Urwego rw\u2019igihugu rw\u2019ubugenzacyaha ( RIB) ruravuga ko icyaha cy\u2019icuruzwa ry\u2019abantu gihangayikishije cyane isi n\u2019u Rwanda rurimo, aho mu mibare rufite yo kuva muri 2020 kugera 2024 Abanyarwanda 297 ari bo bamenyekanye ko bacurujwe, aho ku rwego rw\u2019Isi\u00a0 yose abacurujwe bo mu bihugu bitandukanye\u00a0 barenga 200.000.<\/p>\n
Mu kiganiro n\u2019abayobozi b\u2019inzego z\u2019ibanze n\u2019ab\u2019amakoperative akora ubucuruzi bwambukiranya imipaka mu karere ka Rubavu, umugenzacyaha mu ishami rishinzwe gukumira icyaha cy\u2019icuruzwa ry\u2019abantu, Kayitesi Justine, yavuze ko iyi mibare ari iyagaragaye ndetse igakorerwa ubushakashatsi, ariko hari n\u2019abandi benshi baba bataramenyekanye.<\/p>\n
Aba bamenyekanye kuko u Rwanda rwabafashije kugaruka.<\/p>\n
Kayitesi agaragaza ko icuruzwa ry\u2019abantu riri mu buryo bwinshi, bitandukanye no mu bihe by\u2019ubucakara habaga hari abakomisiyoneri bazaga kugura abantu ku masoko bisanzwe bakabajyana gukora uburetwa mu mirima y\u2019ibisheke n\u2019ubundi bugome muri Amerika y\u2019epfo n\u2019ahandi, ubu bwo birakorwa mu buryo bw\u2019ikoranabuhanga.<\/p>\n
Yagize ati:”Rirakorwa mu mayeri atandukanye. Kugira ngo umenye ko uwo muntu agiye kugucuruza, ni ukuba warakurikiranye ubukangurambaga mu buryo bwo kurikumira, waranakurikiranye ibiganiro biba byatanzwe n\u2019inzego kugira ngo ugere ku makuru yimbitse, ugushutse ukamukumira kare.”<\/p>\n
Anavuga ko icyerekana ko ari icuruzwa\u00a0 ni uko baba bakoreshwa imirimo y\u2019agahato, nta kuruhuka, igihembo ntaho gihuriye n\u2019imvune, hakunguka ucuruza ariko ucuruzwa ahashirira, hakabamo n\u2019abahapfira, abandi bagafatwa n\u2019ihungabana rikomeye.<\/p>\n
Nk’uko akomezaabigarukaho, ngo iri curuzwa ryibasiye cyane urubyiruko kuko ari rwo rushukika cyane kubera amaraso y\u2019ubuto, rwumva rushaka gukira vuba, rugategerwa aho, rwagezwayo rugasanga ibyo rushowemo bihabanye cyane n\u2019ibyo rwizezwaga, rutakinagarutse.<\/p>\n
Anavuga ko mu byo bakoreshwa harimo kubasambanya mu buryo bwa kinyamaswa, bamwe bakaryamana n\u2019imbwa, abandi bagakubitishwa amashanyarazi, n\u2019ubundi bugome.<\/p>\n
Ubu bucuruzi ngo burimo inyungu nyinshi cyane kuko nk\u2019ubushakashatsi bwo muri 2017 bwagaragaje ko ibikorwa nk\u2019ibi byinjizaga arenga miliyoni 150 z\u2019amadolari buri mwaka, urubyiruko ruri hagati y\u2019imyaka 18 na 35 rukaba ari rwo rwibasirwa cyane.<\/p>\n
Yasabye inzego zose guhaguruka zigahangana n\u2019iki kibazo gikomeye cyane kuko nta muntu ukwiye gucuruzwa, anagaruka ku bakoresha abadi mu gusabiriza, n’ababyeyi bashyingira abana babo aho batifuza kandi badashaka kubera indonke abo babyeyi bishakira, ko n\u2019iryo ari icuruzwa rikwiye kurwanywa na buri\u00a0 muntu wese.<\/p>\n
Umusore w\u2019imyaka 28, watanze ubuhamya bw\u2019ibyamubayeho ubwo yacuruzwaga mu bihugu\u00a0 bya Aziya yizezwa akazi, yagerayo akabaho mu buzima butagira uburenganzira na buke bw\u2019ikiremwamuntu kugeza agarutse mu Rwanda ku bw\u2019amahirwe, yaburiye urubyiruko n\u2019ababyeyi ndetse anasaba ubuyobozi kuba maso kuri iki kibazo.<\/p>\n
