Politiki y\u2019igihugu ibaho, ikagira umurongo igenderaho ibona ko wageza abaturage ku byiza cyangwa se ukabarinda, kabone n\u2019ubwo uruhande rumwe rwaba rutawiyumvamo. Hari ubwo itera impaka bikajya hanze cyangwa se bikaguma mu mitima y\u2019abantu. Iyo ari ibyazamo urupfu, impaka ziriyongera, abantu bakibaza niba wa murongo uhindutse bitaba byiza kurushaho. Uwo murongo wa politiki ubamo gushyiraho urutonde rw\u2019amakuru akwiriye kujya ahagaragara muri rubanda ndetse n\u2019agomba gufungiranwa mu kabati k’umutamenwa. <\/p>\n
Hari ubwo bigaragara ko uwo murongo ubogamye bitewe n’uko ushobora gushyira ubuzima bw’abantu mu kaga, ku bw’inyungu za bake. Ni bwo igihe kigera, hakaboneka umuntu umwe cyangwa uruhande rumwe ruhagurutse rukanyuranya nayo, bitewe n\u2019impamvu zitandukanye ariko zirimo gukiza ubuzima bw\u2019abaturage nk\u2019uko ba nyirubwite babigaragaza cyangwa se babivuga. Ni ho umuntu avuga ati: \u201cNta mabanga aba mu rupfu.”<\/p>\n
Iri ni ryo hame ry\u2019imyitwarire n\u2019imigirire yatumye tariki ya 31 Ukuboza 2019 Muganga Li Wenliang atangaza ko yabonye umurwayi w\u2019indwara imeze nka Sars mu mugi wa Wuhan, kugira ngo abaturage birinde ndetse na leta igire icyo ikora kuko yabonaga ikizakurikiraho mu gihe bitagenze bityo.<\/p>\n
Amabanga ataba mu rupfu ni yo Guverineri Andrew Cuomo yagendeyeho, abwira Donald Trump ko ibya Covid-19 muri New York byacitse, n\u2019ubwo yabikerenseje. Cuomo yashakaga gukiza amagara y\u2019abo agaragiye kuko amaso ye yamwerekaga akaga kabategereje mu gihe hatagize igikorwa, harimo no gutakaza ubuzima.<\/p>\n
Ni yo yatumye tariki ya 27 Werurwe 2020 Umuyobozi w\u2019Ibitaro bya Kira mu Burundi, Dr. Christophe Sahayo ahuruza Minisiteri y\u2019Ubuzima kugira ngo igire icyo ikora ku barwayi b\u2019indembe cyari kimaze igihe cyakira.<\/p>\n
Aya kandi yatumye kuri uyu wa 11 Mara 2020, Muganga Mukuru w’Ibitaro bya Byumba, Dr. Corneille Ntihabose avuga ko mu Karere ka Gicumbi habonetse abarwayi b\u2019iki cyorezo batandatu, yabanje kwisegura avuga ko amennye amabanga y\u2019akazi, ariko ashaka gukiza amagara y\u2019abantu.<\/p>\n
Gutekereza urupfu nk’ingaruka ya Covid-19 si uguca icebe ry’inka (kuryogosha) kuko kimaze kugarika abantu barenga 105,000 ku Isi, byatewe n’uburangare, amabanga y’abaturage na politiki ndetse no gusohora kw’ibiri mu rwandiko rwa buri umwe.<\/p>\n
Birakwiye ko amabanga nk\u2019ayo ameneka?<\/strong><\/p>\n Isi yatewe n\u2019icyorezo gikomeye cyane, amahanga amwe ahura n\u2019ibihombo yagereranyije n\u2019ibyo yahuye nabyo mu Ntambara ya Kabiri y\u2019Isi hagati y\u20191939 n\u20191945. Byatumye Umwamikazi Elizabeti II yitera akanyabugabo, avuga ko uko batsinze urugamba rw\u2019iyi ntambara, ari ko bazagitsinda; cya Covid-19. Kugereranya ibi bintu bibiri, bigaragaza ingano yo guhangayikisha giteye.<\/p>\n Nkibaza nti: \u201cEse birakwiye kumena aya mabanga?\u201d Umwe ati: \u201cYego ku bwo gukiza amagara y\u2019abantu bagombaga gupfa\u201d undi ati: \u201cOya kugira ngo abantu badakuka umutima.\u201d Ndongera nkibaza nti: \u201cNi ikihe gisubizo gifite uburemere, cyakwitsa umunzani?