Umunya Repubulika Iharanira Demokarasi ya Congo, Jeannot Witakenge, wakiniye APR FC na Rayon Sports (akanayibera umutoza) yitabye Imana mu ijoro ryo kuri uyu wa Gatandatu tariki ya 24 Mata 2020 aguye i Bukavu.<\/p>\n
Inkuru y’urupfu rwa Witakenge yemejwe na Didi Mwati Bulambo wari incuti ye ya hafi, wemeje ko yahitanwe na Kanseri yari amaze igihe arwaye.<\/p>\n
Abinyujije ku rubuga rwe rwa Facebook yagize ati: “Jeannot Witakenge wacu yitabye Imana uyu munsi azize kanseri. Wararwanye, urahatana ariko ntibyakunda. Ku bwanjye umukinnyi mwiza w’ibihe byose ukina hagati mu kibuga ku mwanya nimero 6 no ku 10. Kuva muri Muungano, Lupopo no mu Rwanda wari umuhanga. Ngusezeyeho Jeannot Witakenge, ruhukira mu mahoro. Nta yandi magambo mfite.”<\/p>\n
Muri Kanama umwaka ushize ni bwo byari byamenyekanye ko Jeannot Witakenge arembeye mu bitaro by’i Bukavu nyuma yo kubagwa igifu.<\/p>\n
Kuva icyo gihe nta makuru menshi avuga kuri uyu mugabo yigeze atangazwa, kugeza ku wa 11 Mata 2020 aho byatangajwe ko yasubiye mu bitaro ndetse akaba arembeye mu bitaro by’i Bukavu.<\/p>\n
Jeannot yakiniye igihe kinini ikipe ya Rayon Sports akina mu kibuga hagati ndetse yari umwe mu nkingi za mwamba zayo. Yibukirwa cyane kuba yari mu ikipe ya Rayon Sports yakuye CECAFA muri Zanzibar mu 1998.<\/p>\n
Witakenge yavuye muri Rayon Sports muri 2006 yerekeza muri Saint Eloi Lupopo yo muri RD Congo, agaruka mu Rwanda muri 2008 aje muri APR FC na yo yagiriyemo ibihe byiza.<\/p>\n
Uyu mugabo wari ufite imyaka 39 y’amavuko, yabaye umutoza muri Rayon Sports hagati ya 2017 na 2018, ashinzwe kongerera ingufu abakinnyi.<\/p>\n
Rayon Sports yayijyanwemo na Karekezi Olivier, uyu mugabo yirukanwe asigaramo akorana n’Umubiligi Ivan Jacky Minnaert, baza gutandukana nyuma y’igihe gito.<\/p>\n","protected":false},"excerpt":{"rendered":"
Umunya Repubulika Iharanira Demokarasi ya Congo, Jeannot Witakenge, wakiniye APR FC na Rayon Sports (akanayibera umutoza) yitabye Imana mu ijoro ryo kuri uyu wa Gatandatu tariki ya 24 Mata 2020 aguye i Bukavu. Inkuru y’urupfu rwa Witakenge yemejwe na Didi Mwati Bulambo wari incuti ye ya hafi, wemeje ko yahitanwe na Kanseri yari amaze igihe […]<\/p>\n","protected":false},"author":17,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[126],"class_list":["post-23470","post","type-post","status-publish","format-standard","hentry","category-amakuru-rw","tag-amamenyesha"],"yoast_head":"\n