamusabira gufungurwa by\u2019agateganyo.<\/p>\n
Ubwunganizi bwabwiye urukiko ko mu gihe yarekurwa by\u2019agateganyo afite aho acumbitse hazwi kandi ko ibyo urukiko rwamutegeka kubyubahiriza atabirengaho ariko akajya aburana afite ubuzima buzira umuze.<\/p>\n
Ubushinjacyaha ariko bwo busanga ubu busabe butahabwa agaciro kuko ngo gusaba gufungura uregwa byakabaye byarakozwe urubanza rutashyirwa ku rutonde rw\u2019impanza zigomba kuburanishwa mu mizi, bugasanga ahubwo akwiye kuburana urubanza rukava mu nzira.<\/p>\n
Ababuranira indishyi muri uru rubanza nabo baremeranya n\u2019ubushinjacyaha, bakavuga ko gusaba gufungura uregwa by\u2019agateganyo byakabaye byarakozwe mbere ubwo baburanaga ku ifunga n\u2019ifungurwa ry\u2019agateganyo. Bongeyeho ko ku rukiko hari abandi Bashinwa bagenzi b\u2019uregwa bashobora kuba bagemurira Wang Jian.<\/p>\n
Ubwunganizi buvuga ko ubusabe bwabwo bushingiye ku ngingo z\u2019amategeko zisobanura ko aho urubanza rwaba rugeze hose, haba mu kuburana mu mizi, uregwa aba ashobora gufungurwa by\u2019agateganyo.<\/p>\n
Nyuma y\u2019izo mpaka zose umucamanza yahisemo guheza abatarebwa n\u2019urubanza bose, afata umwanya wo kumva impamvu ababurana bombi basaba kuburanira mu muhezo nyuma yanzura ko ruzaburanishwa mu muhezo.<\/p>\n
Icyaha Umushinwa Wang Jian akurikiranweho bikekwa ko yagikoreye mu Mujyi wa Kigali mu mpera z\u2019Ukwakira 2018 ahazwi nko mu Kiyovu cy\u2019Abakire.<\/p>\n
Bivugwa ko uyu yakoraga kuri kontwari z\u2019aha mu Kiyovu, aho bamwe mu bo bakoranaga babwiye Ijwi rya Amerika ko uyu mushinwa n\u2019umukobwa umurega kumusambanya ku gahato nawe bakoranaga muri iyo hotel.<\/p>\n
Bose mu bamushinjura bavuga ko uyu mukobwa na Jian bari basanzwe baziranye ndetse ko babonana bwa mbere bumvikanye amafaranga Umushinwa akamwishyura amafaranga 25,000frw bakaryamana bigakomeza gutyo<\/p>\n
Bakeka ko ku munsi wa nyuma baba barapfuye ko uyu Mushinwa yamusezeranyije amafaranga ariko ntayamuhe agahitamo guhuruza inzego z\u2019umutekano avuga ko yamukoresheje imibonano mpuzabitsina ku gahato.<\/p>\n
Kuri uyu wa Gatanu, itariki 14 Kamena nibwo umucamanza azatangaza niba Wang Jian yafungurwa by\u2019agateganyo akaburana yidegembya cyangwa niba yakomeza gufungwa.<\/p>\n
\u00a0<\/p>\n
\u00a0<\/p>\n
.<\/p>\n","protected":false},"excerpt":{"rendered":"
Umucamanza mu Rukiko Rwisumbuye rwa Nyarugenge ntiyaburanishije mu mizi urubanza Umunyarwandakazi aregamo Umushinwa Wang Yang Jian, wamukoreshaga, kumusambanya ku gahato, aho umucamanza yabanje gusuzuma inzitizi z\u2019ababuranira Jian bamusabira gukurikiranwa yidegembya kuko ngo ubuzima bwe butameze neza aho afungiye. Uyu Mushinwa ukurikiranweho gukoresha Umunyarwandakazi yakoreshaga imibonano mpuzabitsina ku gahato araburana mu rurimi rw\u2019Igishinwa afite umusemuzi w\u2019Umunyarwanda […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-15722","post","type-post","status-publish","format-standard","hentry","category-politiki-rw"],"yoast_head":"\n