Mu bitabo by\u2019ubuhanuzi by\u2019Abadivantisite b\u2019umunsi wa karindwi, bagiramo igitabo gikomeye, gisomwa cyane n\u2019abizera b\u2019iri torero, cyitwa ” Intambara Ikomeye”. Nta sano ibikubiye muri icyo gitabo bifitanye n\u2019intambara ikomeye yo mu Karere k\u2019Ibiyaga Bigari tugiye kuvugaho, kuko icyo gitabo cyo kigaruka ku ntambara umukristu ahoramo ahanganye n\u2019umwanzi Satani.<\/p>\n
Yemwe nibutse ko isano ihari kuko intambara ihera ku makimbirane avuka hagati y\u2019abaturage cyangwa ibihugu. Iyo ntambara itari iy’amagambo, ihitana abasirikare, abaturage, ibikorwaremezo, n\u2019ingengo y\u2019imari iva mu misoro y\u2019abaturiye igihugu runaka.<\/p>\n
Ayo makimbirane rero nk’impamvu nyamukuru itera intambara nyirizina ni yo aba akwiriye kwirindwa kuko iyo uyirinze uba ukumiriye intambara maze ukaramira byinshi birimo n\u2019ubuzima bw\u2019abatutage n\u2019ubukungu bw\u2019igihugu.<\/p>\n
Abizera Imana rero bo basobanura ko ayo makimbirane atera intambara azanwa n\u2019umwanzi Satani. Ni ho mpera nshaka kwemera ibikubiye muri cya gitabo cy\u2019adventiste navuzeho ntangira. Satani agatera intambara mu mitima y\u2019abantu, bikabyara amakimbirane kugeza habayeho kwicana nk\u2019ibyo turimo kubona mu karere muri kino gihe. <\/p>\n
Iby\u2019intambara mu karere bikaba ariko bitagaragara neza usibye ibimenyetso byerekana ko niba nta gikozwe, amaherezo Akarere k\u2019Ibiyaga Bigari gashobora guhinduka umuyonga. Iyo witegereje ibyo bimenyetso usanga habura imbarutso gusa ubundi rukambikana. N’ubwo ntari impuguke mu by\u2019intambara sinabe narigeze kuba umusirikare, ibyo nsoma mu bitabo biranyemeza nta gushidikanya ko intambara ishoboka.<\/p>\n
Mbere y\u2019uko tuvuga kuri ibyo bimenyetso, tubanze tumenye Akarere k\u2019Ibiyaga Bigari icyo ari cyo. Ubundi ni ibihugu bituriye ikiyaga cya Kivu aribyo u Rwanda, u Burundi na DRCongo bihuriye mu Muryango CEPGL, mu buryo bwagutse ukakarebera mu bihugu bigize CIRGL\/ ICGLR kagizwe n\u2019ibihugu 12 harimo n’ibigize CEPGL.<\/p>\n
Ibimenyetso mvuga bishingiye kuri ibi bikurikira:<\/strong><\/p>\n 1. Ubwimvikinane buke buri muri bimwe mu bihugu by\u2019Akarere (u Rwanda n\u2019u Burundi, u Rwanda na Uganda); N\u2019izindi zakongerwaho zishoboka ariko mureke tube tuvuze muri make kuri ibyo bimenyetso.<\/p>\n Umwuka mubi uvugwa hagati y\u2019ibihugu bimwe byo mu karere bishobora kuba intandaro y\u2019intambara. Ibi n’ubwo abakuru b\u2019ibihugu babivuga mu buryo bworoshye ngo nta ntambara ishoboka, ngo hari ikizere ko bizakemuka, nsangamo imvugo ya politiki gusa, kuko niba byoroshye habura iki ngo bikemuke? Kubera iki byarunze abasirikari ku mipaka n\u2019ibitwaro biremereye? Kubera iki nta rujya n\u2019uruza rw\u2019abaturage n\u2019ibyabo nkuko byahoze mbere?