Umunyarwanda Kabuga F\u00e9licien wari ukurikiranweho kugira uruhare muri Jenoside yakorewe Abatutsi mu 1994, yapfuye kuri uyu wa Gatandatu tariki ya 16 Gicurasi aguye i La Haye mu Buholandi, nyuma y’imyaka itandatu yuzuye neza atawe muri yombi.<\/p>\n
Inkuru y’urupfu rwa Kabuga wari umaze igihe afungiye muri kiriya gihugu yemejwe n\u2019Urwego Mpuzamahanga Rwashyiriweho Gukora Imirimo y\u2019Insigarira y\u2019Inkiko Mpanabyaha (IRMCT).<\/p>\n
Perezida wa IRMCT, Graciela Gatti Santana, yategetse ko hakorwa iperereza kugira ngo hamenyekane amakuru y\u2019ukuri ku cyateye urupfu rwa Kabuga, ashyiraho umucamanza Alphons Orie kugira ngo ariyobore.<\/p>\n
Kabuga yapfuye nyuma y\u2019igihe kinini ubuzima bwe bwarazahaye, aho abamwunganira n\u2019abaganga bagiye bagaragaza ko afite ikibazo gikomeye cyo guta ubwenge ndetse n\u2019izabukuru zituma atabasha gukurikiranwa mu buryo busanzwe.<\/p>\n
Kabuga yari yaratawe muri yombi ku wa 16 Gicurasi 2020, ubwo yafatirwaga i Asni\u00e8res-sur-Seine hafi y’umujyi wa Paris mu Bufaransa, nyuma y\u2019imyaka isaga 25 ashakishwa n\u2019ubutabera mpuzamahanga.<\/p>\n
Yaje koherezwa i La Haye kugira ngo aburanishwe n\u2019Urwego Mpuzamahanga rwasigariyeho Inkiko Mpanabyaha.<\/p>\n
Yari umwe mu bantu bashinjwaga uruhare rukomeye muri Jenoside yakorewe Abatutsi mu 1994, aho ubushinjacyaha bwamuregaga gutera inkunga no gufasha mu gutegura no gushyira mu bikorwa Jenoside.<\/p>\n
Mu byo yashinjwaga harimo kuba yarateye inkunga Radio T\u00e9l\u00e9vision Libre des Mille Collines (RTLM), radiyo yakoreshejwe mu gukwirakwiza urwango no gushishikariza Abahutu kwica Abatutsi.<\/p>\n
Kabuga kandi yashinjwaga kugira uruhare mu gutumiza no gukwirakwiza imihoro n\u2019izindi ntwaro zakoreshejwe mu bwicanyi bwahitanye Abatutsi barenga miliyoni mu minsi 100 ya Jenoside.<\/p>\n
Ubushinjacyaha bwavugaga ko yakoranye bya hafi n\u2019abari abayobozi bakomeye muri Leta yakoze Jenoside ndetse n\u2019imitwe y\u2019Interahamwe, mu gutera inkunga ibikorwa byo kwica no gutegura ubwicanyi mu gihugu hose.<\/p>\n
Nubwo urubanza rwe rwatangiye mu 2022, rwaje guhagarikwa nyuma y\u2019aho abaganga bigenga bagaragaje ko ubuzima bwe bwo mu mutwe butamwemerera gukomeza kuburana.<\/p>\n
Mu myaka yari amaze ashakishwa, Kabuga yari yarashyiriweho ibihembo n\u2019inzego mpuzamahanga kugira ngo afatwe, ndetse afatwa nk\u2019umwe mu bakekwagaho Jenoside bari bamaze igihe kinini bihisha ubutabera.<\/p>\n","protected":false},"excerpt":{"rendered":"
Umunyarwanda Kabuga F\u00e9licien wari ukurikiranweho kugira uruhare muri Jenoside yakorewe Abatutsi mu 1994, yapfuye kuri uyu wa Gatandatu tariki ya 16 Gicurasi aguye i La Haye mu Buholandi, nyuma y’imyaka itandatu yuzuye neza atawe muri yombi. Inkuru y’urupfu rwa Kabuga wari umaze igihe afungiye muri kiriya gihugu yemejwe n\u2019Urwego Mpuzamahanga Rwashyiriweho Gukora Imirimo y\u2019Insigarira y\u2019Inkiko […]<\/p>\n","protected":false},"author":17,"featured_media":267035,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[131],"class_list":["post-267034","post","type-post","status-publish","format-standard","has-post-thumbnail","hentry","category-amakuru-rw","tag-in-slide-rw"],"yoast_head":"\n