\u201d Igisubizo sinabashije kukibona bitewe n\u2019uko abansubije bari bamaze gutwarwa n\u2019agatotsi.<\/p>\n Imitangire ya raporo y\u2019umunsi kuri Covid-19 <\/strong><\/p>\n Aho iki cyorezo gitangiye guhangayikisha ibihugu bitandukanye, buri kimwe gitanga raporo y\u2019umunsi y\u2019umubare w\u2019abarwayi bagaragaye cyangwa se niba ntabo, ariko bigatangazwa mu buryo butandukanye.<\/p>\n Leta Zunze Ubumwe z\u2019Amerika zitangaza ko habonetse umubare w\u2019abarwayi runaka mu gihugu cyose, muri za New York, Miami, Chicago, New Jersey n\u2019ahandi\u2026 nk\u2019uko hari ibihugu bitangaza umubare w\u2019abagaragaye ku munsi n\u2019ingendo baherutse gukora, bikagaragaza ibipimo (sample) byafashwe, abakize ndetse n\u2019abapfuye.<\/p>\n Ikibazo cya raporo cyavuzwe muri OMS\/WHO ubwo yavugwagaho kutita ku buremere bwa Covid-19, igashingira kuri raporo ziva mu Bushinwa zagaragazaga imibare iri hasi y’abanduye. Uyu muryango washinjwe gushingira kuri aya makuru, ntiwafata umwanzuro wo gushyira mu kato iki gihugu kugira ngo hakumirwe ikwirakwira ry’iki cyorezo mu bindi bihugu hakiri kare.<\/p>\n Mu gihe twandikaga iyi nkuru, mu Rwanda hari hamaze kugaragara igiteranyo cy’abarwaye Covid-19 bagera ku 120, muri bo hakwize 18 ndetse ibitaro byarabasezereye. Raporo y\u2019Umunsi itangwa na Minisiteri y\u2019Ubuzima, igaragaraho abarwayi bashya bagaragaye ndetse n\u2019ingendo bakoze (cyangwa se bakaba barahuye n\u2019abanduye) ndetse n\u2019ibipimo byafashwe gusa.<\/p>\n Ibi bituma abantu bagira ukwirara gukabije kuko batekereza ko ahari iki cyorezo ari icyo mu mugi wa Kigali, mu zindi ntara nta n\u2019umwe uragaragaramo. Iyi iri mu mpamvu zikomeye zituma abatuye mu bice by\u2019icyaro bitwara uko bashatse, kuguma mu ngo ntibabizi, utubari hamwe baracyadufunguye, hari n\u2019abatazi icyo Covid-19 cyangwa Coronavirus bivuze.<\/p>\n Ibyifuzo by\u2019abaturage<\/strong><\/p>\n Mu kiganiro bwiza.com yagiranye n\u2019abaturage mu bihe bitandukanye ubwo hari harashyizweho ingamba zikakaye zo gukumira ikwirakwira ry\u2019iki cyorezo, twasanze batanyurwa na raporo y\u2019umunsi kuko ngo ibamo amakuru adahagije.<\/p>\n Mu kiganiro n\u2019umuntu umwe kuri iki cyorezo ndetse na raporo zitangwa, yatanze urugero rw\u2019amakuru yigeze kujya hanze agaragaza umubare w\u2019abantu bahuye n\u2019abarwayi ba Covid-19 mu turere tugize umugi wa Kigali ndetse n\u2019utwo mu ntara. <\/p>\n Yavuze ko aya makuru yatumye abantu bongera uburyo bwo kwigengesera kuko babonye ko n\u2019ahandi gishobora kuba cyarahageze, aho kuba i Kigali gusa.<\/p>\n Uyu avuga ko mu itangazo risohoka kuri raporo ya MINISANTE hagaragara ubutumwa buvuga ko “Umuntu uhishira cyangwa wanga gutanga amakuru arebana n\u2019umurwayi wa Coronavirus cyangwa agahishira ibimenyetso byayo, aba ashyize ubuzima bwa benshi mu kaga kandi abihanirwa n\u2019amategeko.”<\/p>\n Ubu butumwa bwagarutsweho n\u2019Umuvugizi wa Polisi y\u2019u Rwanda, CP John Bosco Kabera ndetse na Minisitiri w\u2019Ubutabera, Busingye Johnston. Aribaza ati: \u201cEse buriya bo ntibaba bari gukerensa ubu butumwa?