Perezida w\u2019u Burundi, \u00c9variste Ndayishimiye, yongeye gushinja u Rwanda kuba rufite imigambi mibi ku gihugu cye biciye mu bufasha avuga ko ruha umutwe wa RED-Tabara, ndetse no guteza umutekano muke mu karere.<\/p>\n
Uyu mugabo mu kiganiro yahaye Jeune Afrique, yavuze ko u Burundi bugifata u Rwanda n’umutwe wa AFC\/M23 nk\u2019abateje ikibazo ku mutekano wabwo, nubwo umutwe wa AFC\/M23 umaze amezi ane uvanye ingabo zawo mu mujyi wa Uvira, hafi y\u2019umupaka w\u2019u Burundi.<\/p>\n
Yagize ati: \u201cBiracyari ikibazo gikomeye kuko u Rwanda rushyigikira, rugaha intwaro kandi rugatoza RED-Tabara. Iyo abasirikare b\u2019u Rwanda na M23 begereye umupaka wacu, baba bafatanyije n\u2019uwo mutwe w\u2019iterabwoba utera abaturage bacu.\u201d<\/p>\n
Ndayishimiye yakomeje avuga ko, kuri we, ingabo z\u2019u Rwanda na M23 ari \u201cikintu kimwe\u201d, ndetse ko u Rwanda rufite \u201cimigambi mibi\u201d ku Burundi.<\/p>\n
Yongeyeho ko igihe cyose abasirikare b\u2019u Rwanda n\u2019abarwanyi ba M23 bazaba bari hafi y\u2019umupaka w\u2019u Burundi, igihugu cye kizakomeza kuba maso.<\/p>\n
Ndayishimiye yatangaje ibi mu gihe u Rwanda na rwo rushinja igihugu cye gukorana n’umutwe wa FDLR ugambiriye kuruhungabanyiriza umutekano.<\/p>\n
Ingabo z’u Burundi (FDNB) zimaze igihe zifatanya n’iza Repubulika Iharanira Demokarasi ya Congo (FARDC) ndetse n’abarimo FDLR mu ntambara barwanamo n’umutwe wa AFC\/M23.<\/p>\n
Ndayishimiye ubwo yabazwaga kuri iyo mikoranire yahakanye ayo makuru, ariko amagambo ye agaragaramo kwivuguruza.<\/p>\n
Yavuze ko ingabo z\u2019u Burundi zifite \u201cagace kazwi zikoreramo\u201d kandi ko zidashobora kuvangwa n\u2019iza FARDC kubera ko \u201czidakoresha uburyo bumwe bw\u2019imirwanire”, mu gihe ku rundi ruhande yemeye ko ingabo ze zihabwa amabwiriza n’iza FARDC.<\/p>\n
Uyu mugabo yavuze ko yabwiye Perezida F\u00e9lix Tshisekedi gukora ibishoboka byose kugira ngo hatazagira \u201cugira amakenga\u201d ku mikoranire ishobora kubahuza na FDLR.<\/p>\n
Yanavuze ko nta gihugu na kimwe mu bigize Umuryango wa Afurika y\u2019Iburasirazuba (EAC) gikwiye gushyigikira FDLR, ashimangira ko n\u2019u Burundi bwite budashobora gufasha \u201cabagizi ba nabi batera u Rwanda.\u201d<\/p>\n
Nubwo yavuze ibyo, Ndayishimiye ntiyasobanuye uburyo ingabo z\u2019u Burundi zifatanya n\u2019iza FARDC ku rugamba ariko ngo ntizigire aho zihurira n\u2019umutwe wa FDLR usanzwe ufatanya n\u2019igisirikare cya Congo mu mirwano gihanganyemo na M23.<\/p>\n
Perezida w\u2019u Burundi yavuze kandi ko igisubizo kirambye ku bibazo by\u2019umutekano mu karere ari uko u Rwanda, RDC, u Burundi na Uganda byakwishyira hamwe mu kurwanya imitwe yose yitwaje intwaro ikorera muri Congo.<\/p>\n","protected":false},"excerpt":{"rendered":"
Perezida w\u2019u Burundi, \u00c9variste Ndayishimiye, yongeye gushinja u Rwanda kuba rufite imigambi mibi ku gihugu cye biciye mu bufasha avuga ko ruha umutwe wa RED-Tabara, ndetse no guteza umutekano muke mu karere. Uyu mugabo mu kiganiro yahaye Jeune Afrique, yavuze ko u Burundi bugifata u Rwanda n’umutwe wa AFC\/M23 nk\u2019abateje ikibazo ku mutekano wabwo, nubwo […]<\/p>\n","protected":false},"author":17,"featured_media":266564,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[131],"class_list":["post-266562","post","type-post","status-publish","format-standard","has-post-thumbnail","hentry","category-amakuru-rw","tag-in-slide-rw"],"yoast_head":"\n