U Rwanda rwashyize umukono ku masezerano mashya y\u2019ubufatanye n\u2019u Burusiya mu rwego rw\u2019ikoranabuhanga rya nuclear, intambwe ifatwa nk\u2019iy\u2019ingenzi mu rugendo rwo guteza imbere ubushakashatsi, ubuvuzi n\u2019ikoranabuhanga rigezweho mu gihugu.<\/p>\n
Aya masezerano yasinywe ku wa 19 Gicurasi 2026 mu nama mpuzamahanga yiga ku guhanga udushya mu bijyanye n\u2019ingufu za nuclear yabereye i Kigali. Arimo ubufatanye mu buvuzi bukoresha ikoranabuhanga rya nuclear, amahugurwa y\u2019abanyeshuri n\u2019abahanga, ndetse n\u2019ubushakashatsi bushobora kuvamo ikigo cyihariye cya siyansi n\u2019ikoranabuhanga rya nuclear.<\/p>\n
Umuvugizi wa Guverinoma y\u2019u Rwanda, Yolande Makolo, yavuze ko igihugu kiri gukora inyigo zizatuma hashyirwaho ikigo cya siyansi n\u2019ikoranabuhanga rya nuclear ndetse n\u2019umushinga w\u2019inganda nto zikoresha ikoranabuhanga rya Small Modular Reactors (SMRs).<\/p>\n
Yagaragaje kandi ko u Rwanda rutishingikiriza ku gihugu kimwe gusa, kuko rwashyize umukono no ku masezerano y\u2019ubufatanye mu rwego rwa nuclear na Leta Zunze Ubumwe za Amerika, ndetse n\u2019ibigo byo muri Afurika y\u2019Epfo na Autriche.<\/p>\n
Mu rwego rwo gutegura ejo hazaza, bamwe mu banyeshuri b\u2019Abanyarwanda bamaze koherezwa mu Burusiya kwiga ibijyanye n\u2019ubwubatsi n\u2019imikorere y\u2019ikoranabuhanga rya nuclear, hagamijwe kubaka ubushobozi bw\u2019abahanga b\u2019Abanyarwanda bazayobora uyu mushinga mu myaka iri imbere.<\/p>\n
Abasesenguzi bavuga ko aya masezerano agaragaza uburyo ibihugu bya Afurika bikomeje kwagura imikoranire yabyo n\u2019ibihugu bitandukanye, aho bitakishingikiriza gusa ku bihugu byo mu Burengerazuba bw\u2019Isi.<\/p>\n
Prof. Macharia Munene, impuguke mu bya dipolomasi, avuga ko ibihugu byinshi bya Afurika biri kubona u Burusiya nk\u2019umufatanyabikorwa utanga amahugurwa n\u2019ishoramari adashyiraho ibisabwa byinshi bya politiki.<\/p>\n
Mu gihe u Bushinwa, Amerika n\u2019ibihugu by\u2019i Burayi bikomeje guhatanira ijambo muri Afurika, u Rwanda rwo rukomeje politiki yo gukorana n\u2019impande zose hagamijwe kugera ku nyungu zarwo z\u2019iterambere.<\/p>\n
Nubwo ibikorwa bya nuclear bisaba imyaka myinshi n\u2019ishoramari rinini mbere yo gutangira gutanga umusaruro, abahanga bavuga ko kuba igihugu gitangiye gutegura ibikorwa nk\u2019ibi ari ikimenyetso cy\u2019icyerekezo cyacyo mu rwego rwa siyansi n\u2019ikoranabuhanga.<\/p>\n
Mu Rwanda, ibikorwa bya nuclear biteganyijwe kuzafasha cyane cyane mu buvuzi bw\u2019indwara zitandukanye, mu bushakashatsi bwa siyansi no mu guhugura abahanga bashya.<\/p>\n
Aya masezerano ahurirana n\u2019icyerekezo cya Leta cyo kubaka ubukungu bushingiye ku bumenyi n\u2019ikoranabuhanga. Guverinoma ivuga ko gukorana n\u2019ibihugu bitandukanye bizafasha u Rwanda kwihutisha iterambere no kuba igicumbi cy\u2019ubushakashatsi n\u2019udushya mu Karere ka Afurika y\u2019Iburasirazuba.<\/p>\n","protected":false},"excerpt":{"rendered":"
U Rwanda rwashyize umukono ku masezerano mashya y\u2019ubufatanye n\u2019u Burusiya mu rwego rw\u2019ikoranabuhanga rya nuclear, intambwe ifatwa nk\u2019iy\u2019ingenzi mu rugendo rwo guteza imbere ubushakashatsi, ubuvuzi n\u2019ikoranabuhanga rigezweho mu gihugu. Aya masezerano yasinywe ku wa 19 Gicurasi 2026 mu nama mpuzamahanga yiga ku guhanga udushya mu bijyanye n\u2019ingufu za nuclear yabereye i Kigali. Arimo ubufatanye mu […]<\/p>\n","protected":false},"author":50,"featured_media":267998,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2,401],"tags":[],"class_list":["post-267995","post","type-post","status-publish","format-standard","has-post-thumbnail","hentry","category-amakuru-rw","category-politiki-rw"],"yoast_head":"\n