Nibura abantu 19 bamaze kwitaba Imana nyuma y\u2019umutingito ukomeye wari ku gipimo cya 7.8 wibasiye agace kari hafi y\u2019ikirwa cya Mindanao mu majyepfo ya Philippines mu gitondo cyo ku wa Mbere.<\/p>\n
Uyu mutingito wabaye saa moya n\u2019iminota 37 ku isaha yo muri Philippines, utera impungenge zikomeye ndetse utuma hatangwa impuruza za tsunami mu bihugu birimo Indonesia, u Buyapani na Australia. Nubwo zimwe muri izo mpuruza zaje gukurwaho nyuma y\u2019amasaha make, abaturage benshi bahise bimurwa mu rwego rwo kwirinda ibiza.<\/p>\n
Amashusho yakwirakwiye ku mbuga nkoranyambaga yagaragaje inyubako nyinshi zangiritse, zirimo resitora ya Jollibee yasenyutse burundu nyuma yo kugwirwa n\u2019umutingito.<\/p>\n
Raporo z\u2019ibanze zigaragaza ko abantu barenga 134 bakomerekeye muri uyu mutingito mu ntara zitandukanye zirimo South Cotabato, Sultan Kudarat, Sarangani ndetse no mu mujyi wa General Santos uri hafi y\u2019aho umutingito watangiriye.<\/p>\n
Perezida wa Philippines, Ferdinand Marcos Jr., yatangaje ko inzego zose zishinzwe ubutabazi ziri gukorana kugira ngo zifashe abaturage bagizweho ingaruka n\u2019iki kibazo. Yavuze ko Leta itazatererana abaturage bo mu gace ka Mindanao kandi ko ibikorwa by\u2019ubutabazi biri gukorwa byihuse.<\/p>\n
Kubera ubukana bw\u2019uyu mutingito, amashuri yo mu duce twibasiwe yahise ahagarikwa. Ibi byabaye ku munsi wa mbere w\u2019itangira ry\u2019umwaka w\u2019amashuri muri Philippines.<\/p>\n
Abashinzwe ubumenyi bw\u2019isi batangaje ko nyuma y\u2019umutingito wa mbere habayeho ibindi bitigiri birenga 130 byakomeje kunyeganyeza ubutaka, bimwe bifite ubukana bugera kuri 6.7.<\/p>\n
Mu ntara ya Sarangani, ibikorwa by\u2019itumanaho n\u2019amashanyarazi byabanje guhagarara, ariko nyuma serivisi zongera gusubukurwa.<\/p>\n
Philippines ni kimwe mu bihugu bikunze kwibasirwa n\u2019imitingito kubera ko giherereye mu gice kizwi nka “Ring of Fire”, aho ibikorwa by\u2019imitingito n\u2019ibirunga bikunze kuba byinshi ku Isi. Mu mwaka ushize, undi mutingito wari ku gipimo cya 6.9 wahitanye abantu barenga 70 muri iki gihugu.<\/p>\n
Kugeza ubu ibikorwa byo gushakisha no gutabara abakiri munsi y\u2019ibisigazwa by\u2019inyubako birakomeje, mu gihe ubuyobozi bukomeje gusaba abaturage gukomeza kwitonda no gukurikiza amabwiriza y\u2019inzego z\u2019umutekano.<\/p>\n","protected":false},"excerpt":{"rendered":"
Nibura abantu 19 bamaze kwitaba Imana nyuma y\u2019umutingito ukomeye wari ku gipimo cya 7.8 wibasiye agace kari hafi y\u2019ikirwa cya Mindanao mu majyepfo ya Philippines mu gitondo cyo ku wa Mbere. Uyu mutingito wabaye saa moya n\u2019iminota 37 ku isaha yo muri Philippines, utera impungenge zikomeye ndetse utuma hatangwa impuruza za tsunami mu bihugu birimo […]<\/p>\n","protected":false},"author":50,"featured_media":268701,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-268700","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n