Muri iki cyumweru dusoje Polisi ikorera mu karere ka Gasabo mu murenge wa Kacyiru yafashe abagabo babiri Kanamugire Fiston w\u2019imyaka 20 na Kagame Peter w\u2019imyaka 23 bacyekwaho gukoresha amadorali magana abiri (200$) y\u2019amiganano.<\/p>\n
Aba bagabo bombi bafatiwe mu kabari barimo banyweramo ubwo bajya kwishyura bagatanga amadorali ijana (100$) y\u2019amiganano.<\/p>\n
Neretsabahizi Philibert uyobora akabari aba bagabo bari bari kunyweramo bamwishyuye ayo madorali 100 $ ayashidikanyaho, niko kubaza uwari uyamuhaye ariwe Kagame Peter aho yayakuye maze amubwira ko ayahawe na mugenzi we basangiraga Kanamugire Fiston kandi afite n\u2019andi, nuko ahita yitabaza Polisi.<\/p>\n
Umuvugizi wa Polisi mu mujyi wa Kigali Chief Inspector of Police (CIP) Marie Gorette Umutesi, yavuze ko Neretsabahizi akimara kwitabaza Polisi yahise ijyayo ifata abo bagabo.<\/p>\n
Yagize ati \u201cAkimara kuduha aya makuru twahise tujyayo dusanga abo bagabo koko bafite amadorali 200 $ y\u2019amiganano.\u201d<\/p>\n
Umuvugizi wa Polisi mu mujyi wa Kigali\u00a0 yakomeje avuga ko uyu Kanamugire yababwiye ko aya madorali yayavunjiwe n\u2019umuntu ukora Kimisagara akayamuhera ku bihumbi mirongo inani(80,000frw) kuri buri jana ry\u2019amadorali (100USD) amubwira ko nawe azungukamo najya kuyavunjisha.<\/p>\n
CIP Umutesi yagiriye inama abaturage gushishoza mbere yo kwakira amafaranga bakareba niba yujuje ubuziranenge, igihe bagize amakenga bakihutira kwitabaza inzego z\u2019umutekano nk\u2019uko uyu muyobozi w\u2019aka kabari yayagize akitabaza Polisi.<\/p>\n
Yongeyeho ko amafaranga y\u2019amiganano atesha agaciro ifaranga ry\u2019igihugu ndetse akanasubiza inyuma ubukungu bw\u2019igihugu, agasaba buri wese kugira uruhare mu kurwanya abayakora ndetse n\u2019abayakwirakwiza.<\/p>\n
CIP Umutesi agira inama abaturage kwirinda kwishora mu bikorwa byo gukora amafaranga y\u2019amiganano ndetse n\u2019ibindi byaha kuko nta narimwe Polisi ifatanyije n\u2019izindi nzego ndetse n\u2019abaturage bazahwema kurwanya abakora ibinyuranyije n\u2019amategeko.<\/p>\n
Ingingo ya 269 mu gitabo giteganya ibyaha n\u2019ibihano muri rusange ivuga ko umuntu wese, ku bw\u2019uburiganya wigana, uhindura amafaranga y\u2019ibiceri cyangwa inoti akoreshwa mu Rwanda cyangwa mu mahanga, ibyakwitiranywa nayo, impapuro zifite agaciro k\u2019amafaranga y\u2019igihugu zashyizweho umukono n\u2019inzego zibifitiye ububasha, ziriho tembure yayo cyangwa ikirango cyayo, cyangwa izindi mpapuro zikoreshwa mu Rwanda cyangwa mu mahanga, uzana cyangwa ukwiza mu Rwanda izo mpapuro n\u2019izo noti azi ko ziganywe cyangwa ko zahinduwe, aba akoze icyaha.<\/p>\n
Iyo abihamijwe n\u2019urukiko, ahanishwa igifungo kitari munsi y\u2019imyaka itanu (5) ariko kitarenze imyaka irindwi (7) n\u2019ihazabu y\u2019amafaranga y\u2019u Rwanda atari munsi ya miliyoni zirindwi (7.000.000 FRW) ariko atarenze miliyoni icumi (10.000.000 FRW).<\/p>\n","protected":false},"excerpt":{"rendered":"
Muri iki cyumweru dusoje Polisi ikorera mu karere ka Gasabo mu murenge wa Kacyiru yafashe abagabo babiri Kanamugire Fiston w\u2019imyaka 20 na Kagame Peter w\u2019imyaka 23 bacyekwaho gukoresha amadorali magana abiri (200$) y\u2019amiganano. Aba bagabo bombi bafatiwe mu kabari barimo banyweramo ubwo bajya kwishyura bagatanga amadorali ijana (100$) y\u2019amiganano. Neretsabahizi Philibert uyobora akabari aba bagabo […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-16367","post","type-post","status-publish","format-standard","hentry","category-politiki-rw"],"yoast_head":"\n