{"id":231516,"date":"2025-08-31T08:12:21","date_gmt":"2025-08-31T06:12:21","guid":{"rendered":"https:\/\/bwiza.com\/?p=231516"},"modified":"2025-08-31T08:12:21","modified_gmt":"2025-08-31T06:12:21","slug":"byinshi-kuri-cttc-mayange-ikigo-gityaza-abapolisi-kabuhariwe-mu-kurwanya-iterabwoba","status":"publish","type":"post","link":"https:\/\/bwiza.com\/?p=231516","title":{"rendered":"Byinshi kuri CTTC Mayange ikigo gityaza abapolisi kabuhariwe mu kurwanya iterabwoba"},"content":{"rendered":"
\n
\n
\n
\n
\n
\n
\n
Polisi y’u Rwanda ni rumwe mu nzego z’umutekano zihatiye kubaka ubushobozi bwihariye bujyanye no kurwanya iterabwoba. Mu ngamba zafashwe n\u2019uru rwego, ku ikubitiro hashinzwe ikigo cyihariye gishinzwe gutanga amahugurwa yo kurwanya iterabwoba. Nguko uko ikigo cy\u2019amahugurwa yo kurwanya iterabwoba (Counterterrorism Training Center-CTTC) cya Mayange cyavutse.<\/strong><\/em><\/div>\n<\/div>\n<\/div>\n<\/div>\n<\/div>\n<\/div>\n<\/header>\n
\n
\n
\n
\n
\n
\n
\n
\n
\n

Iki kigo giherereye mu Karere ka Bugesera cyashinzwe mu mwaka wa 2013, gihabwa inshingano zo guhugura abapolisi, kibubakamo ubushobozi n\u2019ubuhanga buhanitse bwo gukumira no kurwanya iterabwoba mu buryo bwose.<\/p>\n

Ubwo cyashingwaga, iki kigo cyibanze ku gutanga amahugurwa yo mu rwego rwo hejuru ajyanye n\u2019ibikorwa byihariye byo kurwanya iterabwoba, guha abapolisi ubumenyi, tekiniki n\u2019ubushobozi budasanzwe mu bikorwa byo gucunga umutekano kugira ngo babashe guhangana n\u2019ibibazo by\u2019umutekano by\u2019inzaduka ndetse n\u2019iterabwoba.<\/p>\n

Ikigo cya CTTC Mayange, kimaze gushingwa cyatangije amahugurwa yitabiriwe n\u2019abagera kuri 300 batozwaga n\u2019abarimu 60.<\/p>\n

\"\"
\nAbitabiriye amahugurwa yo kurwanya iterabwoba mu myitozo yo kumanukira ku mugozi mu magorofa maremare, aho baba biteguye gukora ubutabazi ku bafashwe bugwate n’ibyihebe no guhangana n’ibitero by’iterabwoba<\/i><\/b><\/p>\n

Kugeza ubu kimaze gutanga impamyabushobozi ku bapolisi 3832 cyatoje mu bijyanye n\u2019amahugurwa yo kurwanya iterabwoba kandi cyaguye gahunda z\u2019ibikorwa byacyo mu byiciro bitatu by\u2019amahugurwa, ari byo; icyiciro cy\u2019amahugurwa adasanzwe (Special Force Wing), amahugurwa yo kurwanya iterabwoba n\u2019iperereza (Counterterrorism and Intelligence Wing), hamwe n\u2019amasomo yihariye yo kongera ubunyamwuga (Specialized and Career Courses Wing).<\/p>\n

Gahunda y\u2019amahugurwa atangirwa muri iki kigo amara hagati y\u2019amezi kuva kuri atatu kugeza kuri atandatu, yibanda ku masomo yihariye agendanye no guhangana n\u2019ibikorwa by\u2019iterabwoba. Ugereranyije n\u2019igihe iki kigo cyashingwaga cyakomeje kubaka ubushobozi ku buryo kuri ubu gishobora kwakira abanyeshuri barenga 2000 icyarimwe.<\/p>\n

Gifite ibyumba by’amashuri bigezweho bitangirwamo amahugurwa, amacumbi, ibikoresho byifashishwa mu mahugurwa bijyanye n\u2019igihe hamwe n\u2019ahabera imikino n\u2019imyidagaduro bifasha abitabira amahugurwa mu kwagura ubumenyi no kuruhuka.<\/p>\n

Umusaruro w\u2019ibikorwa by\u2019Ikigo CTTC Mayange urenga n\u2019imbibi z\u2019u Rwanda. Ubu ku bufatanye n\u2019inzego zitandukanye zo mu bihugu byo mu Karere no hanze yako, hoherezwa abo muri izo nzego gukurikira amahugurwa gitanga, urugero rwa vuba ni nka Repubulika ya Santrafurika na Sudani y\u2019Epfo.<\/p>\n

Kuri ubu, abapolisi bagera ku 2000, barimo ab\u2019u Rwanda ndetse n\u2019abo mu bindi bihugu, bari mu mahugurwa arimo gutangirwa muri iki kigo.<\/p>\n

Nk\u2019uko ubuyobozi bw’ikigo bubitangaza, hibandwa cyane ku myitozo ngiro, gukoresha ikoranabuhanga rigezweho hamwe n’amayeri akoreshwa mu bikorwa byo gucunga umutekano, byose bigamije kurinda umutekano w’igihugu no kugira uruhare mu kubungabunga ituze n\u2019umutekano mu karere.<\/p>\n