<\/p>\n Kubera iki muri Congo havugwa imitwe ngo yaba ishyigikirwa n\u2019ibihugu byo mu Karere? Ibi bibazo hamwe n\u2019ibindi wakwibaza, ubashije kubibonera ibisubizo byakwereka ko mu karere harimo gututumba intambara hakaba hategerejwe imbarutso gusa.<\/p>\n Muri ibyo byose DRCongo ni yo isa n’aho ari ikibuga gikinirwano gutegura iby\u2019iyo ntambara kubera ko muri gahunda yo kurandura iyo mitwe niba ibihugu bigize Akarere bitabyumvikanyeho ubwabyo ari ikibazo cyatuma izo ngabo zihuriye muri icyo gihugu zasekuranirayo bityo bikagaruka no ku mipaka ihuza ibyo bihugu. Murimo gutekereza ingabo z\u2019u Rwanda na Uganda ziramutse zihuriye ku butaka bwa Congo mu gihe ibihugu byombi bitarakemura amakimbirane bifitanye? Kimwe na none hagati y\u2019ingabo z\u2019u Rwanda n\u2019iz’u Burundi mu gihe bifitanye amakimbirane?<\/p>\n Ndakeka ko ibintu byarushaho kuzamba kuko ibyo kujya muri Congo hagomba kubanza gukemurwa amakimbirane ibyo bihugu bifitanye. Ni yo mpamvu gusinya amasezerano y\u2019ubufatanye mu bya gisirikare mu guhashya imitwe yitwara gisirikare mu burasirazuba bwa Congo bisa n’ibyananiranye bishingiye ahanini kuri ubwo bwumvikane buke mu mibanire y\u2019ibyo bihugu.<\/p>\n Hari n\u2019ibindi bitarasobanuka biherutse kuvugwa nabyo ubwabyo byaba indi mpamvu yatuma umuntu avuze ku ntambara ishoboka ataba yibeshye. Ubufaransa gutangaza ko bugiye kohereza ingabo zabwo mu burasirazuba bwa Congo mu butumwa budatandukanye n\u2019ubwo ingabo zo mu karere zari zihaye mu kurwanya imitwe ihungabanya umutekano muri Congo. Mu minsi mike ishize umukuru w\u2019igihugu cya Congo, Felix Tshisekedi aherutse muri Uganda aho yagiranye ibiganiro byihariye na mugenzi we Museveni. Nyuma y\u2019urwo ruzinduko Tshisekedi yakomereje mu Bufaransa aho Perezida Emmanuel Macron yatangaje ibyo kohereza ingabo muri Congo.<\/p>\n Ibi bitangazwa ntawamenya niba byari bishingiye kukuba umushinga uhuriweho n\u2019abasirikari b\u2019ibihugu byo mu karere wari wapfubye bityo Congo ikabona ko itarwanya iyo mitwe yonyine cyangwa niba hari ikindi cyaba cyihishe kitaramenyekana. Gusa Ubufaransa bizwi ko bufitanye amasinde n\u2019u Rwanda kuva mu myaka ishize ku buryo ibihugu byombi bitahwemye kurebana ay’ingwe.<\/p>\n Ku rundi ruhande, Ubufaransa bufitanye ubufatanye bukomeye mu bya gisirikari n’igihugu cya Uganda ku buryo bufite abarimu bamaze igihe batoza abakomando barwanira mu misozi. Ibyo kandi bikiyongera ku bivugwa ko Ubufaransa bufite imishinga y\u2019agaciro irimo iy\u2019ubucukuzi n\u2019ubucuruzi bwa peteroli bikorwa na companyi ya Total.<\/p>\n Kuzana ingabo z\u2019Ubufaransa mu Karere birumvikana ko bishobora gutera amakenga u Rwanda mu bya gisirikare na Uganda mu gihe byaba bitaragiye mu biganiro bijyanye no kuza kw’ingabo zabwo.<\/p>\n Aha rero abasesenguzi bibaza uko u Rwanda rwakiriye icyo cyemezo cy\u2019Ubufaransa.