Ishyaka CNL rya Agathon Rwasa ryatangaje ko uhereye ejo tariki 20 Gicurasi ubwo muri iki gihugu habaga amatora y\u2019Umukuru w\u2019igihugu, abarwanashyaka baryo barenga 200 baraye muri za kasho mu buryo butubahirije amategeko kuko ngo bashinjwa ibyaha bihimbano byo gutoba amatora.<\/p>\n
Iri shyaka rivuga ko abarwanashyaka baryo bakomeje gukandamizwa mu gihe ibyavuye mu matora bitari byatangazwa ku mugaragaro. Ibi byatangajwe n\u2019Umuvugizi w\u2019iri shyaka, Terence Manirambona wavuze ko kuwa Gatatu aribwo hafunzwe abarwanashyaka benshi babashinja kwangiza amatora no kuri uyu wa Kane bakaba abiganjemo indorerezi zaryo bakomeje gufungwa ubwo bajyaga gukurikirana ibikorwa byo kubarura amajwi nk\u2019uko babyemererwa n\u2019amategeko ariko bakabashinja ibyaha bidafatika.<\/p>\n
Manirambona avugana na BBC yagize ati \u201dBafataga nk\u2019umuntu bati wowe uje ukerewe , bagata muri kasho. Abandi uvuze ati \u2018iki kintu muri gukora ntikisunze amategeko kuko amategeko avuga gutya, bakavuga bati \u2018wowe uri gushaka gutoba amatora.\u2019 <\/p>\n
Akomeza avuga ko hari bamwe bahitaga bacirwa imanza ako kanya kandi nta birego bifatika bibariho kandi nta n\u2019ubarega. Kugeza ubu igipolisi cy\u2019u Burundi ntacyo cyari cyatangaza ku bivugwa n\u2019Umuvugizi wa CNL ubwo amatora yasozwaga ku mugoroba wo kuri uyu w’ejo kuwa Gatatu cyari cyabwiye itangazamakuru ko amatora yabaye mu mutuzo n\u2019amahoro.<\/p>\n
Amatora y\u2019umukuru w\u2019igihugu yo gushaka uzasimbura Perezida Pierre Nkurunziza ucyuye igihe yabaye ejo akaba yari ahatanyemo abakandida barindwi barangajwe imbere na Gen Evariste Ndayishimye wo mu ishyaka CNDD-FDD riri ku butegetsi, Agathon Rwasa wa CNL na Gaston Sindimwo uhagarariye UPRONA. Aya matora akaba yarabaye imbuga za interineti zose zakuweho mu gihugu hose, ibintu Agathon Rwasa yanenze bikomeye.<\/p>\n
Kugeza ubu bimwe mu bimaze gutangazwa byavuye mu ma komini amwe n\u2019amwe bigaragaza ko ishyaka CNDD-FDD ariryo riri imbere n\u2019amajwi 80% mu mibare rusange y\u2019amatora atatu yabaye, ni ukuvuga ku mwanya w\u2019umukuru w\u2019igihugu, itora ry\u2019abagize inteko ishinga amategeko, n\u2019iry\u2019abakuru b\u2019amakomini kandi ku gicamunsi cyo kuri uyu wa Kane imbuga nkoranyambaga na interineti byari byongeye gusubizwaho.<\/p>\n","protected":false},"excerpt":{"rendered":"
Ishyaka CNL rya Agathon Rwasa ryatangaje ko uhereye ejo tariki 20 Gicurasi ubwo muri iki gihugu habaga amatora y\u2019Umukuru w\u2019igihugu, abarwanashyaka baryo barenga 200 baraye muri za kasho mu buryo butubahirije amategeko kuko ngo bashinjwa ibyaha bihimbano byo gutoba amatora. Iri shyaka rivuga ko abarwanashyaka baryo bakomeje gukandamizwa mu gihe ibyavuye mu matora bitari byatangazwa […]<\/p>\n","protected":false},"author":21,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[401],"tags":[478],"class_list":["post-24154","post","type-post","status-publish","format-standard","hentry","category-politiki-rw","tag-amamenyesha-rw"],"yoast_head":"\n