Urwego rw\u2019Igihugu rw\u2019Imiyoborere, RGB, rwafashe icyemezo cyo gukuraho inzego z\u2019ubuyobozi bw\u2019Itorero \u00c9glise Inkuru-Nziza au Rwanda (EIR), nyuma y\u2019ibibazo bimaze igihe bivugwa birimo kutubahiriza amategeko, icyenewabo ndetse n\u2019imiyoborere idaha abanyamuryango uruhare mu byemezo.<\/p>\n
Iki cyemezo gikubiye mu ibaruwa yo ku wa 21 Gicurasi 2026 yashyizweho umukono n\u2019Umuyobozi Mukuru wa RGB, Doris Uwicyeza Picard. Muri iyo baruwa, RGB yatangaje ko Komite Nyobozi n\u2019Urwego Nkemurampaka by\u2019iri torero byakuweho, hashyirwaho ubuyobozi bw\u2019inzibacyuho buzamara amezi atandatu mbere y\u2019uko hategurwa amatora mashya.<\/p>\n
Ibi bibaye nyuma y\u2019impungenge zatanzwe n\u2019abashumba bamwe bo muri iri torero ndetse na raporo zinyuranye zagaragaje imikorere inyuranyije n\u2019amategeko. Mu byo RGB yashingiyeho harimo icyemezo cyafashwe n\u2019Inteko Rusange muri Mutarama 2025 cyo kongerera manda Komite Nyobozi indi myaka itatu nta matora akozwe, ibintu byavuzwe ko binyuranyije n\u2019amategeko agenga imiryango ishingiye ku myemerere.<\/p>\n
Raporo zagejejwe kuri RGB zanagaragaje ibibazo birimo kwimakaza icyenewabo, ikimenyane no kudakoresha uburyo buboneye mu itangwa ry\u2019inshingano. Hari kandi abavuze ko abanyamuryango batagiraga uruhare rugaragara mu byemezo bifatwaga n\u2019ubuyobozi bw\u2019itorero.<\/p>\n
Mu bindi byagarutsweho, RGB yavuze ko Umuvugizi w\u2019Itorero, Pasiteri Ngendahayo Juvenal, atujuje ibisabwa n\u2019itegeko rijyanye n\u2019impamyabumenyi n\u2019ubumenyi busabwa abayobozi b\u2019imiryango ishingiye ku myemerere.<\/p>\n
Urwego Nkemurampaka rw\u2019itorero narwo rwanenzwe kuba rwarananiwe gukemura amakimbirane no gukumira ibibazo byakomeje kuvugwa muri iri torero.<\/p>\n
RGB yatangaje ko ubuyobozi bw\u2019inzibacyuho bwashyizweho buzafasha gusubiza ituze n\u2019imikorere ishingiye ku mucyo muri EIR, ndetse bukazategura amatora mashya azakorwa mu buryo bwubahiriza amategeko n\u2019amahame y\u2019imiyoborere myiza.<\/p>\n","protected":false},"excerpt":{"rendered":"
Urwego rw\u2019Igihugu rw\u2019Imiyoborere, RGB, rwafashe icyemezo cyo gukuraho inzego z\u2019ubuyobozi bw\u2019Itorero \u00c9glise Inkuru-Nziza au Rwanda (EIR), nyuma y\u2019ibibazo bimaze igihe bivugwa birimo kutubahiriza amategeko, icyenewabo ndetse n\u2019imiyoborere idaha abanyamuryango uruhare mu byemezo. Iki cyemezo gikubiye mu ibaruwa yo ku wa 21 Gicurasi 2026 yashyizweho umukono n\u2019Umuyobozi Mukuru wa RGB, Doris Uwicyeza Picard. Muri iyo baruwa, […]<\/p>\n","protected":false},"author":50,"featured_media":267635,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2,371],"tags":[],"class_list":["post-267634","post","type-post","status-publish","format-standard","has-post-thumbnail","hentry","category-amakuru-rw","category-iyobokamana-rw"],"yoast_head":"\n