<\/p>\n Usibye ibyo gushyigikira imitwe nka RED- Tabara, FOREBU, FDLR, ADF- Nalu, Mai Mai n\u2019indi, na byo biteye inkenke cyane ku buryo iyo mitwe bishoboka cyane ko yahindukira kujya gutera intambara mu bihugu iyo mitwe ikomokamo ishyigikiwe na bimwe mu bihugu by\u2019Akarere , bityo mu buryo butaziguye igihugu kikaba cyatera ikindi cyihishe inyuma y\u2019umutwe uyu n\u2019uyu. <\/p>\n Ibyo tuvuga si inkuru mbarirano kuko hari inkuru zimaze iminsi zivugwa nko ku mupaka w\u2019u Rwanda n\u2019u Burundi aho buri ruhande rurega urundi kurugabaho ibitero. Ku mupaka w\u2019u Rwanda na Uganda na ho hamaze iminsi harangwa ibikorwa bihungabanya umutekano biviramo n\u2019abaturage kuhatakariza ubuzima.<\/p>\n Ese nyuma y\u2019ibyo byose aho ntimubona ko Akarere kagana ahabi?<\/strong><\/p>\n Mu byukuri twakomeje gutabaza ngo abo bireba barinde abaturage intambara kuko ” isenya itubaka” aka wa muririmbyi n’ubwo wakwibwira ko ‘nda ndambara yagutera ubwoba’. Gusa ubona uyitangiye ntumenye uko irangira.<\/p>\n N’ubwo twavuze byinshi ku ntambara itaraba twibanze ku bivugwa cyangwa dusoma wagereranya nk\u2019impuha ubishatse ariko mu mwuga w\u2019itangazamakuru impuha ziremewe kuko batwigishije ko nazo ari inkuru ( a rumor is also an information\/ une rumeur c\u2019est aussi une information). Kuko ahari umwotsi byanze bikunze haba hari umuririro. No muri Bibliya mu gitabo cya Matayo 24:6, ngo tuzumva amakuru y\u2019intambara ( ntiziraba) n\u2019impuha z\u2019intambara ( izo ziruzuye) ariko hagasoza havuga ngo ” ntimuhagarike imitima”. Nanjye nti: “ntimuhagarike imitima” kuko haracyari icyizere ko ibintu bishobora guhinduka, amahoro n\u2019ituze bikaganza mu bihugu no mu karere kacu.<\/p>\n Amahoro kuri twese!<\/p>\n","protected":false},"excerpt":{"rendered":" Mu bitabo by\u2019ubuhanuzi by\u2019Abadivantisite b\u2019umunsi wa karindwi, bagiramo igitabo gikomeye, gisomwa cyane n\u2019abizera b\u2019iri torero, cyitwa ” Intambara Ikomeye”. Nta sano ibikubiye muri icyo gitabo bifitanye n\u2019intambara ikomeye yo mu Karere k\u2019Ibiyaga Bigari tugiye kuvugaho, kuko icyo gitabo cyo kigaruka ku ntambara umukristu ahoramo ahanganye n\u2019umwanzi Satani. Yemwe nibutse ko isano ihari kuko intambara ihera […]<\/p>\n","protected":false},"author":6,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[30],"tags":[131,128,129,152,146,127,142,147,136],"class_list":["post-19010","post","type-post","status-publish","format-standard","hentry","category-ibitekerezo-rw","tag-in-slide-rw","tag-kagame","tag-museveni","tag-nkurunziza","tag-rusizi","tag-rwanda","tag-tchisekedi","tag-uganda","tag-visitsrwanda"],"yoast_head":"\n
\n2. DRCongo irimo imitwe itandukanye yitwara gisirikari harimo n\u2019ikomoka mu Rwanda no mu Burundi;
\n3. Irundanywa ry\u2019abasirikari n\u2019ibikoresho by\u2019intambara, ibito n\u2019ibiremereye ku mipaka imwe n\u2019imwe;
\n4. Intambara irimo kuba irwanya imwe mu mitwe ya gisirikare iri muri Congo n\u2019imeneshwa ry\u2019abanyamulenge;<\/p>\n