{"id":20828,"date":"2020-01-17T16:32:19","date_gmt":"2020-01-17T16:32:19","guid":{"rendered":"https:\/\/new.bwiza.com\/2020\/01\/17\/babiri-bari-mu-bayobozi-bakuru-b-umutwe-wa-fln-bafatiwe-muri-congo-beretswe\/"},"modified":"2020-01-17T16:32:19","modified_gmt":"2020-01-17T16:32:19","slug":"babiri-bari-mu-bayobozi-bakuru-b-umutwe-wa-fln-bafatiwe-muri-congo-beretswe","status":"publish","type":"post","link":"https:\/\/bwiza.com\/?p=20828","title":{"rendered":"Babiri bari mu bayobozi bakuru b\u2019umutwe wa FLN bafatiwe muri Congo, beretswe itangazamakuru"},"content":{"rendered":"

Urwego rw\u2019Igihugu rw\u2019Ubugenzacyaha rwerekanye, kuri uyu wa 17 Mutarama 2020 Capt. Herman Nsengimana wari umuvugizi w\u2019umutwe wa FLN urwanya ubutegetsi bw\u2019u Rwanda ndetse na Mutarambirwa Theobald wari ushinzwe kwinjiza urubyiruko muri uyu mutwe, bombi bafatiwe bari bahanganyemo n\u2019abarwanyi ba Mai Mai Raia Mutomboki. <\/h2>\n

Iki gihe uyu mutwe ukomoka muri Congo wari wiyemeje guhangana n\u2019imitwe ikomoka mu mahanga, icyo gihe ngo abarwanyi ba FLN bagera kuri 60 bashobora kuba barakomerekeyemo, abandi bagafatwa harimo n\u2019aba babiri bahise bashyikirizwa ingabo z\u2019igihugu muri teritwari ya Fizi.<\/p>\n

Amakuru y\u2019ifatwa rya Capt. Nsengimana yagiye hanze tariki ya 11 Ukuboza 2019, ubwo byatangajwe ko na Brig. Gen. Antoine Hakizimana uzwi nka Jeva wari ushinzwe ibikorwa bya operasiyo n\u2019iperereza na we yafashwe icyo gihe, bombi ari bazima.<\/p>\n

Ifatwa rya Theobard wabaye umunyamabanga wa PS Imberakuri kugeza mu 2010, ryo ntabwo ryigeze rivugwaho byinshi gusa umuvugizi w\u2019Urwego rw\u2019Ubugenzacyaha, Marie Michelle Umuhoza yatangaje ko bafatiwe mu bitero ingabo za Congo zikomeje kugaba ku mitwe yitwaje intwaro y\u2019inyamahanga icumbitse mu mashyamba y\u2019igihugu, bakaba barashyikirijwe u Rwanda tariki ya 16 Ukuboza 2019.<\/p>\n

Amakuru avuga ko Capt. Nsengimana yavuye mu Rwanda mu 2014, ajya kwihuza n\u2019ishyaka rya Nsabimana Callixte (Maj. Sankara) ryitwa Rwandese Revolutionary Movement ryinjiye mu ihuriro rya CNRD\/MRCD, rigira uyu mutwe witwara gisirikare wa FLN. Mu bitero uyu mutwe wigambye mu duce tw\u2019amajyepfo y\u2019uburengerazuba twegereye ishyamba rya Nyungwe, Maj. Sankara ni we wari umuvugizi, Capt. Nsengimana amusimbura nyuma yo gufatirwa mu birwa bya Comores.<\/p>\n

Umwaka w\u2019 2019 wabaye mubi ku mitwe irwanya ubutegetsi bw\u2019u Rwanda iri mu mashyamba ya RD Congo, bikomera kurushaho guhera tariki ya 30 Ukwakira 2029, ubwo ku mugaragaro, ingabo z\u2019iki gihugu zatangizaga Operasiyo Sokola 2 ku mitwe yitwaje intwaro mu ntara za Kivu zombi. Abarwanyi b\u2019iyi mitwe n\u2019abayobozi babo bamwe barafatwa, abandi baricwa, habamo no gushyikiriza u Rwanda bamwe muri bo, hiyongereyeho n\u2019imiryango yabo ubu bacumbikiwe mu nkambi ya Nyarushishi, aho bari gutozwa kubana n\u2019abo basanze mu gihugu. Muri iyi nkambi habayemo igenzura rigamije kureba niba hari ababa barakoze ibyaha birimo na Jenoside yakorewe Abatutsi kugira ngo bagezwe imbere y\u2019ubutabera.<\/p>\n

REBA VIDEO, UBURYO BEREKANWE<\/strong><\/p>\n