Perezida wa Repubulika ya Kenya, Uhuru Kenyatta yategetse ko imipaka yose ihuza iki gihugu na Tanzania na Somalia ifungwa mu rwego rwo kwirinda gukwirakwiza icyorezo cya Covid-19 ku baturage ba Kenya mu gihe Tanzania yo itungwa agatoki kuba yarahaye urwaho iki cyorezo kikaba gikomeje gufata indi ntera mu baturage bayo.<\/p>\n
Ibi Umukuru w\u2019igihugu cya Kenya yabitangaje kuri uyu wa Gatandatu aho yavuze ko imizigo yonyine ari yo yemerewe kwinjira ku butaka bw\u2019iki gihugu. Gufunga imipaka byatewe n\u2019uko ngo imibare y\u2019abanduye iyi ndwara muri iki gihugu yiganjemo ubwiyongere bw\u2019abaturutse mu mahanga cyane cyane abaturutse muri Tanzania na Somalia bisangiye imipaka na Kenya.<\/p>\n
Perezida Uhuru yagize ati \u201cMu cyumweru gishize twabonye ubwiyongere bw\u2019ubwandu bushya bwaturutse hanze y\u2019igihugu harimo ubwambutse mu bihugu duhana imbibi. Aha hantu haduteye impungenge.\u201d<\/p>\n
Yakomeje ati \u201cMirongo ine na batatu (43) mu bo twabonye ni abari baragiriye ingendo mu bihugu bya Tanzania na Somalia. Hagiye kubaho guhagarika abagenzi kwerekeza mu bice bya Tanzania na Somalia guhera muri iri joro.\u201d<\/p>\n
Perezida Uhuru kandi yavuze ko gahunda ya Guma mu Rugo yongerewe kugeza tariki 06 Kamena 2020 ndetse n\u2019ingendo zituruka mu bindi bice by\u2019iki gihugu zerekeza mu muri Nairobi, Mombasa, Kilifi, Kwale na Mandela zikaba zikomeje guhagarikwa kugeza tariki 05 Kamena 2020.<\/p>\n
Inzego zitandukanye zirimo na OMS zimaze iminsi zitunga agatoki Leta ya Tanzania iyobowe na Perezida Magufuli kugenda biguru ntege mu kurwanya icyorezo cya Coronavirus ku buryo yahawe urwaho muri iki gihugu, kuri ubu kikaba gitangaza ko abantu 509 bamaze kwandura naho 21 bishwe nayo. Ni mugihe Somalia yo abamaze kwandura Covid-19 ari 1200 naho 53 bakaba barahitanywe nayo. Muri Kenya abamaze kwandura iyi ndwara ni 830 muribo 53 yarabishe.<\/p>\n","protected":false},"excerpt":{"rendered":"
Perezida wa Repubulika ya Kenya, Uhuru Kenyatta yategetse ko imipaka yose ihuza iki gihugu na Tanzania na Somalia ifungwa mu rwego rwo kwirinda gukwirakwiza icyorezo cya Covid-19 ku baturage ba Kenya mu gihe Tanzania yo itungwa agatoki kuba yarahaye urwaho iki cyorezo kikaba gikomeje gufata indi ntera mu baturage bayo. Ibi Umukuru w\u2019igihugu cya Kenya […]<\/p>\n","protected":false},"author":21,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[478],"class_list":["post-24012","post","type-post","status-publish","format-standard","hentry","category-politiki-rw","tag-amamenyesha-rw"],"yoast_head":"\n