{"id":21602,"date":"2020-02-14T13:15:39","date_gmt":"2020-02-14T13:15:39","guid":{"rendered":"https:\/\/new.bwiza.com\/2020\/02\/14\/umwiherero-2020-hazakorwa-iki-ku-bibazo-bigenda-bigaruka\/"},"modified":"2020-02-14T13:15:39","modified_gmt":"2020-02-14T13:15:39","slug":"umwiherero-2020-hazakorwa-iki-ku-bibazo-bigenda-bigaruka","status":"publish","type":"post","link":"https:\/\/bwiza.com\/?p=21602","title":{"rendered":"Umwiherero 2020: Hazakorwa iki ku bibazo bigenda bigaruka?"},"content":{"rendered":"

Umwiherero ni inama ihuza abayobozi bakuru b\u2019igihugu mu ntango z\u2019umwaka, iyoborwa na Perezida wa Repubulika y\u2019u Rwanda, Paul Kagame. Watangiye mu 2003, hategurwa ingingo zitandukanye aba bayobozi baganiraho ndetse ugafatirwamo n\u2019imyanzuro y\u2019ibigiye gukorwa.<\/strong><\/p>\n

Buri mwiherero ubaye ugira insanganyamatsiko bitewe n\u2019ikintu nyamukuru kigambiriwe, ukaba mu minsi itatu cyangwa irenga mu kigo cya gisirikare cya Gabiro (RDF Combat Training Center-Gabiro) kiri mu karere ka Gatsibo mu ntara y\u2019Iburasirazuba. Mu biganiro bitegurwa, habamo no kurebera hamwe ishyirwamubikorwa ry\u2019imyanzuro iba yarafashwe mu mwiherero w\u2019umwaka ushize.<\/p>\n

Icyegeranyo gito cy\u2019imyanzuro yafatiwe mu myiherero yabaye mu myaka ine ishize kiraza gukurikirwa n\u2019ibyifuzo ku bikiwiriye kwibandwaho mu mwiherero wa 2020 bivugwa ko uraba mu mpera z’iki cyumweru, byiganjemo ibigenda bigaruka mu nzego zimwe na zimwe:<\/p>\n

Imwe mu myanzuro 14 yafatiwe mu mwiherero wa 13 mu 2016<\/strong><\/p>\n

Uyu mwiherero wabaye kuva tariki ya 14 kugeza tariki ya 16 Werurwe, ufatirwamo imwe mu myanzuro ikurikira:<\/p>\n

Umwanzuro wa 2:<\/strong> Gushyira imbaraga mu kugaruza umutungo wa Leta wanyerejwe no kurwanya ruswa iyo ariyo yose, kandi mu byiciro byose.<\/p>\n

Umwanzuro wa 9:<\/strong> Guhindura imyumvire (mindset) y\u2019Abanyarwanda kugira ngo turusheho gukunda no gukoresha ibikorerwa mu Rwanda no gushyiraho uburyo bwo gukurikirana uko bishyirwa mu bikorwa.<\/p>\n

Umwanzuro wa 13:<\/strong> Gukurikirana abantu bose barebera bakanahishira abahohotera abana, cyane cyane abayobozi, no guhana ababyeyi batita ku bana babo.<\/p>\n

Imwe mu myanzuro 26 yafatiwe mu mwiherero wa 14 wabaye mu 2017<\/strong> <\/p>\n

Uyu mwiherero watangiye tariki ya 25 Gashyantare urangira tariki ya 2 Werurwe, wafatiwemo imwe mu myanzuro ikurikira:<\/p>\n

Umwanzuro wa 3:<\/strong> Kunoza imitegurire n\u2019imicungire y\u2019amasezerano Leta igirana na ba rwiyemezamirimo, guhana abagize uruhare mu guteza Leta igihombo, kurangiza igaruzwa ry\u2019imitungo yanyerejwe ku bahamwe n\u2019ibyaha no gukurikirana abatarashyikirizwa inkiko.<\/p>\n

