Joseph Kabila Kabange wahoze ari Perezida wa Repubulika Iharanira Demokarasi ya Congo, yamaganye ibihano yafatiwe na Leta Zunze Ubumwe za Amerika, avuga ko ibirego zashingiyeho zimuhana nta bimenyetso bifatika bigaragaza ko ari ukuri.<\/p>\n
Ku wa Kane tariki ya 30 Mata ni bwo Urwego Rushinzwe Imari muri Leta Zunze Ubumwe za Amerika rwatangaje ko rwafatiye ibihano Kabila, nyuma yo kumushinja gutera inkunga ihuriro rya AFC\/M23 rirwanya ubutegetsi bwa RDC.<\/p>\n
Uyu mugabo wayoboye kiriya gihugu mu gihe cy’imyaka 18 biciye mu itangazo ryasohoye n’ibiro bye, yavuze ko “yakiranye gutungurwa” kiriya cyemezo, avuga ko ari “icyemezo kidafite ishingiro rikomeye, gifite impamvu za politiki kandi gishingiye ku birego bidashyigikiwe n\u2019ibimenyetso bidashidikanywaho.”<\/p>\n
Ibiro bya Kabila byavuze ko kuva muri 2001 ubwo yafataga ubutegetsi kugeza muri 2019 ubwo yabuvagaho, yitangiye ibikorwa byo kongera kunga igihugu, kugarura amahoro buhoro buhoro, kunga Abanye-Congo, kubaka bundi bushya Leta no kugarura ituze mu karere k\u2019Ibiyaga Bigari.<\/p>\n
Byavuze ko ku butegetsi bwe ari bwo RDC yavuye mu ntambara y\u2019akarere yari yarayisenye bikomeye, isubirana ubumwe bw\u2019inzego za Leta, kandi igira ku nshuro ya mbere mu mateka yayo ihererekanya ry’ubutegetsi mu mahoro kandi mu buryo bwubahirije umuco wa demokarasi.<\/p>\n
Ku bwa Joseph Kabila, icyemezo cya Amerika “kiratangaje cyane kubera ko gishingiye ku bivugwa n\u2019ubutegetsi bwa Kinshasa butigeze bushobora gutanga ibimenyetso bifatika bishyigikira ibyo bwamushinje imbere y\u2019ubutabera bwa gisirikare bwa Congo bukorera mu kwaha kwabwo.”<\/p>\n
Yunzemo iti: “Ku bw’ibyo, icyo cyemezo gishobora gufatwa muri Repubulika Iharanira Demokarasi ya Congo, muri Afurika no ku isi yose nk\u2019inkunga ihabwa igitugu n\u2019akarengane, nk\u2019uruhushya rwo gucecekesha buri wese uvuga agamije kurwanya ruswa, kunyereza umutungo w\u2019igihugu no kwiharira ubutegetsi; mu yandi magambo, nk\u2019inkunga ihabwa ubutegetsi busimbuza Leta agatsiko k\u2019abantu, bukitiranya kwihorera n\u2019ubutabera, kandi bugakoresha impamvu z\u2019umutekano mu gukandamiza no kwica abatavuga rumwe na bwo.”<\/p>\n
Joseph Kabila yongeye gushimangira ko ashyigikiye ubumwe bw\u2019igihugu, ubusugire bwacyo, amahoro mu gihugu cye no mu karere k\u2019Ibiyaga Bigari, ndetse n\u2019igisubizo cya politiki kirimo bose ku kibazo cya Congo.<\/p>\n
Uyu munyapolitiki yasabye ko uruhare rwa Leta Zunze Ubumwe za Amerika rwagira umumaro ugaragara mu gushaka igisubizo kirambye ku bibazo byugarije Congo, bitari iby\u2019umutekano gusa kandi bitareba gusa uburasirazuba bw\u2019igihugu.<\/p>\n
Ni ibibazo birimo imiyoborere ya politiki n\u2019ubukungu, kandi bigira ingaruka ku gihugu cyose.<\/p>\n
Kabila yashimangiye ko “amahoro ntazubakirwa mu gufata abaharanira imiyoborere myiza, kubazwa inshingano, ubutabera n\u2019ubwiyunge bw\u2019igihugu nk’abanyabyaha.”<\/p>\n
Yunzemo ko agomba gusaba abanyamategeko be gukoresha inzira zemewe kugira ngo arwanye icyemezo yafatiwe biciye mu gusaba ibimenyetso bifatika byagishingiyeho mu kumuhana, no kurengera icyubahiro cye, amateka ye n\u2019uruhare rwe mu guteza imbere ituze rya RDC.<\/p>\n
Yaboneyeho guhumuriza guhumuriza abanye-Congo bakomeje kugirwaho ingaruka n’imiyoborere iriho, abizeza ko agomba gukora uko ashoboye atitaye ku gitutu icyo ari cyo cyose kugira ngo\u00a0 agarure demokarasi, ubutegetsi bugendera ku mategeko n\u2019ubumwe bw\u2019igihugu, ari byo bizatuma habaho amahoro nyakuri kandi arambye muri RDC.<\/p>\n","protected":false},"excerpt":{"rendered":"
Joseph Kabila Kabange wahoze ari Perezida wa Repubulika Iharanira Demokarasi ya Congo, yamaganye ibihano yafatiwe na Leta Zunze Ubumwe za Amerika, avuga ko ibirego zashingiyeho zimuhana nta bimenyetso bifatika bigaragaza ko ari ukuri. Ku wa Kane tariki ya 30 Mata ni bwo Urwego Rushinzwe Imari muri Leta Zunze Ubumwe za Amerika rwatangaje ko rwafatiye ibihano […]<\/p>\n","protected":false},"author":17,"featured_media":265874,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-265872","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n