\"\"
\nMu mahugurwa bahabwa harimo n’imyitozo yo guhangana n’abagizi ba nabi mu duce tugoye turimo n’amazi magari. Aha barerekana ubuhanga buhanitse bwo kumanukira ku migozi bava mu ndege hejuru y’ikiyaga bagiye gukora ubutabazi no guhangana n’ibitero by’iterabwoba<\/i><\/b><\/p>\n

Umuyobozi w\u2019agateganyo w\u2019ikigo cya Polisi gitanga amahugurwa yo kurwanya iterabwoba, Assistant Commissioner of Police (ACP) M\u00e9thode Munyaneza, yabisobanuye agira ati: \u201cMu bihe biri imbere CTTC Mayange irateganya kurushaho kwagura gahunda zayo, kongera ibikorwaremezo, no kuzamura ireme ry’imyigishirize.\u201d<\/p>\n

ACP Munyaneza avuga ko ikigamijwe mbere na mbere, ari ugutoza abapolisi basanzwe bafite ubumenyi bw\u2019ibanze bakongererwa ubushobozi mu by\u2019ubuhanga bwo guhangana n\u2019ibitero by\u2019iterabwoba.<\/p>\n

Inspector of Police (IP) Godfrey Muzungu, ni umwe mu bapolisi bakoresheje imyitozo bahawe muri iki kigo mu bikorwa nyirizina, kuko yari mu itsinda rya mbere ry\u2019inzego z\u2019umutekano z\u2019u Rwanda zoherejwe muri Mozambique.\u00a0 Aragaruka ku ruhare rw\u2019iyi myitozo mu kubategura guhangana n\u2019ibikorwa by\u2019iterabwoba by\u2019abarwanyi b\u2019umutwe wa Ansar al-Sunnah, wari warayogoje intara ya Cabo Delgado, mu Majyaruguru y\u2019igihugu.<\/p>\n

Yagize ati: “Nitabiriye amahugurwa y’ibikorwa byihariye yamaze umwaka abera mu Kigo cya Polisi gitanga amahugurwa yo kurwanya iterabwoba \u2018CTTC Mayange\u2019 kuva mu mwaka wa 2021 kugeza 2022, mbere y\u2019uko twoherezwa muri Mozambique mu bikorwa byo kurwanya ibitero by\u2019iterabwoba mu Ntara ya Cabo Delgado.”<\/p>\n

\"\"Amahugurwa atangirwa mu Kigo CTTC Mayange aha abapolisi ubumenyi bubatyaza mu bijyanye n’ibikorwa byo gukumira no kurwanya iterabwoba<\/i><\/b><\/p>\n

Yakomeje agira ati: “Ni imyitozo yaduhaye ubumenyi buhanitse mu bijyanye no gukoresha intwaro, gutinyuka, amayeri yo guhangana n\u2019abagizi ba nabi ndetse n\u2019imyitozo yo kumanuka mu ndege no mu nyubako ndende byadufashije guhangana n\u2019abo mu mutwe w\u2019iterabwoba aho babaga bihishe hose. Ibi byose byadushoboje gukora akazi neza no kuzuza inshingano twari twahawe mu gihe twamaze dukorera muri Mozambique.<\/p>\n

Mu isi ya none aho usanga ibikorwa by\u2019iterabwoba bigaragara mu bihugu bitandukanye, Ikigo cya Polisi gitanga amahugurwa yo guhangana naryo \u2018CTTC Mayange\u2019 kiri ku ruhembe mu gukaza imyiteguro, guhamya ingamba n\u2019ubufatanye bigamije guhangana n’ibitero by’iterabwoba, nk\u2019ikimenyetso simusiga cyerekana ko bishoboka; ubumenyi n\u2019ubushobozi gitanga, imikoranire n\u2019ubufatanye bw\u2019akarere biramutse bishyizwe mu bikorwa uko bikwiye.<\/p>\n

Ibikorwa bya CTTC Mayange ntabwo bigarukira mu mahugurwa n\u2019imyitozo gusa. Ni kimwe mu bigo mu Rwanda; bitoza abashinzwe umutekano bafite ubumenyi bw\u2019ibanze,\u00a0 bagahabwa ubumenyi n\u2019ubushobozi buhanitse bwo guhangana n’ibihungabanya umutekano, aho mu gihe mu karere iterabwoba ryakomeje kugenda rifata intera, u Rwanda rwerekanye ko gukaza imyiteguro ari yo ntwaro ikomeye yo guhangana naryo.<\/p>\n

\"\"Abapolisi b’u Rwanda barimo n’ababa barasoje amahugurwa yo kurwanya iterabwoba mu kigo cya CTTC Mayange mu kazi kabo ka buri munsi mu bikorwa bakora muri Mozambique harimo n’amarondo ahoraho (routine patrols) muri gahunda y’ubufatanye bw’ibihugu byombi yo kurwanya ibihungabanya umutekano.<\/i><\/b><\/p>\n

 <\/p>\n<\/div>\n<\/div>\n<\/div>\n

Source:RNP<\/p>\n<\/div>\n<\/div>\n<\/div>\n

\n
\n
\n