Abayobozi bakuru b’Ingabo z’u Rwanda, kuri uyu wa Mbere tariki ya 9 Werurwe batangije hirya no hino mu gihugu ibikorwa byo gufasha abaturage mu mibereho n\u2019iterambere (DSCOP 2026).<\/p>\n
Ni ibikorwa ngarukamwaka RDF iri guriramo na Polisi y’Igihugu, mu rwego rwo kwizihiza umunsi wo kwibohora ku nshuro ya 32 uzaba tariki ya 4 Nyakanga.<\/p>\n
Minisitiri Marizamunda yifatanyije n’abo mu majyepfo!<\/p>\n
Minisitiri w\u2019Ingabo, Juvenal Marizamunda, hamwe ari kumwe na Guverineri w\u2019Intara y\u2019Amajyepfo, Alice Kayitesi, batangije ku mugaragaro igikorwa cyo kubaka ibyumba by\u2019amashuri 10, inyubako z\u2019ubuyobozi na laboratwari ku Ishuri rya Kigese Technical Secondary School riherereye mu Murenge wa Rugalika, Akarere ka Kamonyi.<\/p>\n
Mu ijambo rye, Minisitiri w\u2019Ingabo yavuze ko iyi gahunda ngarukamwaka igamije “gushimangira ubufatanye hagati y\u2019abaturage n\u2019inzego za Leta.”<\/p>\n
Yashimangiye kandi ko “umutekano n\u2019iterambere bijyana, kandi ko umutekano urambye udashoboka hatabayeho uruhare rugaragara rw\u2019abaturage.”<\/p>\n
Iki gikorwa kandi cyitabiriwe n\u2019Umuyobozi w\u2019Akarere ka Kamonyi, Sylver Nahayo, hamwe n\u2019abahagarariye Ingabo na Polisi by\u2019u Rwanda.<\/p>\n
Gen. Muganga mu burasirazuba!<\/p>\n
Mu karere ka Gatsibo, Umurenge wa Ngarama, mu mudugudu wa Kabeho, na ho habereye igikorwa kijyanye no gutangiza Gahunda y\u2019Ibikorwa by’Ingabo na Polisi by’ u Rwanda mu guteza imbere imibereho myiza y\u2019Abaturage.<\/p>\n
Abitabiriye bagize uruhare mu gikorwa cyo gutera ibiti kigamije kurengera ibidukikije.<\/p>\n
Ni igikorwa cyari kiyobowe n\u2019Umugaba Mukuru w\u2019Ingabo z\u2019u Rwanda (RDF), Gen MK Mubarakh, afatanije na Philippe Kwitonda rusanzwe ari Umuyobozi Mukuru w\u2019Ikigo gishinzwe Ubutaka, Amazi n\u2019Amashyamba, hamwe n\u2019abandi bayobozi.<\/p>\n
Gen. Muganga yashishikarije abaturage “kugira uruhare rugaragara mu bikorwa byo kubungabunga ibidukikije no guteza imbere igihugu.”<\/p>\n
Yanashimiye abaturage ku bufatanye bwabo bukomeye n\u2019inzego z\u2019umutekano mu gukomeza kubungabunga umutekano mu gihugu.<\/p>\n
Gen. Kagame yari mu majyaruguru!<\/p>\n
Umugaba Mukuru w\u2019Ingabo z\u2019Inkeragutabara, Maj Gen Alex Kagame, ari kumwe na Guverineri w\u2019Intara y\u2019Amajyaruguru, Maurice Mugabowagahunde, Umuyobozi Wungirije wa Polisi mu Ntara y\u2019Amajyaruguru, CSP Prudence Ngendahimana n’umuyobozi w’akarere ka Musanze, Nsengimana Claudien, bo batangije ku mugaragaro imirimo yo kubaka ikiraro cya Ryabazira.<\/p>\n
Iki kiraro ni ingenzi mu guhuza Akagari ka Rurambo ko mu Murenge wa Remera wo mu Karere ka Musanze, n\u2019Umurenge wa Cyabingo wo mu Karere ka Gakenke, ku muhanda munini wa Kigali\u2013Musanze ndetse n\u2019utundi duce tuyituriye.<\/p>\n
Kongera kubaka iki kiraro bigamije “gusubizaho urujya n\u2019uruza, koroshya ingendo z\u2019abaturage, no guteza imbere ibikorwa by\u2019imibereho myiza n\u2019ubukungu by\u2019abaturage, cyane cyane abacuruzi n\u2019abahinzi, ndetse n\u2019abanyeshuri bakoresha ibikorwaremezo biri muri ako gace ndetse n\u2019isoko rya Ryabazira”.<\/p>\n
Maj. Gen Rurangwa yifatanyije n’abanya-Gicumbi<\/p>\n
Umunyamabanga wa Leta ushinzwe ubuzima Dr Yvan Butera, Umugaba w’Ingabo ushinzwe serivise z’ubuzima mu Ngabo z\u2019u Rwanda, Maj Gen Dr Ephrem Rurangwa, hamwe n\u2019abayobozi b\u2019inzego z\u2019ibanze barimo Meya w\u2019Akarere ka Gicumbi, Nzabonimpa Emmanuel, bo batangirije ibikorwa ku Bitaro byo ku Rwego rwa 2 byigisha bya Byumba.<\/p>\n
Ibikorwa byo gutanga serivisi z\u2019ubuvuzi biri muri gahunda y’ibikorwa by’Ingabo na Polisi by’u Rwanda byo kwita ku mibereho myiza n’iterambere ry’abaturage.<\/p>\n
Serivisi z\u2019ubuvuzi zirimo gutangwa n’inzobere z’abaganga ba gisirikare bafatanije n’abaganga bagenzi babo b’abasivile bakorera mu Bitaro byo ku Rwego rwa 2 byigisha bya Byumba; harimo ubuvuzi bw\u2019indwara z\u2019umubiri, ubuvuzi bw\u2019abana, kubaga, kuvura indwara z’ abagore, kuvura amagufwa, kuvura indwara z\u2019amatwi, amazuru n\u2019umuhogo, kuvura indwara z\u2019uruhu, n’ ubuvuzi bw\u2019amenyo.<\/p>\n","protected":false},"excerpt":{"rendered":"
Abayobozi bakuru b’Ingabo z’u Rwanda, kuri uyu wa Mbere tariki ya 9 Werurwe batangije hirya no hino mu gihugu ibikorwa byo gufasha abaturage mu mibereho n\u2019iterambere (DSCOP 2026). Ni ibikorwa ngarukamwaka RDF iri guriramo na Polisi y’Igihugu, mu rwego rwo kwizihiza umunsi wo kwibohora ku nshuro ya 32 uzaba tariki ya 4 Nyakanga. Minisitiri Marizamunda […]<\/p>\n","protected":false},"author":17,"featured_media":261966,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[1692],"class_list":["post-261965","post","type-post","status-publish","format-standard","has-post-thumbnail","hentry","category-amakuru-rw","tag-in-slide-kinyarwanda"],"yoast_head":"\n