Umunyamabanga mukuru w’Umuryango w’abibumbye, Antonio Guterres, yagaragaje impungenge z’uko icyorezo cya Covid-19 gishobora gutuma ubusumbane n’ubukene ku mugabane wa Afurika byiyongera.<\/p>\n
Ni mu itangazo rigenewe itangazamakuru Guterres yasohoye kuri uyu wa gatatu.<\/p>\n
Umunyamabanga mukuru w’Umuryango w’abibumbye yagaragaje ko n’ubwo umugabane wa Afurika wakoze byose mu kwirinda ikwirakwira ry’icyorezo, bidakuyeho ko amamiliyoni y’Abanyafurika bashobora kuzasigara mu bukene bukabije bushobora kuzatuma habaho inzara n’imirire mibi.<\/p>\n
Ku bwa Guterres, “Icyorezo giteye impungenge intambwe yatewe na Afurika. Kizongera ubusumbane buriho kandi cyongere inzara, imirire mibi ndetse n’indwara.”<\/p>\n
Uyu muyobozi avuga ko n’ubwo Coronavirus imaze guhitana Abanyafurika bake ugereranyije n’uko byari byitezwe, abatuye uyu mugabane ntibakwiye kwirara kuko “icyorezo ari bwo kigitangira”.<\/p>\n
Yagize ati”Ibihugu bya Afurika bigomba kugira uburyo bumwe bwihuse, buringaniye kandi buhendutse mu kubona urukingo n’umuti bizaboneka, bigomba gufatwa nkibicuruzwa rusange ku isi yose”.<\/p>\n
Mu byifuzo bye, Antonio Guterres yasabye “ubufatanye mpuzamahanga mu gushimangira gahunda z\u2019ubuzima muri Afurika, gukomeza uruhererekane rwo kubona ibiribwa no kwirinda ikibazo cy\u2019ibura ry’amafaranga”.<\/p>\n
Yavuze kandi ko hakenewe gushyigikira uburezi, kurinda imirimo, gufasha ingo n’ubucuruzi gutera imbere no kurinda umugabane gutakaza amafaranga winjiza mu byo wohereza mu mahanga.<\/p>\n
Umunyamabanga mukuru wa L’ONU, abona ko ari ngombwa guha Afurika “inkunga y’inyongera irenga miliyari 200 z’amadolari ya Amerika aturuka mu miryango mpuzamahanga”.<\/p>\n
Magingo aya muri Afurika harabarurwa abasaga 86,000 bamaze kwandura icyorezo cya Covid-19, ababarirwa muri 36,000 baragikize mu gihe abarenga 2,700 kimaze kubahitana.<\/p>\n","protected":false},"excerpt":{"rendered":"
Umunyamabanga mukuru w’Umuryango w’abibumbye, Antonio Guterres, yagaragaje impungenge z’uko icyorezo cya Covid-19 gishobora gutuma ubusumbane n’ubukene ku mugabane wa Afurika byiyongera. Ni mu itangazo rigenewe itangazamakuru Guterres yasohoye kuri uyu wa gatatu. Umunyamabanga mukuru w’Umuryango w’abibumbye yagaragaje ko n’ubwo umugabane wa Afurika wakoze byose mu kwirinda ikwirakwira ry’icyorezo, bidakuyeho ko amamiliyoni y’Abanyafurika bashobora kuzasigara mu […]<\/p>\n","protected":false},"author":17,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[126],"class_list":["post-24113","post","type-post","status-publish","format-standard","hentry","category-amakuru-rw","tag-amamenyesha"],"yoast_head":"\n