Abayobozi ba Sudani y\u2019Epfo barashinja igihugu cya Uganda gucumbikira abashaka guhungabanya Guverinoma ya Perezida Salva Kiir i Juba.<\/p>\n
Ubwo yafataga ijambo mu nama hagati y\u2019abayobozi ba Uganda n\u2019aba sudani y\u2019Epfo, ahitwa Magwi, muri Sudani y\u2019Epfo kuwa Gatanu ushize, Guverineri wa Leta ya Torit, mu Ntara ya Eastern Equatorial, Bwana Alberio Tobiolo Oromo, yavuze ko inyeshyamba nyinshi zirimo kwinjira muri Uganda zigize nk\u2019impunzi, zikisuganyiriza I Kampala no mu bindi bice by\u2019igihugu ziibitero kuri Juba.<\/p>\n
\u201cAmakuru y\u2019ubutasi dufite aragaragaza ko bamwe mu bakekwaho kuba inyeshyamba bacumbikiwe mu nkambi z\u2019impunzi muri Uganda aho bahuriza ibikorwa byabo mbere yo kongera ibitero muri Sudani y\u2019Epfo,\u201d ibi Alberio yabibwiraga intumwa za Uganda zari ziyobowe n\u2019umuyobozi mu Karere ka Lamo, James Kidega.<\/p>\n
Uyu muyobozi wo muri Sudani y\u2019Epfo nk\u2019uko tubikesha Chimpreports, yongeyeho ko zimwe mu nkambi z\u2019impunzi mu turere twa Kiryandongo, Adjumani na Lamwo zikoreshwa mu gushakisha abarwanyi.<\/p>\n
Nubwo atatanze amazina, yakomoje ku muyobozi umwe w\u2019inyeshyamba avuga ko ari mu bukangurambaga\u00a0 kandi arimo gutera inkunga abasaba ubuhungiro muri Kampala no mu nkambi z\u2019impunzi mu turere twavuzwe, bagamije kurwanya Guverinoma ya Sudani y\u2019Epfo.<\/p>\n
Umuyobozi w\u2019ahitwa Magwi witwa Bosco Ochola Oringa, we yongeyeho ko inyeshyamba zaturutse muri Uganda ziherutse kugaba ibitero mu biturage bya Mugale, Paracelle, Adodi na Owiny Ki Bul muri Sudani y\u2019Epfo.<\/p>\n
Yakomeje avuga ko abo banyabyaha banatega abagenzi ku muhanda uhuza Nimule na Juba.<\/p>\n
Oringa yakomeje avuga ko ibi bishobora kubangamira amasezerano y\u2019amahoro yashyizweho umukono hagati y\u2019impande zihanganye muri Sudani y\u2019Epfo. Kuri ubu Perezida Salva Kiir n\u2019uwahoze ari visi perezida we, Riek Machar bari mu mishyikirano igamije gushing guverinoma ihuriweho no kurangiza imirwano hagati yabo imaze igihe kirekire.<\/p>\n
Inama yo kuwa Gatanu hagati ya Sudani y\u2019Epfo na Uganda yari igamije kuvuga ku kibazo cy\u2019umutekano hagati y\u2019ibihugu byombi. Ni nyuma y\u2019uko hari abantu bitwaje intwaro bagiye bava muri Sudani y\u2019Epfo bakagaba ibitero mu biturage byegereye umupaka muri Uganda, bagasahura amatungo bakanica abantu.<\/p>\n
Bwana James Kidega yijeje ko impungenge za Sudani y\u2019Epfo baza kuzisangiza inzego z\u2019umutekano za Uganda n\u2019abayobozi muri guverinoma ngo bakore iperereza kuri ayo makuru, ariko yongeraho ko bishobora kugorana gufata impunzi n\u2019abasaba ubuhungiro kubera ko baba bakingiwe n\u2019amategeko mpuzamahanga.<\/p>\n
Yasabye n\u2019uruhande rwa Sudani y\u2019Epfo kugenzura ubwiyongere bw\u2019intwaro nto, ubujura bw\u2019amatungo bukorerwa ku mupaka no guhagarika ibikorwa byo guhohotera Abagande muri Sudani y\u2019Epfo.<\/p>\n
Igihugu cya Sudani y\u2019Epfo kikaba gishinja Uganda gucumbikira abashaka guhungabanya umutekano wacyo nyuma y\u2019u Rwanda narwo rwakunze kurega Uganda gufasha abashaka guhungabanya umutekano w\u2019u Rwanda, ndetse kimwe na Sudani y\u2019Epfo u Rwanda narwo rukaba rushinja umutwe wa RNC gushakisha abarwanyi mu nkambi z\u2019impunzi.<\/p>\n
\u00a0<\/p>\n
\u00a0<\/p>\n","protected":false},"excerpt":{"rendered":"
Abayobozi ba Sudani y\u2019Epfo barashinja igihugu cya Uganda gucumbikira abashaka guhungabanya Guverinoma ya Perezida Salva Kiir i Juba. Ubwo yafataga ijambo mu nama hagati y\u2019abayobozi ba Uganda n\u2019aba sudani y\u2019Epfo, ahitwa Magwi, muri Sudani y\u2019Epfo kuwa Gatanu ushize, Guverineri wa Leta ya Torit, mu Ntara ya Eastern Equatorial, Bwana Alberio Tobiolo Oromo, yavuze ko inyeshyamba […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[],"class_list":["post-16378","post","type-post","status-publish","format-standard","hentry","category-politiki-rw"],"yoast_head":"\n