Bamwe mu banyeshuri b’abanyarwanda biga i Goma bahisemo kugumayo kuko batizeye kwemererwa gusubirayo muri ibi bihe kugabanya abambuka umupaka bikomeje.<\/p>\n
Mu mujyi wa Gisenyi kandi hari gukorwa ibarura ry’abajya hakurya i Goma n’ibyo bajya gukorayo nk’uko umwe mu bayobozi b’ibanze yabibwiye BBC.<\/p>\n
Ku mipaka ya ‘petite’ na ‘grande barri\u00e8re’ ku ruhande rw’u Rwanda haracyari imirongo y’abantu baba bifuza kwambuka, hari abangirwa n’abemererwa. Gusa abaza bashaka kwambuka baragabanutse bigaragara.<\/p>\n
Ku ruhande rwa Congo -mu buryo budasanzwe – barabaza abanyekongo baje mu Rwanda icyo baje gukora, hari bamwe bangira kwambuka.<\/p>\n
Urujya n’uruza rwaragabanyijwe bigaragara hagati ya Goma na Gisenyi, imijyi ishingiye ku bucuruzi ubusanzwe abayituye bahahirana cyane.<\/p>\n
Nyamara kuwa kabiri w’icyumweru gishize ba minisitiri b’ubuzima b’u Rwanda na Congo bemeje ubufatanye mu kurwanya Ebola hatabangamiwe urujya n’uruza rw’ubucuruzi n’imibereho y’abantu ku mipaka.<\/p>\n
Hari a<\/strong> banyeshuri bagumye i Goma<\/strong> <\/p>\n Nyuma yo kubwirwa ko ubu bigoye kwambuka, no kumva ko abayobozi mu Rwanda bavuga ko nta mpamvu zo kujya kwiga ahari icyorezo, abigayo bamwe bafashe ingamba.<\/p>\n Umukobwa w’i Rubavu wiga ubuvuzi muri kaminuza i Goma yabwiye BBC ko we na bagenzi be ubu bahisemo kudataha mu Rwanda – aho bazaga buri munsi – kuko batizeye neza kwemererwa gusubira i Goma.<\/p>\n Avuga ko bigayo ‘medicine’ kuko mu Rwanda isigaye ahantu hamwe [muri Kaminuza y’u Rwanda] ahandi bayigaga i Gitwe hafunzwe, we na bagenzi be bakaba ngo badashoboye igiciro cya kaminuza y’u Rwanda.<\/p>\n Izi ngamba zo kugabanya urujya n’uruza ku mipaka ya Goma na Gisenyi zasanze bari mu bizamini bisoza umwaka, nabo bajya inama bafata ingamba zabo muri ibi bihe.<\/p>\n Yagize ati: “Byadutunguye tugiye mu bizamini, twabiganiriyeho n’abandi batugira inama yo kuza kuba ino, nibura tubone uko dukora ibizamini kugira ngo umwaka utadupfira ubusa”.<\/p>\n Ku wa mbere w’icyumweru gishize, mu nama yahuje abaturage bahagarariye abandi n’abaminisitiri batatu, ku Gisenyi, Minisitiri w’ubuzima w’u Rwanda yavuze ko baganiriye uko i Goma hajya hajyayo abantu bacye bagatumikira abandi.<\/p>\n Muri iyi minsi hari gukorwa ibarura mu mirenge y’Akarere ka Rubavu, ibarura bivugwa ko rigamije kumenya abaturage bambuka bajya i Goma no kureba uburyo bagabanuka.<\/p>\n Kugabanya urujya n’uruza rw’abambuka imipaka hagati ya Gisenyi na Goma byagize ingaruka ku buzima bw’abantu ibihumbi batunzwe n’ubucuruzi buciriritse hagati y’imijyi yombi.<\/p>\n Ishami ry’umuryango w’abibumbye ryita ku buzima rivuga ko nta burwayi bushya bwa Ebola burongera kugaragara mu mujyi wa Goma.<\/p>\n","protected":false},"excerpt":{"rendered":" Bamwe mu banyeshuri b’abanyarwanda biga i Goma bahisemo kugumayo kuko batizeye kwemererwa gusubirayo muri ibi bihe kugabanya abambuka umupaka bikomeje. Mu mujyi wa Gisenyi kandi hari gukorwa ibarura ry’abajya hakurya i Goma n’ibyo bajya gukorayo nk’uko umwe mu bayobozi b’ibanze yabibwiye BBC. Ku mipaka ya ‘petite’ na ‘grande barri\u00e8re’ ku ruhande rw’u Rwanda haracyari imirongo […]<\/p>\n","protected":false},"author":10,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-16753","post","type-post","status-publish","format-standard","hentry","category-amakuru-rw"],"yoast_head":"\n