Icyorezo cya Coronavirus kimaze amezi atatu yonyine kigaragaye muri Leta zunze ubumwe za Amerika, kimaze kwica abaturage bazo baruta abaguye mu ntambara ya Vietnam zarwanye imyaka 20.<\/p>\n
Imibare igaragaza ko Coronavirus muri Leta zunze ubumwe za Amerika imaze guhitana abantu basaga ibihumbi 59 nk’uko byatangajwe na Reuters, bigasobanura ko mu mezi atatu yonyine iki cyorezo kimaze guhitana Abanyamerika baruta abapfuye hagati y’umwaka wa 1955 n’uwa 1975 ubwo iki gihugu cyari mu ntambara na Vietnam.<\/p>\n
Amateka avuga ko yatakaje ingabo 58,318 muri iyo ntambara, mu gihe Vietnam y’Amajyaruguru yayitakajemo abasivili bari hagati y’ibihumbi 65 n’ibihumbi 182 ndetse n’abasirikare.<\/p>\n
Iyi ntambara kandi yaguyemo abasivili bari hagati y’ibihumbi 195 na 430 ku ruhande rwa Vietnam y’Amajyepfo, ndetse n’abasirikare bayo bari hagati ya 254,256 na 313,000.<\/p>\n
Urubuga npr.com rugaragaza ko 17.6% by’Amanyamerika 100,000 bicwa na Coronavirus, mu gihe mu mwaka wa 1968 ubwo iki gihugu cyatakazaga abantu benshi mu ntambara ya Vietnam, hapfuye abasirikare 16,899 bangana na 8% by’abasirikare 100,000 iyo baza gupfa.<\/p>\n
Mu minsi itandatu ishize byibura Leta zunze ubumwe za Amerika zatakazaga abantu 2,000 ku munsi bishwe na Coronavirus, mu gihe ku wa 31 Mutarama mu 1968 ari bwo iki gihugu cyatakaje abantu benshi mu ntambara hapfa 246.<\/p>\n
Ubwinshi bw’Abanyamerika baguye mu ntambara ya Vietnam bwatumye abaturage b’iki gihugu bigaragambya, basaba ko cyakura ingabo zacyo muri iriya ntambara.<\/p>\n
Icyorezo cya coronavirus muri Amerika na cyo cyakuruye imyigaragambyo, abaturage bamagana Leta ya Perezida Trump kuba ntacyo yakoze ngo ikumire iki cyorezo hakiri kare.<\/p>\n
Imibare ya Kaminuza ya Hopkins yerekana ko Leta zunze ubumwe za Amerika zonyine zifite abarenga miliyoni imwe banduye Coronavirus, mu gihe abamaze kwandura iki cyorezo ku isi barenga gato miliyoni eshatu n’ibihumbi ijana.<\/p>\n","protected":false},"excerpt":{"rendered":"
Icyorezo cya Coronavirus kimaze amezi atatu yonyine kigaragaye muri Leta zunze ubumwe za Amerika, kimaze kwica abaturage bazo baruta abaguye mu ntambara ya Vietnam zarwanye imyaka 20. Imibare igaragaza ko Coronavirus muri Leta zunze ubumwe za Amerika imaze guhitana abantu basaga ibihumbi 59 nk’uko byatangajwe na Reuters, bigasobanura ko mu mezi atatu yonyine iki cyorezo […]<\/p>\n","protected":false},"author":17,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[126],"class_list":["post-23577","post","type-post","status-publish","format-standard","hentry","category-amakuru-rw","tag-amamenyesha"],"yoast_head":"\n