{"id":21390,"date":"2020-02-06T21:37:17","date_gmt":"2020-02-06T21:37:17","guid":{"rendered":"https:\/\/new.bwiza.com\/2020\/02\/06\/minisitiri-evode-uwizeyimana-yeguye-nyuma-yo-guhutaza-umugore-ucunga-umutekano\/"},"modified":"2020-02-06T21:37:17","modified_gmt":"2020-02-06T21:37:17","slug":"minisitiri-evode-uwizeyimana-yeguye-nyuma-yo-guhutaza-umugore-ucunga-umutekano","status":"publish","type":"post","link":"https:\/\/bwiza.com\/?p=21390","title":{"rendered":"Minisitiri Evode Uwizeyimana yeguye nyuma yo guhutaza umugore ucunga umutekano"},"content":{"rendered":"

Umunyamabanga wa leta y\u2019u Rwanda muri Minisiteri y\u2019Ubutabera ushinzwe iby’itegekonshinga n\u2019andi mategeko, Me Evode Uwizeyimana yeguye ku mirimo ye nyuma yo kotswa igitutu, azira guhutaza umugore ushinzwe umutekano, ukorera \u2018soci\u00e9t\u00e9\u2019 ya ISCO.<\/h2>\n

Ibaruwa y’ubwegure bwa Evode yashyikirijwe ibiro bya Minisitiri w’Intebe nk’uko iyi Minisiteri yabitangarije kuri Twitter.<\/p>\n

Ibiro bya Minisitiri w’Intebe byagize biti: “Kuri uyu mugoroba, Minisitiri w’Intebe Dr. Edward Ngirente yakiriye ubwegure bwa Evode Uwizeyimana, Umunyamabanga wa Leta muri Minisiteri y’Ubutabera.”<\/em>Ibaruwa y’ubwegure bwe, izashyikirizwa Nyakubahwa Perezida wa Repubulika nk’uko biteganwa n’itegeko.<\/p>\n

\"Itangazo
Itangazo ku bwegure bwa Me Evode na Dr. Munyakazi<\/figcaption><\/figure>\n

Tariki ya 3 Gashyantare ni bwo ku mbuga nkoranyambaga, umwe mu banyamakuru yavuze ihutaza Me Evode yakoreye uyu musekirite ku nyubako ya Grande Pension Plaza iri mu karere ka Nyarugenge, mu mugi wa Kigali. Uyu munyamabanga yasabye imbabazi uyu mugore ndetse abinyuza no ku rubuga rwa Twitter, ajya no ku cyicaro cya ISCO asaba imbabazi gusa icyo gihe RIB yari yamaze gutangaza ko iri kumukoraho iperereza kuri iki cyaha \u2018akekwaho\u2019.<\/p>\n

Me Evode yakoze iri kosa ndetse asaba n\u2019imbabazi ariko ntiyabujije kubyutsa amwe mu magambo akakaye yavuze, yibasira abantu. Ayo harimo ubwo yitaga abagore \u2018ibimashini\u2019, yita abanyamakuru \u2018imihirimbiri\u2019, yibasira Mgr. Seliviliani Nzakamwita mi nama y’igihugu y’Umushyikirano ndetse na bumwe mu bwoko hano mu Rwanda, abwita \u2018ibicucu\u2019. Ubu butumwa Me Evode yabuvuze mu gihe gitandukanye ariko tariki ya 3 Gashyantare Isa n’iyarabwegeranyije, uyu muyobozi aba nk\u2019ubivuze ku munsi umwe, asabwa kwishyikiriza ubutabera, abandi bamusaba kwegura.<\/p>\n

Me Evode asanzwe ari impuguke mu mategeko kuva mu mirimo ye yakoze y’ubucamanza. Mu 2007, yavuye mu Rwanda, ajya muri Canada. Yumvikanaga kuri radiyo mpuzamahanga, anenga ndetse atuka leta y\u2019u Rwanda, akifashisha n\u2019ibitangazamakuru by\u2019abatavuga rumwe n\u2019iyi leta, na we ashyirwa muri ako gatebo n\u2019abantu benshi bamukurikiranaga.<\/p>\n

Me Evode yagarutse mu Rwanda mu 2014 avuga ko aje gutanga umusanzu we mu kubaka igihugu, gusa hari abataramuciriye akari urutega kuko ntibiyumvishaga uburyo uwarwanyaga ubutegetsi, yabugarukira, akamara kabiri. <\/p>\n

Ibiganiro yagiranye na ziriya radiyo mpuzamahanga n\u2019ibyo yatangarizaga ku binyamakuru by\u2019abatavuga rumwe n\u2019ubutegetsi, Me Evode yasobanuriye itangazamakuru ko atabikoraga ku bw\u2019inyungu za politiki, ahubwo yabikoraga nk\u2019inzobere mu mategeko mpuzamahanga kandi yabihemberwaga.<\/p>\n

Ku bw\u2019ubuhanga n\u2019ubunararibonye mu mategeko, Me Evode yabanje guhabwa inshingano zo kungiriza umuyobozi wa Komisiyo y\u2019Igihugu ishinzwe kuvugurura amategeko mu 2014, hashize igihe gito agarutse mu Rwanda. Me Evode yaje kuba umunyamabanga wa leta muri Minisiteri y\u2019Ubutabera, ushinzwe ibyerekeye itegekonshinga n\u2019andi mategeko tariki ya 4 Ukwakira 2016.<\/p>\n

Inkuru zifitanye isano n’iyi: <\/strong><\/p>\n

Ahabanza<\/a><\/p><\/blockquote>\n