Ku wa Mbere tariki ya 8 Kamena 2026, i Lom\u00e9 muri Togo habereye inama yo ku rwego rwo hejuru yayobowe na Perezida wa kiriya, Faure Essozimna Gnassingb\u00e9, mu rwego rwo kurebera hamwe intambwe zimaze guterwa kugira ngo amahoro mu burasirazuba bwa Repububulika Iharanira Demokarasi ya Congo aboneke.<\/p>\n
Iyi nama yahuje abahuza bashyizweho n\u2019Umuryango wa Afurika Yunze Ubumwe (AU), abahagarariye imiryango irimo AU, uw’Abibumbye, uwa Afurika y\u2019Iburasirazuba (EAC), uw’Ubukungu bw’Ibihugu byo muri Afurika yo Hagati (ECCAS), uw’Iterambere ry’Ibihugu byo muri Afurika y’Amajyepfo (SADC), Inama Mpuzamahanga y\u2019Akarere k\u2019Ibiyaga Bigari (ICGLR) ndetse na Komite Mpuzamahanga ya Croix-Rouge (ICRC).<\/p>\n
Aba bose basuzumye ibikorwa byakozwe mu mezi atandatu ashize, banarebera hamwe icyakorwa kugira ngo inzira y\u2019amahoro irusheho gutera imbere.<\/p>\n
Perezidansi ya Togo yatangaje ko iriya nama yashimye intambwe imaze guterwa mu guhuza no gutunganya uburyo ubuhuza bwa Afurika bukoramo.<\/p>\n
Perezida Faure Gnassingb\u00e9 yavuze ko kuva muri Mutarama 2026 hari byinshi byakozwe mu gushyiraho gahunda no kunoza imiterere y\u2019ubuhuza, ibintu byafashije kongera imikoranire hagati y\u2019abafatanyabikorwa batandukanye.<\/p>\n
Yavuze ko kandi habayeho gutera intambwe mu gushimangira uruhare rwa Afurika mu gushaka ibisubizo by\u2019ibibazo byo mu Karere k\u2019Ibiyaga Bigari, ndetse no mu guhuza ibikorwa byari bimaze igihe bikorwa mu buryo butatanye.<\/p>\n
Icyakora n’ubwo ibyo byagezweho, ibiganiro byabereye i Lom\u00e9 byagaragaje ko urugendo rugana ku mahoro arambye rukiri rurerure.<\/p>\n
Imbogamizi ya mbere yagarutsweho ni uko hakiri ikibazo cyo guhuza neza inzira zitandukanye z\u2019ubuhuza.<\/p>\n
Mu myaka yashize, ikibazo cya RDC cyagiye gikurikiranwa n\u2019inzira nyinshi z’ibiganiro birimo ibya Luanda, ibya Nairobi, ibya Doha n’ibya Washington.<\/p>\n
Nubwo hari intambwe zimaze guterwa mu mu guhuza izi nzira z’ibiganiro, inama yagaragaje ko hakenewe imbaraga nyinshi kugira ngo izo gahunda zose zikore zifite icyerekezo kimwe.<\/p>\n
Ikindi kibazo cyagaragajwe ni icy\u2019icyizere gike hagati y\u2019impande zifitanye amakimbirane.<\/p>\n
Abitabiriye inama bavuze ko kubaka no gusubiza icyizere hagati y\u2019abarebwa n\u2019iki kibazo bikiri kimwe mu bintu by\u2019ingenzi bizagena niba inzira y\u2019amahoro izatanga umusaruro cyangwa itazawutanga.<\/p>\n
Inama yanagaragaje ko ikindi kibazo gikomeye gihari ari ikijyanye no gushyira mu bikorwa imyanzuro n\u2019amasezerano agenda afatwa.<\/p>\n
Mu rwego rwo kubikemura, hafashwe icyemezo cyo gutegura mu minsi 15 iri imbere gahunda y\u2019ibikorwa izagaragaza uburyo imyanzuro yafashwe izashyirwa mu bikorwa ndetse n\u2019inshingano za buri ruhande.<\/p>\n
Abitabiriye iyi nama banashimangiye ko hakenewe kongera ihuzabikorwa hagati y\u2019Ibiro by\u2019Umuhuza wa AU, Akanama k\u2019Abahuza, Komisiyo ya AU n\u2019izindi nzego bireba, kugira ngo ibikorwa by\u2019amahoro birusheho gutanga umusaruro.<\/p>\n
Perezida Gnassingb\u00e9 yavuze ko n’ubwo hari imbogamizi zikigaragara, hakiri icyizere cyo kugera ku mahoro kubera ubushake buri kugaragazwa n\u2019impande zitandukanye ndetse n\u2019abafatanyabikorwa mpuzamahanga.<\/p>\n
Yashimangiye ko ubutumwa yahawe na Afurika Yunze Ubumwe buzakomeza gukorwa “mu kwicisha bugufi, ubudacogora n\u2019ubushake”, mu gihe hashakishwa ibisubizo birambye byagarura amahoro n\u2019umutekano mu Burasirazuba bwa RDC no mu Karere k\u2019Ibiyaga Bigari.<\/p>\n
Iyi nama y\u2019i Lom\u00e9 yagaragaje ko nubwo ubuhuza bwa Afurika bumaze gutera intambwe ishimishije mu kwiyubaka no kwihuza, ikibazo nyamukuru gisigaye ari uko izo mbaraga zahinduka ibikorwa bifatika ku rw\u2019ubutaka, aho umutekano n\u2019amahoro bikigoye kugerwaho mu buryo busesuye.<\/p>\n","protected":false},"excerpt":{"rendered":"
Ku wa Mbere tariki ya 8 Kamena 2026, i Lom\u00e9 muri Togo habereye inama yo ku rwego rwo hejuru yayobowe na Perezida wa kiriya, Faure Essozimna Gnassingb\u00e9, mu rwego rwo kurebera hamwe intambwe zimaze guterwa kugira ngo amahoro mu burasirazuba bwa Repububulika Iharanira Demokarasi ya Congo aboneke. Iyi nama yahuje abahuza bashyizweho n\u2019Umuryango wa Afurika […]<\/p>\n","protected":false},"author":17,"featured_media":268746,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-268745","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n