Dr. Kayumba Christopher wahoze ari umwarimu muri Kaminuza y’u Rwanda akanaba umushakashatsi, asanga ingabo z’u Rwanda (RDF) zikwiye guhabwa igihembo cy’amahoro cyitiriwe Nobel aho guhabwa ibihano.<\/p>\n
Iyi mpuguke yahoze yigisha mu Ishuri ry’Itangazamakuru n’Itumanaho rya Kaminuza y’u Rwanda, yabigarutseho mu nyandiko yanyujije mu kinyamakuru The New Times.<\/p>\n
Ni nyuma y’ibihano Leta Zunze Ubumwe za Amerika ku wa 2 Werurwe zafatiye ingabo z’u Rwanda n’abayobozi bakuru bazo, nyuma yo kuzishinja “gutera inkunga umutwe wa AFC\/M23” urwanya ubutegetsi bwa Repububulika Iharanira Demokarasi ya Congo ndetse no “kwica amasezerano ya Washington” u Rwanda rwasinyanye na RDC.<\/p>\n
Dr. Kayumba yagaragaje ko RDF yafatiwe ibihano, mu gihe bisanzwe bifatirwa \u201cimitwe y\u2019iterabwoba cyangwa ingabo zikora ihohoterwa rikomeye ry\u2019uburenganzira bwa muntu\u201d, ashimangira ko ibihano byafatiwe ingabo z’u Rwanda nta kindi bigamije kitari gutesha agaciro izina n\u2019ibyagezweho na zo.<\/p>\n
Yagize ati: “Umuntu wese wize mu buryo butabogamye imitekerereze, ibikorwa n\u2019imyitwarire bya RDF mu myaka 36 ishize, yakwemera ko izi ngabo zikwiye umudali w\u2019icyubahiro ku byo zakoreye u Rwanda, ndetse zikwiye n\u2019Igihembo cy\u2019Amahoro cya Nobel ku ruhare zagize mu mutekano n\u2019amahoro mpuzamahanga.\u201d<\/p>\n
Mu byo Dr. Kayumba ashingiraho avuga ko RDF ikwiye guhembwa aho guhanwa, harimo ruhare rwa RPA\/RDF mu guhagarika Jenoside yakorewe Abatutsi mu 1994 no gutsinda ubutegetsi bwakoraga Jenoside.<\/p>\n
Yavuze ko iyo RPA itaza gutsinda ingabo za Leta yakoze Jenoside, u Rwanda rwari kuba rwarasenyutse burundu.<\/p>\n
Ati: “Igikorwa cya kabiri gikomeye ni uguhagarika Jenoside ubwayo. Byari kugenda bite iyo RPA\/RDF itaza kuyihagarika?\u201d<\/p>\n
Kayumba yavuze kandi ko nyuma ya Jenoside, ingabo zagize uruhare rukomeye mu kongera kubaka igihugu zirimo kuvura abarwayi, gusana ibikorwa remezo no kugarura ubuyobozi mu gihugu cyari cyarashegeshwe n\u2019amateka.<\/p>\n
Yagarutse no ku cyemezo yavuze ko cyafashwe n\u2019ubuyobozi bwa RPA cyo gukumira ibikorwa byo kwihorera nyuma ya Jenoside, avuga ko ari kimwe mu byagaragaje \u201cumurongo ngenderwaho w\u2019imyitwarire\u201d y\u2019izo ngabo.<\/p>\n
Dr Kayumba yavuze ko RDF yagize uruhare rukomeye mu kubaka ubwiyunge bw\u2019Abanyarwanda no gukuraho amacakubiri yari yarubakiwe mu nzego za Leta zirimo n\u2019igisirikare.<\/p>\n
Yibukije ko nyuma ya Jenoside, abasirikare benshi bahoze muri FAR binjijwe mu ngabo nshya z\u2019u Rwanda mu rwego rwo kubaka \u201cigisirikare cy\u2019Abanyarwanda bose.\u201d<\/p>\n
Ku bijyanye n\u2019umutekano wo mu karere, yavuze ko u Rwanda rufite impamvu zifatika zo guhangana n\u2019umutwe w’abajenosideri wa FDLR ukorera muri Repubulika Iharanira Demokarasi ya Congo.<\/p>\n
Ati: “Nta muntu usesengura ibintu mu buryo butabogamye wavuga ko u Rwanda rutari mu kuri mu guhangana na FDLR ikorera ku butaka bwa Congo.\u201d<\/p>\n
Yavuze kandi ko RDF yakomeje kuba \u201cingabo za ntibizongere\u201d, binyuze mu kurinda u Rwanda ibitero by\u2019imitwe yitwaje intwaro no guhangana n\u2019ibibangamira umutekano byaturukaga muri Congo.<\/p>\n
Dr. Kayumba yashimangiye ko RDF itagize uruhare mu mutekano w\u2019u Rwanda gusa, ahubwo yanabaye \u201cigisirikare cya Afurika\u201d binyuze mu butumwa bwo kubungabunga amahoro no gufasha ibihugu byugarijwe n\u2019imitwe y\u2019iterabwoba.<\/p>\n
Yatanze urugero rwa Mozambique na Repubulika ya Centrafrique, aho yavuze ko RDF yafashije mu kugarura umutekano no guhugura ingabo z\u2019ibyo bihugu.<\/p>\n
Yavuze kandi ko u Rwanda ari kimwe mu bihugu bitanga abasirikare benshi mu butumwa bw\u2019Umuryango w\u2019Abibumbye bwo kubungabunga amahoro.<\/p>\n
Kayumba yavuze ko kubera amateka, imyitwarire n\u2019uruhare rwa RDF mu kubungabunga amahoro, \u201cizina n\u2019icyubahiro byayo bidashobora gusibanganywa n\u2019ibihano.\u201d<\/p>\n
Ati: “Iyo ni yo nkuru nyayo ya RDF\u2026 inkuru y\u2019ubutwari, imyumvire isobanutse, indangagaciro, inshingano, ubunyamwuga, kwihangana, gukunda igihugu no kwitanga.\u201d<\/p>\n","protected":false},"excerpt":{"rendered":"
Dr. Kayumba Christopher wahoze ari umwarimu muri Kaminuza y’u Rwanda akanaba umushakashatsi, asanga ingabo z’u Rwanda (RDF) zikwiye guhabwa igihembo cy’amahoro cyitiriwe Nobel aho guhabwa ibihano. Iyi mpuguke yahoze yigisha mu Ishuri ry’Itangazamakuru n’Itumanaho rya Kaminuza y’u Rwanda, yabigarutseho mu nyandiko yanyujije mu kinyamakuru The New Times. Ni nyuma y’ibihano Leta Zunze Ubumwe za Amerika […]<\/p>\n","protected":false},"author":17,"featured_media":267011,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-267010","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n