Mu masaa tatu ashyira saa yine y’uyu wa 26 Nzeri ni bwo ikiciro kigizwe n’impunzi 66 zabaga muri Libya kigeze ku Kibuga cy’Indege Mpuzamahanga cya Kigali i Kanombe, ziherekejwe n’Ishami rya ONU ryita ku mpunzi, UNHCR.<\/p>\n
Iki ni ikiciro cya mbere mu mpunzi 500 zo muri Libya zizakirwa n’u Rwanda nyuma y’umutekano muke zari zifite muri iki gihugu cyo majyaruguru y’Afurika.<\/p>\n
Ubutumwa bwa mbere UNHCR igejeje ku banyarwanda ni ukubashimira by’umwihariko ikaze babahaye kuva ubwo bahagurukaga ku kibuga cy’indege cya Misrata muri Libya baza i Kigali.<\/p>\n
” Impunzi zose zigeze i Kigali amahoro, ubu ziri guhabwa ikaze n’abayobozi ba UNHCR ndetse n’abayobozi bo mu Rwanda. By’umwihariko turashimira Abanyarwanda baduhaye ikaze uyu munsi wose.”<\/p>\n
Nyuma yo guhabwa ikaze, izi mpunzi zitwawe muri bisi zerekeza mu nkambi ya Gashora mu karere ka Bugesera ari na ho zateguriwe kuba.<\/p>\n
Iri tsinda rya mbere rigizwe n’abana batagira ababyeyi, imiryango, ndetse n’abagore b’abapfakazi. Uwajemo ari muto ni Hadia, umwana w’ameze abiri y’amavuko w’umunya-Somalia na we wazanye n’ababyeyi be.<\/p>\n