![\"\"](\"https:\/\/bwiza.com\/wp-content\/uploads\/2019\/07\/RSOPS-1.jpg\")
<\/p>\nMu gitondo cyo kuri uyu 21 Nyakanga ku Cyicaro gikuru cya Polisi ku Kacyiru, Polisi yeretse itangazamakuru moto zigera 128 zaraye zifatiwe mu mukwabu wo kutubahiriza amategeko y\u2019umuhanda.<\/p>\n
Izi moto zafatiwe mu mikwabu itandukanye yakozwe kuri uyu wa gatandatu tariki 20 Nyakanga, mu mujyi wa Kigali wo kugenzura moto zitubahiriza ubukangurambaga bwa Gerayo Amahoro n\u2019amategeko agenga umuhanda muri rusange.<\/p>\n
Amwe mu makosa izi moto zafatiwemo arimo guhagara nabi, kutagira ibyangombwa, kutagira uruhushya rwo gutwara abagenzi, kuvanga abantu n\u2019imizigo, kutubahiriza amabwiriza, impushya zarangije igihe, guca mu cyerecyezo cyitemewe, impushya z\u2019inyamahanga, kutagira ubwishingizi n\u2019andi makosa atandukanye. Izi zose uko ari 128 zikaba zafashwe mu ijoro ryacyeye mu turere tugize umujyi wa Kigali.<\/p>\n
<\/p>\n
Umuvugizi wa Polisi y\u2019u Rwanda Commissionner of Police (CP) John Bosco Kabera yavuze ko Polisi ikomeje kuburira no kwamagana abantu bakomeje gukoresha umuhanda nabi bagateza impanuka zitwara ubuzima bw\u2019abantu abandi zikabasigira ubumuga.<\/p>\n
Yagizea ati \u201cHari ubukangurambaga bwa gerayo amahoro Polisi n\u2019abafatanyabikorwa batandukanye banyuza ku ma radiyo, televiziyo, mu biganiro bitandukanye bihabwa abahagarariye za kompanyi n\u2019amakoperative atwara abagenzi ndetse n\u2019abamotari n\u2019abashoferi ubwabo n\u2019abandi bose bakoresha umuhanda hirya no hino mu gihu bakangurira buri wese kugenda mu muhanda mu buryo bwemewe n\u2019amategeko, ariko n\u2019ubwo dukomeje ubu bukangurambaga hari bamwe bakomeje kugaragarwaho n\u2019ibi byaha byo kutubahiriza amategeko y\u2019umuhanda bagakora amakosa kuburyo bukomeye bushobora guteza impanuka abantu bakahasiga ubuzima n\u2019ibintu bikahangirikira.\u201d<\/p>\n
CP Kabera yavuze ko umuntu wese ushaka gutwara ikinyabiziga agomba kuba afite uruhushya rwabugenewe, niba gitwara abantu akaba afite ibyangombwa bicyemerera gutwara abantu, niba kigenda mu muhanda kikaba gifite ubwishingizi kugira ngo nicyiramuka gikoze n\u2019impanuka abantu cyari gitwaye bashobore kuba barihwa na nyiracyo nawe abashe kwishyurwa ikinyabiziga cye.<\/p>\n
Umuvugizi wa Polisi y\u2019u Rwanda yavuze ko ibikorwa byo gushakisha abantu bakomeje gukora ibikorwa binyuranyije n\u2019amategeko bizakomeza gukorwa ndetse bikava mu mujyi wa Kigali bikajya no mu ntara zose z\u2019igihugu hagamijwe kurengera ubuzima bw\u2019abantu no guhana abatubahiriza amategeko agenga umuhanda.<\/p>\n
Yagize ati \u201cIki gikorwa cyo gufata abatubahiriza amategeko tuzagikomeza, ikindi kandi izi moto zafatiwe mu makosa atandukanye ashobora guteza impanuka tuba tuzeretse itangazamakuru mu rwego rwo kugira ngo ubu butumwa bugere ku banyarwanda bose bakomeze kwirinda icyabateza impanuka, banumve ko bafite uruhare rwo gutanga amakuru y\u2019abatubahiriza amategeko y\u2019umuhanda mu rwego rwo kurengera ubuzima bw\u2019abakoresha umuhanda.\u201d<\/p>\n
![\"\"](\"https:\/\/bwiza.com\/wp-content\/uploads\/2019\/07\/RSOPS-2.jpg\")
<\/p>\n
CP Kabera yongeye kwibutsa abatwara ibinyabiziga gukurikiza amategeko agenga umuhanda, bagaha uburenganzira abanyamaguru n\u2019abandi bose bakoresha umuhanda ikindi bakumva ko abantu batwaye nabo bafite uruhare rwo kubabwira uburyo babatwara.<\/p>\n
Ati \u201cNiyo mpamvu hariho gahunda ya gerayo amahoro y\u2019uko buri muntu wese uhagurutse ugiye gutwara abagenzi ahantu runaka akwiye kubabwira uburenganzira bwe n\u2019uburengazira bw\u2019abagenzi kugira ngo babe bamwibutsa mu gihe arenze ku nshingano, yabyanga bagahamagara Polisi cyangwa n\u2019urundi rwego rubishinzwe.\u201d<\/p>\n
Yanibukije abanyamaguru ko mbere yo kwambuka umuhanda bagomba kubanza kureba iburyo n\u2019ibumoso ko nta kinyabiziga cyabasatiriye bakabona kwambuka kandi bakambukira ahabugenewe mu gihe hahari bakirinda n\u2019andi makosa yose ashobora guteza impanuka.<\/p>\n","protected":false},"excerpt":{"rendered":"
Mu gitondo cyo kuri uyu 21 Nyakanga ku Cyicaro gikuru cya Polisi ku Kacyiru, Polisi yeretse itangazamakuru moto zigera 128 zaraye zifatiwe mu mukwabu wo kutubahiriza amategeko y\u2019umuhanda. Izi moto zafatiwe mu mikwabu itandukanye yakozwe kuri uyu wa gatandatu tariki 20 Nyakanga, mu mujyi wa Kigali wo kugenzura moto zitubahiriza ubukangurambaga bwa Gerayo Amahoro n\u2019amategeko […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-16376","post","type-post","status-publish","format-standard","hentry","category-politiki-rw"],"yoast_head":"\n