Umushoferi utwara ikamyo ukomoka muri Tanzania, yashimye Ingabo z\u2019u Rwanda (RDF) avuga ko zagaragaje ubunyamwuga, urugwiro n\u2019ubufasha bwihuse ubwo yari yagiriye ikibazo cy\u2019imodoka mu ishyamba rya Nyungwe mu ijoro.<\/p>\n
Uyu mushoferi witwa Msomi mu kiganiro yagiranye n’igitangazamakuru cya Bongo 24 cy’iwabo, yavuze ko u Rwanda ari igihugu gifite umutekano udasanzwe, ku buryo imodoka ishobora kugupfira mu muhanda ukayisiga aho iri maze ukagaruka ugasanga nta cyangiritse cyangwa ngo hagire ikiyibwaho.<\/p>\n
Yavuze ko ubwo yari avuye i Bukavu muri Repubulika Iharanira Demokarasi ya Congo, aho yari yajyanye umuzigo, imodoka ye yapfiriye rwagati mu ishyamba rya Nyungwe ari kumwe na mugenzi we, kandi byari nijoro.<\/p>\n
Ati: \u201cTwari turimo gutekereza icyo tugiye gukora, tubona abasirikare baraje. Mu by\u2019ukuri twagize ubwoba dutekereza ko ibintu bigiye kuba bibi kurushaho. Baraje barambwira bati \u2018Manuka gwino.\u2019 Namanutse mfite ubwoba, ariko bansuhuza mu Giswahili batangira kutubaza ikibazo twari twagize.\u201d<\/p>\n
Msomi yavuze ko abo basirikare bamubwiye kudahangayika, bamwe bakagenda hagasigara abandi babiri baganiriye na bo kugira ngo bumve neza ikibazo bari bagize.<\/p>\n
Yakomeje avuga ko nyuma y\u2019igihe gito abasirikare bamusabye kujyana na bo, ariko akibaza niba bakwiye gusiga imodoka aho yari yapfiriye.<\/p>\n
Ati: \u201cNarababajije nti \u2018turagenda dusige imodoka yonyine?\u2019 Baransubiza bati: \u2018nta kibazo, imodoka ntacyo iba.\u2019\u201d<\/p>\n
Uyu mushoferi yavuze ko yajyanywe aho abo basirikare bacumbikaga, bakamwakirana urugwiro ndetse we na mugenzi we bari kumwe bakabaha izimano.<\/p>\n
Ati: \u201cBatwakiriye neza cyane. Batuzimaniye inyama z\u2019inkoko… Tumaze kurya, baratubwiye bati: \u2018murare hano, muzagenda ejo.\u2019\u201d<\/p>\n
Msomi yavuze ko bukeye bwaho umukanishi yaje gukora imodoka yabo maze bakomeza urugendo, agashimira cyane abo basirikare ku bufasha n\u2019ubugwaneza babagaragarije.<\/p>\n
Yasoje avuga ko atigeze ahura n\u2019abasirikare bicisha bugufi kandi basabana neza n\u2019abaturage nk\u2019ab’u Rwanda.<\/p>\n
Ati: \u201cSinari narigeze mbona abasirikare baca bugufi kandi bagaragaza urugwiro nk\u2019abo mu Rwanda. Bafata abantu neza kandi nta kibazo bagira ku bantu.\u201d<\/p>\n","protected":false},"excerpt":{"rendered":"
Umushoferi utwara ikamyo ukomoka muri Tanzania, yashimye Ingabo z\u2019u Rwanda (RDF) avuga ko zagaragaje ubunyamwuga, urugwiro n\u2019ubufasha bwihuse ubwo yari yagiriye ikibazo cy\u2019imodoka mu ishyamba rya Nyungwe mu ijoro. Uyu mushoferi witwa Msomi mu kiganiro yagiranye n’igitangazamakuru cya Bongo 24 cy’iwabo, yavuze ko u Rwanda ari igihugu gifite umutekano udasanzwe, ku buryo imodoka ishobora kugupfira […]<\/p>\n","protected":false},"author":17,"featured_media":267187,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-267186","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n