Umwanzuro wa 10:<\/strong> Kwihutisha ishyirwa mu bikorwa rya gahunda yo kwishyurana no guhererekanya amafaranga hakoreshejwe ikoranabuhanga (cashless payment) by\u2019umwihariko mu Nzego za Leta.<\/p>\n

Umwanzuro wa 22:<\/strong> Gushyiraho ingamba zishimangira uburere bwiza mu muryango, n\u2019izigamije gukumira no kurwanya ihohoterwa rishingiye ku gitsina no guca burundu ihohoterwa rikorerwa abana.<\/p>\n

Imyanzuro 3 muri 13 yafatiwe mu mwiherero wa 15 wabaye mu 2018<\/strong><\/p>\n

Uyu mwiherero watangiye tariki ya 26 Gashyantare urangira tariki ya 1 Werurwe, ufatirwamo imwe mu myanzuro ikurikira :<\/p>\n

Umwanzuro wa 2:<\/strong> Gukaza ingamba zo kurwanya ruswa mu nzego za Leta n\u2019iz\u2019abikorera, kugaruza umutungo wa Leta wanyerejwe no gufatira ibyemezo abatubahiriza inama z\u2019Umugenzuzi Mukuru w\u2019Imari ya Leta.<\/p>\n

Umwanzuro wa 3:<\/strong> Gukora icyegeranyo (database) cy\u2019abarangije kwiga za kaminuza no gushyiraho gahunda iboneye yo kubahuza n\u2019aho bakenewe ku isoko ry\u2019umurimo.<\/p>\n

Umwanzuro wa 7:<\/strong> Gushyigikira iterambere no kwaguka kw\u2019imijyi yunganira Kigali (secondary cities); hahurizwa ibikorwaremezo, hashyirwa ibyicaro bya bimwe mu bigo bya Leta haherewe kuri bimwe mu byari bihasanzwe, kandi hashyirwayo inzego zishinzwe imicungire y\u2019imijyi (city managers).<\/p>\n

Imyanzuro 3 mu 10 yafatiwe mu mwiherero wa 16 wo mu 2019<\/strong><\/p>\n

Uyu mwiherero wabaye kuva tariki ya 9 kugeza 11 Werurwe, ufatirwamo imwe mu myanzuro ikurikira:<\/p>\n

Umwanzuro wa 3: <\/strong> Gusesengura no gufata ingamba zo gukemura imbogamizi zibangamira ishyirwa mu bikorwa rya gahunda yo guteza imbere ibikorerwa mu Rwanda (Made in Rwanda), harimo ibijyanye n\u2019imisoro ibangamira bimwe mu bikorerwa mu Rwanda.<\/p>\n

Umwanzuro wa 7:<\/strong> Kongera imbaraga muri gahunda zo kuzamura ireme ry\u2019uburezi hitabwa cyane cyane kuri ibi bikurikira: (i) gukomeza kongera ku buryo bwihuse ibyumba by\u2019amashuri hagamijwe kugabanya ubucucike bw\u2019abana mu mashuri, (ii) kwihutisha kongera umubare w\u2019abarimu babishoboye uhereye mu mashuri abanza n\u2019ayisumbuye, (iii) gukomeza kwihutisha guhuza amasomo yigishwa n\u2019igihe (curriculum), (iv) kuvugurura gahunda yo kugaburira abana ku mashuri ku bufatanye n\u2019inzego zose zibifitemo uruhare.<\/p>\n

Umwanzuro wa 9:<\/strong> Gushyiraho no kwihutisha ishyirwa mu bikorwa rya gahunda zigamije kunganira ikigega cy\u2019ubwisungane mu kwivuza (Mutuelle de sant\u00e9)<\/p>\n

Hitegwe iki mu mwiherero wa 2020?<\/strong><\/p>\n

Umwiherero urangwa no gushimira ababashije kubahiriza inshingano zabo bijyanye no gushyira mu bikorwa imyanzuro yafashwe kandi hakabaho no kunenga abatarabyubahirije. Ibi ni bimwe mu bibazo byifuzwa ko byavugwaho, bigashakirwa n’umuti ufite ubukana bwisumbuyeho:<\/p>\n