U Burusiya bwatangaje ko bugiye kugaba ibitero bukomeje kwita \u201cibitero byateguwe kandi bikurikirana\u201d ku bikorwa bya gisirikare n\u2019inganda zikora intwaro muri Kyiv, umurwa mukuru wa Ukraine, bunasaba abanyamahanga bose kuhava byihuse.<\/p>\n
Ibi byatangajwe na Minisiteri y\u2019Ingabo y\u2019u Burusiya ku wa 25 Gicurasi 2026, ivuga ko ibyo bitero ari igisubizo ku gitero cya drones Ukraine yagabye mu cyumweru gishize mu gace ka Starobilsk gaherereye muri Luhansk igenzurwa n\u2019u Burusiya, cyahitanye nibura abantu 18.<\/p>\n
Moscou yavuze ko Ukraine imaze kongera ubushobozi bwayo mu ntambara ikoresha drones, cyane cyane mu kugaba ibitero ku bikorwaremezo by\u2019ingufu n\u2019ibindi bikorwa by\u2019u Burusiya. U Burusiya bwo bukomeje kwita ibyo bitero \u201citerabwoba\u201d, bukabisubizanya ibisasu bya missiles na drones.<\/p>\n
Mu itangazo ryasohowe na Minisiteri y\u2019Ububanyi n\u2019Amahanga y\u2019u Burusiya, yavuze ko igitero cya Starobilsk cyabaye \u201cigitonyanga cya nyuma\u201d, bityo ko igihugu kigiye gutangiza ibitero bikomeye bizibasira ahakorerwa drones, aho n\u2019aho zitegurirwa gukoreshwa.<\/p>\n
Iryo tangazo ryavuze ko ibyo bikorwa \u201cbiri muri Kyiv hose\u201d, ari yo mpamvu abanyamahanga, harimo abadipolomate n\u2019abakora mu miryango mpuzamahanga, basabwe guhita bava muri uwo mujyi.<\/p>\n
U Burusiya kandi bwasabye abaturage ba Kyiv kwirinda kwegera ibikorwa bya gisirikare n\u2019ibiro bya Leta kuko bishobora kugabwaho ibitero.<\/p>\n
Nyuma y\u2019aho, Minisitiri w\u2019Ububanyi n\u2019Amahanga w\u2019u Burusiya, Sergei Lavrov, yatangaje ko yagiranye ikiganiro kuri telefone na Marco Rubio, Umunyamabanga wa Leta ya Amerika, amusaba gukura abakozi ba Ambasade ya Amerika muri Kyiv mbere y\u2019ibi bitero.<\/p>\n
Lavrov yavuze ko ibyo bikorwa by\u2019u Burusiya ari igisubizo ku \u201cbitero by\u2019iterabwoba bya Kyiv bikomeje kwibasira abaturage n\u2019ibikorwa by\u2019abasivili ku butaka bw\u2019u Burusiya.\u201d<\/p>\n
Ukraine yahakanye ibyo birego, ivuga ko itigeze igaba igitero ku icumbi ry\u2019abanyeshuri ryavuzwe i Starobilsk, ahubwo ko yari yibasiye umutwe wihariye w\u2019abakoresha drones.<\/p>\n
Minisitiri w\u2019Ububanyi n\u2019Amahanga wa Ukraine, Andrii Sybiha, yasabye ibihugu bifatanyije na Ukraine kutagwa mu mutego w\u2019\u201citerabwoba n\u2019igitutu cy\u2019u Burusiya.\u201d<\/p>\n
Nubwo bimeze bityo, u Burusiya bumaze iminsi bugaba ibitero bikomeye kuri Kyiv no mu nkengero zayo. Mu mpera z\u2019icyumweru gishize, abantu nibura bane bishwe naho abarenga 60 barakomereka mu bitero by\u2019amasasu na drones.<\/p>\n
Ku Cyumweru, Moscou yanemeje ko yakoresheje missile ya hypersonic yitwa Oreshnik, ishobora no gutwara intwaro za nucl\u00e9aire. Ni ubwa gatatu iyo missile ikoreshwa kuva intambara yatangira imyaka ine ishize.<\/p>\n
Mu burasirazuba bwa Ukraine, cyane cyane mu duce twa Kharkiv na Donetsk, abayobozi ba Ukraine batangaje ko hari abandi bantu bishwe n\u2019ibitero by\u2019u Burusiya ku wa Mbere.<\/p>\n
Perezida wa Ukraine, Volodymyr Zelenskyy, aherutse kuvuga ko ibitero igihugu cye kigaba ku nganda za peteroli n\u2019iza gisirikare z\u2019u Burusiya \u201cbifite ishingiro ryuzuye\u201d, nyuma y\u2019uko igitero cy\u2019u Burusiya gisize abantu 24 bapfiriye mu nyubako y\u2019amagorofa i Kyiv.<\/p>\n","protected":false},"excerpt":{"rendered":"
U Burusiya bwatangaje ko bugiye kugaba ibitero bukomeje kwita \u201cibitero byateguwe kandi bikurikirana\u201d ku bikorwa bya gisirikare n\u2019inganda zikora intwaro muri Kyiv, umurwa mukuru wa Ukraine, bunasaba abanyamahanga bose kuhava byihuse. Ibi byatangajwe na Minisiteri y\u2019Ingabo y\u2019u Burusiya ku wa 25 Gicurasi 2026, ivuga ko ibyo bitero ari igisubizo ku gitero cya drones Ukraine yagabye […]<\/p>\n","protected":false},"author":50,"featured_media":267673,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2,401],"tags":[],"class_list":["post-267672","post","type-post","status-publish","format-standard","has-post-thumbnail","hentry","category-amakuru-rw","category-politiki-rw"],"yoast_head":"\n