{"id":17354,"date":"2019-09-17T23:54:14","date_gmt":"2019-09-17T23:54:14","guid":{"rendered":"https:\/\/new.bwiza.com\/2019\/09\/17\/valverdeout-ni-yo-ntero-y-039-abafana-ba-fc-barcelona-ihambiriza-umutoza\/"},"modified":"2019-09-17T23:54:14","modified_gmt":"2019-09-17T23:54:14","slug":"valverdeout-ni-yo-ntero-y-039-abafana-ba-fc-barcelona-ihambiriza-umutoza","status":"publish","type":"post","link":"https:\/\/bwiza.com\/?p=17354","title":{"rendered":"#ValverdeOut ni yo ntero y'abafana ba FC Barcelona ihambiriza umutoza"},"content":{"rendered":"

FC Barcelona yakinaga na Borussia Dortmund umukino wa mbere mu matsinda ya UEFA Champions League 2019\/2020, birangira amakipe yombi aguye miswi ku 0-0.<\/p>\n

Ni umukino waberaga ku kibuga cya Dortmund, Signal Iduna Park.<\/p>\n

Abafana ntibishimiye icyemezo cy’umutoza wa FC Barcelona, Ernesto Valverde wabanjemo abakinnyi nka Ansu Fati, umwana w’imyaka 16 n’iminsi isaga 300, mu gihe kapiteni Lionel Messi yari yasigaye ku ntebe y’abasimbura, yiniye mu kibuga ku munota wa 31. Ibyemezo byo gukinisha no gushyira abakinnyi ku ntebe y’abasimbura abenshi ntibabyumva kimwe na we, cyane iyo birangiye ikipe inganyije cyangwa igatsindwa.<\/p>\n

Abafana bifuza ko uyu mutoza agenda, hakaza undi, bikaba akarusho Pep Guardiola utoza Manchester City agarutse, dore ko yatoje iyi kipe kuva mu 2008 kugeza mu 2012, akayifasha gutwara ibikombe 14. Kuri Guardiola, iyi kipe ayifata nk’umubyeyi kuko ishuri ryayo rya ‘La Masia’ ni ryo ryamureze.<\/p>\n

Ernesto Valverde yageze muri Barcelona asimbuye Luis Enrique utoza ikipe y’igihugu ya Espagne. Abafana ba FC Barcelona ntibamwishimiye kuva yananirwa gutwara ibikombe bya UCL ubugira kabiri, kandi mu buryo benshi bavuze ko ‘busebeje ikipe’.<\/p>\n

Mu mwaka w’imikino wa 2017\/2018, FC Barcelona yasezerewe na AS Roma amakipe yombi anganya ibitego 4-4 muri rusange. FC Barcelona yari yarabanje AS Roma ibitego 4-1, ku mukino wa kabiri na yo irayihindukirira, iyitsindira i Roma 3-0. Roma yakomereje ku gitego cyo hanze yari yatsindiye i Barcelona ku wa 4 Mata 2018.<\/p>\n

Ibi ni na byo biherutse kubera mu mukino wahuje FC Barcelona na Liverpool FC, ikipe yo muri Espagne yari yamaze kwizera kugera ku mukino wa nyuma irasezererwa. Imikino yombi yabaye muri Gicurasi 2019.<\/p>\n

Kuri mukino wa mbere wabereye i Nou Camp (ikibuga cya FC Barcelona), iyi kipe yatsinze Liverpool ibitego 3-0. Ku mukino wa kabiri wabereye Anfield, Liverpool yagarutse itsinda Barcelona ibitego 4-0, ikipe isezererwa ityo.<\/p>\n

Ernesto Valvedre ni umutoza washoboye gutwara ibikombe byombi bya shampiyona kuva yagera muri iyi kipe, atwara n’igikombe cy’igihugu (Copa del Rey) mu mwaka wa 2017\/2018, ibikombe ntibyanyura abakunzi b’ikipe iri muri amwe y’ubukombe ku mugabane w’i Burayi no ku Isi.<\/p>\n

FC Barcelona inganyije na Dortmund 0-0 ku mahirwe yo kuba Marco Reus yateye penaliti, umuzamu Ter Stegen akayikuramo ku munota wa 57.<\/p>\n

\"\"<\/p>\n

\n
<\/p>\n
\n
<\/div>\n
\n
<\/div>\n
<\/div>\n<\/div>\n<\/div>\n
<\/div>\n
<\/path><\/g><\/g><\/g><\/svg><\/div>\n
\n
View this post on Instagram<\/div>\n<\/div>\n
<\/div>\n
\n
\n
<\/div>\n
<\/div>\n
<\/div>\n<\/div>\n
\n
<\/div>\n
<\/div>\n<\/div>\n
\n
<\/div>\n
<\/div>\n
<\/div>\n<\/div>\n<\/div>\n
\n
<\/div>\n
<\/div>\n<\/div>\n

<\/a><\/div>\n<\/blockquote>\n