Urwego rw\u2019igihugu Ngenzuramikorere (RURA) rwatangaje ko rugiye gukemura ikibazo cy\u2019ibura ry\u2019imodoka zitwara abagenzi mu Mujyi wa Kigali gikomeje kuba ingorabahizi nyuma y\u2019uko inama y\u2019Abaminisitiri yemeje ko ingendo hagati muri Kigali no hagati mu ntara zongera gusubukurwa ariko imodoka zikajya zitwara hafi 50% by\u2019abantu imodoka yagenewe gutwara, ibi bikaba biri gutuma ahategerwa imodoka hagaragara umurongo no kwegerana cyane kw\u2019abagenzi.<\/p>\n
Ibi byatumye umubare w\u2019abagenzi uba munini kurusha uw\u2019imodoka na za bisi zasubukuye imirimo yazo nyuma y\u2019ibyumweru bigera kuri bitandatu ziparitse byatumye muri iyi minsi ya mbere zimwe mu zari zisanzwe zikora zitarabashije guhita zitangira ingendo zazo, bitewe n\u2019ibibazo bitandukanye byatewe no kumara igihe kirekire ziparitse, ubu iziri gukora zikaba ari 60% by\u2019izari zisanzwe zikora mbere y\u2019uko hajyaho gahunda ya Guma murugo kubera icyorezo cya Covid-19 nk\u2019uko bitangazwa n\u2019urwego Ngenzuramikorere (RURA).<\/p>\n
Umubyigano w\u2019abagenzi aho bategera za bisi kandi unaterwa no kuba za moto zitari zemererwa kongera gutwara abagenzi mugihe byari bimenyerewe ko ari zo zoroshya ingendo mu Mujyi wa Kigali.<\/p>\n
Umuyobozi wa RURA Lt. Col. Patrick Nyirishema yabwiye The Newtimes ko imodoka zitari zakoze ku munsi wa Mbere, ibibazo byari byaziteye byakemutse ku buryo zigiye kongera gukora zose byaba ngombwa hakazanifashishwa izindi zari zisanzwe zikorera ingendo ziva i Kigali zerekeza mu ntara kugira ngo imirongo ishobora kugaragara ahategerwa imodoka itazongera kuboneka kuko bishobora kuba intandaro yo gukwirakwiza icyorezo cya Covid-19.<\/p>\n
Kuwa Mbere w\u2019iki Cyumweru ni bwo Abaturarwanda batangiye kuva mu rugo ndetse imirimo na serivisi zimwe na zimwe zongera gusubukurwa nyuma y\u2019iminsi 43 zifunze. Imodoka zahawe amabwiriza yo gutwara abagenzi ariko hubahirijwe amabwiriza yo kwirinda Covid-19 harimo gushyira intera ya metero hagati y\u2019umuntu n\u2019undi no kwambara agapfukamunwa, ibi bikaba byaratumye bisi yari isanzwe itwara abantu barenga 70 ubu ri gutwara abatarenze 32 ari nabyo biri gutuma abagenzi baba benshi aho bategerereza imodoka ndetse bamwe bakabyiganira kwinjira nk\u2019uko hari amashusho amwe yakwirakwije ku mbuga nkoranyamambaga.<\/p>\n
Ibi byatumye bimwe mu bitangazamakuru mu Rwanda bigaragaza impungenge z\u2019uko uku kubyiganira mu modoka gushobora kuzatuma Coronavirus irushaho kwiyongera, ingamba zose zari zimaze iminsi ziriho zikaba imfabusa mu gihe byagaragaraga ko zatanze umusaruro. <\/p>\n","protected":false},"excerpt":{"rendered":"
Urwego rw\u2019igihugu Ngenzuramikorere (RURA) rwatangaje ko rugiye gukemura ikibazo cy\u2019ibura ry\u2019imodoka zitwara abagenzi mu Mujyi wa Kigali gikomeje kuba ingorabahizi nyuma y\u2019uko inama y\u2019Abaminisitiri yemeje ko ingendo hagati muri Kigali no hagati mu ntara zongera gusubukurwa ariko imodoka zikajya zitwara hafi 50% by\u2019abantu imodoka yagenewe gutwara, ibi bikaba biri gutuma ahategerwa imodoka hagaragara umurongo no […]<\/p>\n","protected":false},"author":21,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[126],"class_list":["post-23724","post","type-post","status-publish","format-standard","hentry","category-amakuru-rw","tag-amamenyesha"],"yoast_head":"\n