Ati:”Nakoraga akazi k\u2019ubukomisiyoneri mu bucuruzi bw\u2019imodoka iwacu i Kigali, mpurira n\u2019umuntu kuri Fecebook angira inshuti, ananyizeza akazi keza\u00a0 k’amafaranga menshi, ngenda amasigamana ariko ibyo naboneyeyo ni agahomamunwa.”<\/p>\n
Yunzemo ati:”Ndashimira igihugu cyanjye cyakoze ibishoboka byose kikangarura, nsaba ababyeyi n\u2019urubyiruko kwitonda cyane kuko abenshi barishora muri ubu bucuruzi bubi, abandi bakahakura indwara zitari nke, kubera ubugome bw\u2019abakora ubu bucuruzi.”<\/p>\n
Nyuma y\u2019ibi biganiro, abayobozi b\u2019inzego z\u2019ibanze baganiriye na Bwiza.com, bavuze ko batari basobanukiwe neza uko ubu bucuruzi bukorwa, ariko ko bagiye kongera ubukangurambaga mu bo bayoboye kubwirinda no kubukumira.<\/p>\n
Ngabonziza Shadadi, Umunyamabanga Nshingwabikorwa w\u2019Akagari ka Kivumu, Umurenge wa Gisenyi, ni we wavuze ingamba bahafatiye.<\/p>\n
Ati:”Turashimira cyane RIB kuri ibi biganiro kuko mu by\u2019ukuri n’ubwo turi abayobozi iby\u2019icuruzwa ry\u2019abantu abenshi nta makuru yimbitse twari tubifiteho. Turayatahanye tugiye kuyasakaza mu bo tuyobora dufatanye gukumira iki cyaha, cyane cyane nkatwe duturiye umupaka, twabonye ko ari ho ibyinshi bikorerwa cyane.”<\/p>\n
Yanavuze kandi ko bagiye gushishikariza urubyiruko kwihangira imirimo myiza kuko n\u2019aha mu gihugu ihari, birinde irari no gushaka gukira vuba, n\u2019ugiye muri ayo mahanga agende mu buryo buzwi n\u2019ubuyobozi, ku buryo nanagira ikibazo azatabarwa kare.<\/p>\n
Ibi biganiro n\u2019abayobozi ni byo byasoje ubukangurambaga bw\u2019iminsi 5 RIB yakoreraga muri aka karere, bwakozwe mu baturage b\u2019Imirenge ya Busasamana, Nyamyumba, Bugeshi na Cyanzarwe,\u00a0 bwasojwe n\u2019ibi biganiro byabereye mu Murenge wa Gisenyi.<\/p>\n
Umuyobozi w\u2019Akarere ka Rubavu wungirije ushinzwe imibereho myiza y\u2019abaturage, Ishimwe Pacifique, yijeje ko ubu bukangurambaga bugiye gukomeza, haba mu nteko z\u2019abaturage n\u2019ikindi gihe bahuye, kugira ngo birusheho kumvikana neza, ku bufatanye bwa bose iki cyaha kimenyekane neza kinakumirwe.<\/p>\n","protected":false},"excerpt":{"rendered":"
Urwego rw\u2019igihugu rw\u2019ubugenzacyaha ( RIB) ruravuga ko icyaha cy\u2019icuruzwa ry\u2019abantu gihangayikishije cyane isi n\u2019u Rwanda rurimo, aho mu mibare rufite yo kuva muri 2020 kugera 2024 Abanyarwanda 297 ari bo bamenyekanye ko bacurujwe, aho ku rwego rw\u2019Isi\u00a0 yose abacurujwe bo mu bihugu bitandukanye\u00a0 barenga 200.000. Mu kiganiro n\u2019abayobozi b\u2019inzego z\u2019ibanze n\u2019ab\u2019amakoperative akora ubucuruzi bwambukiranya imipaka […]<\/p>\n","protected":false},"author":17,"featured_media":262135,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-262132","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n