Umuhanzi w\u2019icyamamare mu Karere ka Afurika y\u2019Iburasirazuba, Kidum yahakanye amakuru yari amaze iminsi acaracara ku mbuga nkoranyambaga yavugaga ko yitabye Imana nyuma y\u2019impanuka ikomeye yabereye i Nairobi muri Kenya.<\/p>\n
Mu butumwa yashyize ku mbuga nkoranyambaga ze mu ijoro ryo ku wa 14 Gicurasi 2026, Kidum yavuze ko ari muzima kandi ko ayo makuru yaturutse ku kwitiranya amazina n\u2019undi muntu witwa Kidum wakoze impanuka.<\/p>\n
Yagize ati: \u201cNdi muzima rwose. Banyitiranyije n\u2019undi muntu witwa Kidum.\u201d<\/p>\n
N\u2019umujyanama we yahise ahumuriza abakunzi b\u2019uyu muhanzi, avuga ko amakuru yavugaga ko yapfuye ari ibihuha bidafite ishingiro. Yasobanuye ko umuntu wakoze impanuka atari Kidum Kibido uzwi mu muziki, ahubwo ko ari undi muntu bafite amazina asa.<\/p>\n
Uyu muhanzi yavuze ko muri iki gihe ari mu rugendo rw\u2019akazi muri Indonesia.<\/p>\n
Aya makuru yaje nyuma y\u2019uko ku mbuga nkoranyambaga hasakaye amafoto y\u2019imodoka yangiritse bikomeye, abantu benshi bagakeka ko ari iya Kidum.<\/p>\n
Mu minsi ishize, Kidum yari aherutse gukorera igitaramo mu Burundi cyitabiriwe n\u2019abakunzi benshi b\u2019umuziki.<\/p>\n
Mu kiganiro yaherukaga kugirana n\u2019itangazamakuru, Kidum yagarutse ku buzima bugoye yanyuzemo mbere yo kugera ku ntsinzi afite uyu munsi. Yavuze ko yagiye muri Kenya akiri muto nyuma yo kubeshywa ko HCR yajyanaga impunzi i Burayi.<\/p>\n
Agezeyo, yahawe ibyangombwa by\u2019impunzi anoherezwa mu nkambi ya Kakuma iri hafi y\u2019umupaka wa Sudani y\u2019Epfo. Ni muri iyo nkambi yatangiriye urugendo rwe rwa muzika, aho yabonye akazi ko gucuranga ingoma muri orchestre.<\/p>\n
Yavuze ko amafaranga make yakuraga mu muziki yayizigamaga kugeza abashije gukora indirimbo ye ya mbere yise \u201cYaramenje\u201d, yabaye intangiriro y\u2019izina rye mu muziki.<\/p>\n
Kidum yavuze ko icyo gihe byari bigoye kumenyekanisha indirimbo kubera ko ikoranabuhanga ritari ryateye imbere, kuko byasabaga kohereza CD kuri radiyo zo mu Burundi.<\/p>\n
Amahirwe yayabonye ubwo uwari Perezida w\u2019u Burundi, Pierre Buyoya, yagiriraga uruzinduko muri Kenya. Kidum yahise aha CD ye Appolinaire Gahungu wari umuvugizi wa Perezida Buyoya kugira ngo ayigeze ku banyamakuru bo mu Burundi.<\/p>\n
Nyuma y\u2019aho, indirimbo \u201cYaramenje\u201d yarakunzwe cyane, bituma Kidum akomeza gukora izindi ndirimbo zakunzwe zirimo \u201cMapenzi\u201d, \u201cHaturudi Nyuma\u201d na \u201cNitafanya\u201d.<\/p>\n
Mu 2012, Kidum yegukanye igihembo cya Kora Awards nk\u2019umuhanzi mwiza muri Afurika y\u2019Iburasirazuba, ibintu yavuze ko byamubereye ishema rikomeye nyuma y\u2019urugendo rutoroshye yanyuzemo.<\/p>\n
Kugeza ubu, Kidum akomeje kuba umwe mu bahanzi bafite izina rikomeye mu Burundi no mu Karere ka Afurika y\u2019Iburasirazuba.<\/p>\n","protected":false},"excerpt":{"rendered":"
Umuhanzi w\u2019icyamamare mu Karere ka Afurika y\u2019Iburasirazuba, Kidum yahakanye amakuru yari amaze iminsi acaracara ku mbuga nkoranyambaga yavugaga ko yitabye Imana nyuma y\u2019impanuka ikomeye yabereye i Nairobi muri Kenya. Mu butumwa yashyize ku mbuga nkoranyambaga ze mu ijoro ryo ku wa 14 Gicurasi 2026, Kidum yavuze ko ari muzima kandi ko ayo makuru yaturutse ku […]<\/p>\n","protected":false},"author":50,"featured_media":266965,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2,355],"tags":[],"class_list":["post-266964","post","type-post","status-publish","format-standard","has-post-thumbnail","hentry","category-amakuru-rw","category-imyidagaduro-rw"],"yoast_head":"\n