Minisitiri w’Intebe, Dr. Justin Nsengiyumva, yageze i Arusha muri Tanzania aho yitabiriye inama y’abakuru b’ibihugu bigize Umuryango wa Afurika y’Iburasirazuba (EAC).<\/p>\n
Ni inama agomba guhagarariramo Perezida Paul Kagame.<\/p>\n
Minisitiri w’Intebe Dr. Nsengiyumva akigera ku kibuga cy’indege mpuzamahanga cya Kilimanjaro, yakiriwe na Minisitiri wungirije wa Tanzania ushinzwe inganda n’ubucuruzi, Hon. Denis Londo.<\/p>\n
Biteganyijwe ko kuri uyu wa Gatandatu tariki ya 7 Werurwe ari bwo iriya nama izaba iba ku nshuro ya 25 izaba.<\/p>\n
Ubunyamabanga Bukuru bwa EAC buheruka gutangaza ko iriya nama iziga ku buryo bwo gushimangira gahunda yo guhuza imikorere hagati y\u2019ibihugu bigize uyu muryango, hagamijwe kuzamura imibereho y\u2019ibihugu byayo.<\/p>\n
Biteganyijwe ko muri iyi nama abakuru b\u2019ibihugu by’u Rwanda, Uganda, u Burundi, Kenya, Tanzania, Repubulika Iharanira Demokarasi ya Congo, Sudani y’Epfo na Somalia bazatangiza ikoreshwa ry\u2019icyangombwa gihuriweho cya gasutamo kizwi nka \u2018EAC Customs Bond\u2019.<\/p>\n
Iki cyangombwa kuzasimbura ibyari bisanzwe bikoreshwa na buri gihugu ku bakora ubucuruzi bwambukiranya imipaka.<\/p>\n
Iki cyangombwa gishya kizafasha abakora ubucuruzi kwambukiranya ibihugu byo muri EAC ari cyo bakoresheje gusa, mu gihe mbere byabasabaga kugira byinshi.<\/p>\n
Iki cyangombwa kandi kizafasha mu guhuza imikorere y\u2019ubuyobozi bwa gasutamo, abatanga serivisi z\u2019ubwishingizi, ndetse n\u2019ibigo by\u2019imari. Ni na ko kizagabanya amafaranga abacuruzi batangaga ndetse kikihutisha imikorere n\u2019ubuhahirane.<\/p>\n
Muri iyi nama kandi hazatangizwa gahunda ya karindwi y\u2019iterambere rya EAC izava mu 2026\/27 ikageza mu 2030\/31.<\/p>\n
Iyi gahunda yerekana icyerekezo uyu muryango ufite mu kwihuza kw\u2019akarere ndetse na gahunda z\u2019iterambere zigamije imibereho myiza n\u2019izamuka ry\u2019ubukungu, mu gihe cy\u2019imyaka itanu iri imbere.<\/p>\n
Umunyamabanga Mukuru wa EAC, Veronica Nduva aheruka kuvuga ko iyi nama ari ingirakamaro kubera ibizayiganirirwamo.<\/p>\n
Ati: “Inama y\u2019abakuru b\u2019ibihugu bya EAC iracyari urubuga rw\u2019ingenzi, ruyobora uyu muryango kuri gahunda yo kwihuza. Guhurira i Arusha bitanga amahirwe ku bayobozi bacu yo kuba bafata imyanzuro ikomeye hagamijwe gushimangira imikoranire, guteza imbere ubucuruzi no kwihutisha intego zihuriweho n\u2019abaturage ba Afurika y\u2019Iburasirazuba.\u201d<\/p>\n
Iyi nama igiye guterana mu gihe Veronica Nduva aheruka mu Rwanda mu biganiro byamuhuje na Perezida Kagame.<\/p>\n
Bombi baganiriye ku birimo guteza imbere ubucuruzi bw\u2019akarere n\u2019ubufatanye ku mishinga y\u2019ingenzi igamije guteza imbere iterambere rihuriweho mu Muryango wa Afurika y\u2019Iburasirazuba.<\/p>\n
EAC igaragaza ko nubwo ibijyanye n\u2019amategeko mu kwihutisha imishinga ihuriweho bimaze kujya mu buryo, ubucuruzi hagati y\u2019ibihugu bigize uyu muryango bwakomeje kugenda biguru ntege.<\/p>\n
EAC igaragaza ko ubu bucuruzi bwagumye kuri 15% mu myaka nk\u2019icumi ishize, imibare iri munsi ya 30% kugeza kuri 50% byateganywaga.<\/p>\n
Nduva aherutse gutangaza ko nubwo bimeze gutyo, ubucuruzi imbere muri EAC bwihariye \u215b cy\u2019ibyoherezwa mu mahanga. Yavuze ko ubucuruzi bw\u2019akarere bwazamutse buva kuri 11,5% mu 2016 bugera kuri 12,2% mu 2024, ibigaragaza uburyo ibihugu bya EAC bicyishingikiriza ku bwo hanze yayo.<\/p>\n","protected":false},"excerpt":{"rendered":"
Minisitiri w’Intebe, Dr. Justin Nsengiyumva, yageze i Arusha muri Tanzania aho yitabiriye inama y’abakuru b’ibihugu bigize Umuryango wa Afurika y’Iburasirazuba (EAC). Ni inama agomba guhagarariramo Perezida Paul Kagame. Minisitiri w’Intebe Dr. Nsengiyumva akigera ku kibuga cy’indege mpuzamahanga cya Kilimanjaro, yakiriwe na Minisitiri wungirije wa Tanzania ushinzwe inganda n’ubucuruzi, Hon. Denis Londo. Biteganyijwe ko kuri uyu […]<\/p>\n","protected":false},"author":17,"featured_media":261593,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-261592","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n