MONUSCO ni ishami ry\u2019Umuryango w\u2019Abibumbye ribungabunga amahoro n\u2019umutekano rimaze imyaka 20 muri Repubulika Iharanira Demukarasi ya Congo. Ku wa 30 Ugushyingo 1999 ni bwo yashinzwe muri iki gihugu igamije guhashya imitwe y\u2019inyeshyamba yibasira igice cy\u2019uburasirazuba bw\u2019igihugu ariko bigaragara nk\u2019aho byarananiranye.<\/p>\n
Harakemangwa imikorere ya MONUSCO ishinjwa kugenda biguru ntege mu kibazo cy\u2019umutekano muke. Ahanini imbarutso y\u2019iki kibazo irashingira ku magambo Leila Zerrougui uyihagarariye yatangarije i Beni muri iki cyumweru, mu nama yahuzaga abasirikare bakuru b\u2019akarere k\u2019ibiyaga bigari biga ku buryo bwarandura iyi mitwe. Ni nyuma y\u2019amakuru yavugaga ko ibi bihugu bigize akarere bigiye kwifatanya mu guhashya iyi mitwe n\u2019ubwo yagiye aterwa utwatsi.<\/p>\n
Leila Zerrougui yavuze ko MONUSCO itazifatanya n\u2019ingabo z\u2019ibihugu birimo u Rwanda, u Burundi, Uganda ndetse na Congo\/Kinshasa nibiramuka bigabye ibitero ku nyeshyamba kuko ubutumwa bwayo ari ugufasha FARDC (igisirikare cya Congo) gusa. <\/p>\n
Mu 2018 ubwo Joseph Kabila yari Umukuru wa Congo\/ Kinshasa yari yategetse ko MONUSCO igomba kuba yavuye muri iki gihugu bitarenze mu 2020 kuko yabonaga nta cyo iri gukora gusa Perezida Tshisekedi uri ku butegetsi aherutse kuvuguruza irya mugenzi we, avuga ko iri shami rizaguma mu gihugu.<\/p>\n
Iri shami rya ONU rifite abantu basaga 20,000 boherejwe muri iki gihugu barimo abasirikare 15, 113, abayobozi, abapolisi, abaganga, abakorerabushake ndetse n\u2019impuguke mu ngeri zitandukanye. (biva muri raporo ya ONU yo muri Kanama 2019).<\/p>\n
MONUSCO ni ryo shami rishorwamo amafaranga menshi kurusha ayandi yose. Raporo ya 2018 yagaragaje ko yashowemo akayabo gasaba miliyari y\u2019amadolari y\u2019Amerika, mu 2019 ishorwamo na none amafaranga nk\u2019aya agabanyutseho 8.2 % ariko yakomeje kubarirwa muri miliyari y\u2019amadolari.<\/p>\n
Uyu muryango watangiye ubutumwa bw\u2019amahoro uzwi nka MONUC, imyaka umaze muri iki gihugu ibikorwa by\u2019umutekano muke byiyongera hari abawubona nk\u2019imfabusa, amafaranga ashorwamo na yo akaba apfa ubusa. Impamvu ni uko imitwe ihungabanya umutekano w\u2019igihugu yiyongera ndetse n\u2019ibitero ndetse n\u2019ibyaha bikorerwa abaturage bikaba uko.<\/p>\n
Ingero zihuse zirahari: FDLR ni umutwe urwanya ubutegetsi bw\u2019u Rwanda washinzwe mu 2000 ariko ugira ibirindiro muri Congo\/Kinshasa, ukaba ushinjwa guhungabanya umutekano muri iki gihugu. Mai Mai Nyatura yo yashinzwe ahagana mu 1996, ADF NALU mu 1999. Hari n\u2019indi mitwe mishya yumvikana muri iki gihugu nka FDLR RUD Urunana na P5 na yo irwanya ubutegetsi bw\u2019u Rwanda.<\/p>\n
Nge nakwibaza ibi bibazo:<\/p>\n
-Ese koko MONUSCO ntabwo igikenewe muri Repubulika Iharanira Demukarasi ya Congo?<\/p>\n
-MONUSCO yaba yarahawe ubutumwa burenze ubushobozi bwayo?<\/p>\n
-Kubera iki iyi mitwe itarandurwa burundu?<\/p>\n","protected":false},"excerpt":{"rendered":"
MONUSCO ni ishami ry\u2019Umuryango w\u2019Abibumbye ribungabunga amahoro n\u2019umutekano rimaze imyaka 20 muri Repubulika Iharanira Demukarasi ya Congo. Ku wa 30 Ugushyingo 1999 ni bwo yashinzwe muri iki gihugu igamije guhashya imitwe y\u2019inyeshyamba yibasira igice cy\u2019uburasirazuba bw\u2019igihugu ariko bigaragara nk\u2019aho byarananiranye. Harakemangwa imikorere ya MONUSCO ishinjwa kugenda biguru ntege mu kibazo cy\u2019umutekano muke. Ahanini imbarutso y\u2019iki […]<\/p>\n","protected":false},"author":11,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-17964","post","type-post","status-publish","format-standard","hentry","category-amakuru-rw"],"yoast_head":"\n