\u201d<\/p>\n Mugenzi we, nawe yashingiye kuri ubu butumwa, agira ati: \u201c Burya nta mabanga mu rupfu, ni ngombwa ko amakuru yose y\u2019abarwayi ajya ahagaragara kugira ngo abantu birinde kandi basabe ubufasha bwihuse mu gihe baba barahuye n\u2019abarwayi batangajwe.\u201d<\/p>\n Ku mbuga nkoranyambaga zirimo Twitter na Facebook, naho hari abatanyurwa n\u2019iyi raporo kandi bigaragara ko ari benshi. Abatanga igisubizo cya \u2018Yego ku bwo gukiza amagara y\u2019abantu\u2019 muri bya bindi biri haruguru, ni bo benshi ugereranyije n\u2019abavuga \u2018Oya ku bw\u2019impamvu yo kudakura umutima abantu.\u201d<\/p>\n Bifuza ko muri iyi raporo hajya hatangazwamo abarwaye, amazina yabo, aho batuye: Intara, uturere, utugari n\u2019imidugudu kugira ngo abo baturanye cyangwa se bahuye n\u2019abagaragayeho Covid-19 basabe ubufasha ku nzego zibishinzwe ndetse bishyire mu kato.<\/p>\n Bavuga ko ibi biramutse bishyizwe mu ngiro, abantu batakongera kwirara, ahubwo bahuza umutima bagakurikiza amabwiriza yo kwirinda nk\u2019uko yatanzwe na Minisiteri y\u2019Ubuzima.<\/p>\n Covid-19 si icyorezo cya mbere cyugarije Isi <\/strong><\/p>\n Covid-19 ntaho ihuriye na SIDA, icyorezo cyagaragaye ku Isi kuva mu 1981 ariko kidakwirakwira mu buryo bworoshye ubigereranyije, ikaba ari yo mpamvu cyo uwo kigaragayeho abikirwa ibanga n\u2019abaganga mu kubahiriza ibanga ry\u2019akazi.<\/p>\n Impungenge Covid-19 iteye zisa n\u2019iza Ebola yigeze kugariza Uburengerazuba bw\u2019Afurika na Repubulika Iharanira Demukarasi ya Congo mu 2018 no mu 2019, kandi yo ntabwo umurwayi wayo yagirirwaga akabanga kuko byari gutuma umubare w\u2019abapfa uzamuka cyane, cyane ko iki cyorezo cyica byihuse.<\/p>\n Indwara y\u2019igituntu kandi nayo yigeze kwibasira ibihugu bitandukanye, hashyirwaho amabwiriza yo gushyira abakirwaye mu kato kugira ngo batanduza bagenzi babo, uwishyiraga mu kato yabaga abaye intwari kuko yabaga arengeye abandi.<\/p>\n Niba umurwayi w\u2019igituntu byarabaga ngombwa ko amenyekana, umurwayi wa Ebola nabwo bikaba uko, ni kuki umurwayi wa Covid-19 n\u2019abo yahuye nabo badakwiye kumenyekana ku mpamvu yo gukiza indi mbaga nyamwinshi\u00a0? Ese gutanga amakuru ni ibyo guharira abaturage gusa, utabikoze kandi ayafite akaba yahanwa n\u2019amategeko\u00a0? Birasaba ko ababishinzwe biga neza uburyo batanga izi raporo, bagakora igikwiye bashingiye ku byifuzo by\u2019abaturage.<\/p>\n","protected":false},"excerpt":{"rendered":" Politiki y\u2019igihugu ibaho, ikagira umurongo igenderaho ibona ko wageza abaturage ku byiza cyangwa se ukabarinda, kabone n\u2019ubwo uruhande rumwe rwaba rutawiyumvamo. Hari ubwo itera impaka bikajya hanze cyangwa se bikaguma mu mitima y\u2019abantu. Iyo ari ibyazamo urupfu, impaka ziriyongera, abantu bakibaza niba wa murongo uhindutse bitaba byiza kurushaho. Uwo murongo wa politiki ubamo gushyiraho urutonde […]<\/p>\n","protected":false},"author":11,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[126],"class_list":["post-23130","post","type-post","status-publish","format-standard","hentry","category-amakuru-rw","tag-amamenyesha"],"yoast_head":"\n