Ku mupaka wa Gisenyi na Goma urujya n’uruza rw’abantu rwongeye kuba nk’urusanzwe nyuma y’uko ku ruhande rw’u Rwanda babuzwaga kwambuka kubera indwara ya Ebola yavugwaga hakurya i Goma muri DR Congo.<\/p>\n
Ubwo Ebola yageraga mu mujyi wa Goma mu kwezi kwa karindwi, uruhande rwa Gisenyi mu Rwanda batangiye kugabanya urujya n’uruza rw’abambuka umupaka w’imijyi yombi isa n’ifatanye.<\/p>\n
Umupaka wa Gisenyi na Goma uri mu mipaka inyuraho abantu benshi cyane ku munsi. Imijyi yombi abayituye batunzwe ahanini n’ubucuruzi. Abanyecongo bo ntibigeze babuzwa kwinjira mu Rwanda.<\/p>\n
Abateyobozi ku ruhande rw’u Rwanda bavuze ko hazajya hambuka abaturage bacye bashobora guhagararira abandi. Ibi byatumye ubuzima bwa bamwe bujya mu kaga nk’uko babivuga.<\/p>\n
Abanyeshuri b’amashuri y’incuke, abanza, ayisumbuye na kaminuza biga i Goma bataha mu Rwanda buri munsi babujijwe kongera kwambuka.<\/p>\n
Hashize igihe gito umupaka wongeye gufungurwa kuri bose nk’uko abaturage babibwiye umunyamakuru ku mupaka nk’uko iyi nkuru ya BBC ivuga.<\/p>\n
Abanyeshuri biga muri kaminuza kuko batambara impuzankano (uniformes) bambuka nk’abandi baturage, abiga abanza n’ayisumbuye bo ntibibashobokera.<\/p>\n
Alice Tuyishimire avuga ko akora ibikorwa by’ubucuruzi hagati y’imijyi yombi, avuga ko we hashize icyumweru kirenga yambuka nta kibazo.<\/p>\n
Tuyishimire ati: “Ubu turi kwambuka nta kibazo kandi byaradufashije cyane, inzara yari yabaye nyinshi bamwe bakabura uko babaho.<\/p>\n
Arakomeza ati: “Turashimira ubuyobozi, nibatureke twambuke kuko guhahirana n’abanyekongo biradufasha cyane”.<\/p>\n
Noella Mukiza avuga ko acuruza inkweto ati: “Bari badufungiye imipaka tukirirwa twicaye, tugapfa nabi tukarara inzara, ariko ubu ni ugushimira Imana kuko turi kwambuka nta kibazo”.<\/p>\n
Dusingizimana Evariste, umucuruzi, avuga ko kubabuza kwambuka byari bigiye gutuma bahagarika ubucuruzi bwabo.<\/p>\n
Ati: “Ni ukuvuga ngo abakongomani bo hakurya nibo basa n’abatugize [niho bajyana ibicuruzwa]. Ubu rero turi kwambuka nta kibazo urabona ko n’imifuka ifunze turi kuyambutsa”.<\/p>\n
Abashinzwe umupaka ku ruhande rw’u Rwanda ntibifuje kuvugana n’abanyamakuru ku ngingo yo kongera kwemerera abaturage kwambuka nka mbere.<\/p>\n
ya Ebola iheruka kuvugwa mu mujyi wa Goma mu mpera z’ukwezi kwa karindwi.<\/p>\n