Urupfu rwa Minisitiri w\u2019Itangazamakuru n\u2019Itumanaho w\u2019u Burundi, Gabby Bugaga, rukomeje guteza urujijo n\u2019impaka ndende mu banyagihugu, nyuma y\u2019uko umurambo we ubonetse mu modoka ye mu gace ka Kivoga, muri komine Mutimbuzi, mu gitondo cyo ku wa 16 Mata 2026.<\/p>\n
Nubwo ubuyobozi bw\u2019u Burundi bwatangaje ko yazize \u201curupfu rutunguranye\u201d rwatewe n\u2019impanuka, amakuru atandukanye arimo ashyirwa ahagaragara n\u2019imiryango itegamiye kuri Leta, arimo n\u2019Umuryango FOCODE, agaragaza ibimenyetso byinshi byerekana ko ashobora kuba yarishwe.<\/p>\n
FOCODE ivuga ko amakuru yakusanyije ishingiye ku buhamya bw\u2019abantu bari hafi ya nyakwigendera agaragaza ko mbere y\u2019urupfu rwe, Gabby Bugaga yari afite impungenge zikomeye ku mutekano we.<\/p>\n
Hari abemeza ko yari amaze iminsi agaragaza ko ashobora kugirirwa nabi, ndetse ngo yari yaratangiye gutegura umugambi wo kuva mu Burundi akajya kuba mu mahanga, aho byavugwaga ko yashakaga ubufasha bwo kujya i Burayi.<\/p>\n
Amakuru kandi agaragaza ko mu ijoro rya nyuma mbere y\u2019uko apfa, telefone ye yakoreshejwe mu buryo budasanzwe.<\/p>\n
Umwe mu bantu bavuganaga na we yavuze ko yandikiwe ubutumwa budasanzwe, butari busanzwe mu mivuganire yabo, bigatuma hakekwa ko ashobora kuba atari we wari uyifite muri ayo masaha ya nyuma.<\/p>\n
Ku bijyanye n\u2019aho umurambo wabonetse, FOCODE igaragaza ko hari ibibazo byinshi bitarasobanurwa.<\/p>\n
Birimo kuba imodoka ye yarasanzwe mu murima w\u2019ibigazi, kure gato y\u2019umuhanda uhuza Bujumbura na Bubanza, ariko hakaba hataramenyekana neza uko yagezeyo mu masaha y\u2019ijoro, ndetse nta bimenyetso bifatika byerekana ko yari kumwe n\u2019abamurinda cyangwa umushoferi.<\/p>\n
Ni mu gihe mbere y’uko uwo murambo uboneka hari abari bamubonye muri kamwe mu tubari two muri Bujumbura.<\/p>\n
Uburyo umurambo wabonetse na bwo bwatumye benshi bashidikanya, kuko wari uri mu ntebe z\u2019imbere uryamye neza, ukuguru kumwe gusohotse mu idirishya, ibintu abahanga bavuga ko bitajyanye n\u2019impanuka isanzwe y\u2019imodoka.<\/p>\n
Ibi byatumye hakekwa ko ashobora kuba yarishwe ahandi hanyuma akazanwa muri iyo modoka.<\/p>\n
Hari kandi ikibazo cy\u2019uko aho imodoka yari iri nta maraso yigeze ahaboneka, ibishimangira ko aho umurambo wa nyakwigendera wasanzwe atari ho yari yiciwe.<\/p>\n
Imodoka ubwayo na yo ngo ifite ibimenyetso bitajyanye n\u2019impanuka isanzwe, kuko hari ibice byangiritse mu buryo budasobanutse, kuko ‘airbag’ itigeze isohoka, ikindi n\u2019urufunguzo rw\u2019imodoka rukaba rwarasanzwe mu isakoshi aho kuba mu modoka.<\/p>\n
FOCODE inavuga ko hari amakuru ataremezwa yaturutse mu bitaro umurambo wajyanyweho, avuga ko hashobora kuba hari ibimenyetso by\u2019amasasu ku mubiri wa nyakwigendera.<\/p>\n
Nubwo aya makuru ataremezwa ku mugaragaro, ashimangira akamaro ko gukora isuzuma ryimbitse ku murambo.<\/p>\n
N\u2019ubwo ibi bimenyetso byose bikomeje kuvugwa, ubuyobozi bw\u2019u Burundi ntiburagira icyo butangaza ku iperereza ryimbitse kuri uru rupfu, ahubwo bukomeje gutsimbarara ku mvugo y\u2019uko ari urupfu rutunguranye.<\/p>\n
Ibi byatumye FOCODE n\u2019abandi bakurikiranira hafi iki kibazo basaba ko hakorwa iperereza ryigenga kandi ryimbitse, kugira ngo ukuri ku rupfu rwa Minisitiri Gabby Bugaga kumenyekane, hanubahirizwe uburenganzira bw\u2019abaturage bwo kumenya ukuri.<\/p>\n
Bugaga yari yagizwe na Perezida Evariste Ndayishimiye Minisitiri w’Itangazamakuru n’Itumanaho w’u Burundi muri Kanama 2025.<\/p>\n","protected":false},"excerpt":{"rendered":"
Urupfu rwa Minisitiri w\u2019Itangazamakuru n\u2019Itumanaho w\u2019u Burundi, Gabby Bugaga, rukomeje guteza urujijo n\u2019impaka ndende mu banyagihugu, nyuma y\u2019uko umurambo we ubonetse mu modoka ye mu gace ka Kivoga, muri komine Mutimbuzi, mu gitondo cyo ku wa 16 Mata 2026. Nubwo ubuyobozi bw\u2019u Burundi bwatangaje ko yazize \u201curupfu rutunguranye\u201d rwatewe n\u2019impanuka, amakuru atandukanye arimo ashyirwa ahagaragara […]<\/p>\n","protected":false},"author":17,"featured_media":264759,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-264758","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n