Umunyapolitiki utavuga rumwe n\u2019ubutegetsi bwa Repubulika Iharanira Demokarasi ya Congo, Seth Kikuni, yavuze ko Perezida F\u00e9lix Tshisekedi ari we nyirabayazana w\u2019ibibazo by\u2019umutekano igihugu kirimo, anavuga ko umutwe wa AFC\/M23 utagomba gufatwa nk\u2019umutwe w\u2019iterabwoba.<\/p>\n
Ibi Kikuni yabivugiye mu kiganiro cya Space cyabereye ku rubuga rwa X, cyari cyateguwe n\u2019umunyamakuru Stanis Bujakera.<\/p>\n
Agaruka ku bibazo by\u2019umutekano muke bimaze imyaka myinshi mu Burasirazuba bwa RDC, Kikuni yavuze ko adashobora kubaza Perezida Paul Kagame ibijyanye n\u2019ibibazo bya Congo, ahubwo ko ibisobanuro byose bikwiye gutangwa na Tshisekedi.<\/p>\n
Yagize ati: \u201cNi Tshisekedi wateje aka kavuyo kose. Njye sindi Umunyarwanda ngo njye kugira ibyo mbaza Paul Kagame. Njye ikibazo nshobora kukibaza F\u00e9lix Tshisekedi gusa. Twageze kuri ibi dute? Agomba kubidusobanurira.\u201d<\/p>\n
Kikuni yavuze ko mbere y\u2019uko M23 yongera gufata intwaro, bamwe mu bayigize bari bararekuwe cyangwa bagahabwa imbabazi ku byemezo byafashwe ku butegetsi bwa Tshisekedi.<\/p>\n
Yanibukije ko abarwanyi ba M23 bamaze amezi 14 bacumbikiwe i Kinshasa nyuma yo kuva muri Uganda, yibaza uwabibemereye.<\/p>\n
Ati: \u201cNi nde wabarekuye binyuze mu iteka rya Perezida? Ese ni Kabila cyangwa ni Tshisekedi? M23 yari icumbikiwe muri Uganda, ni nde wayicumbikiye amezi 14 i Kinshasa? Ese ni Kabila cyangwa ni Tshisekedi?\u201d<\/p>\n
Uyu munyapolitiki yanavuze ko ubwo Tshisekedi yageraga ku butegetsi mu 2019, icyamurangaga cyane cyari ugushaka kugabanya ijambo rya Joseph Kabila.<\/p>\n
Avuga ko muri urwo rugendo yashatse ubufatanye n\u2019abo yabonaga nk\u2019abarwanya Kabila.<\/p>\n
Ati: \u201cTshisekedi yagiranye amasezerano n\u2019abantu bose yabonaga nk\u2019abanzi ba Kabila. Harimo M23 ndetse na Kagame. Yasohoye RDC hafi muri SADC ayijyana muri EAC, kuko kuri we SADC yari iya Kabila.\u201d<\/p>\n
Kikuni kandi yahakanye imvugo ikoreshwa n\u2019ubutegetsi bwa Tshisekedi ivuga ko AFC\/M23 ari umutwe w\u2019iterabwoba, ati: \u201cAFC\/M23 si umutwe w\u2019iterabwoba. Umutwe w\u2019iterabwoba ntigarurira ibice by\u2019igihugu, nturwana n\u2019ingabo za leta imyaka myinshi kandi ngo ujye mu biganiro na Guverinoma. AFC\/M23 ni umutwe w\u2019abarwanya ubutegetsi bitwaje intwaro.\u201d<\/p>\n
Kikuni yanakomoje ku miyoborere ya Tshisekedi, amugaragaza nka Perezida w’umunyantege nke byanga bikunze uzaneshwa.<\/p>\n
Ati: \u201cF\u00e9lix Tshisekedi ni Perezida udafite imbaraga, ubaho mu bwoba buhoraho. Ni umuntu urangwa no gukeka buri wese. Tuzamunesha kandi tuzakuraho ubu butegetsi bw\u2019igitugu.\u201d<\/p>\n","protected":false},"excerpt":{"rendered":"
Umunyapolitiki utavuga rumwe n\u2019ubutegetsi bwa Repubulika Iharanira Demokarasi ya Congo, Seth Kikuni, yavuze ko Perezida F\u00e9lix Tshisekedi ari we nyirabayazana w\u2019ibibazo by\u2019umutekano igihugu kirimo, anavuga ko umutwe wa AFC\/M23 utagomba gufatwa nk\u2019umutwe w\u2019iterabwoba. Ibi Kikuni yabivugiye mu kiganiro cya Space cyabereye ku rubuga rwa X, cyari cyateguwe n\u2019umunyamakuru Stanis Bujakera. Agaruka ku bibazo by\u2019umutekano muke […]<\/p>\n","protected":false},"author":17,"featured_media":269305,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-269304","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n