Abepiskopi bagize Inama y\u2019Abepisikopi Gatolika muri Repubulika Iharanira Demokarasi ya Congo (CENCO), bagaragaje ko badashyigikiye umugambi wa Perezida F\u00e9lix Antoine Tshisekedi wo guhindura Itegeko Nshinga, bamusaba kudatatira indahiro ye.<\/p>\n
CENCO mu tangazo yasohoye nyuma y\u2019inama idasanzwe yabereye i Kinshasa kuva ku wa 18 kugeza ku wa 20 Kamena 2026, yavuze ko RDC iri mu bihe bikomeye kuko ikomeje guhura n\u2019intambara, umutekano muke ndetse n\u2019ibibazo bya politiki.<\/p>\n
Abasenyeri bavuze ko impaka ku ihindurwa ry\u2019Itegeko Nshinga rya RDC ryo mu 2006 zije mu gihe igihugu kigikeneye kwibanda ku gukemura ibibazo by\u2019umutekano n\u2019ubukene, bashimangira ko kurihindura bitari mu byihutirwa.<\/p>\n
Bati: “Nta mpamvu, ntibyihutirwa ndetse nta n\u2019inyungu tubona mu guhindura Itegeko Nshinga. Icyihutirwa kuri Repubulika Iharanira Demokarasi ya Congo ni amahoro, imibereho myiza y\u2019abaturage, ubumwe n\u2019ubwiyunge bw\u2019igihugu.\u201d<\/p>\n
CENCO yavuze ko hari impungenge ko impinduka mu Itegeko Nshinga zishobora kuba zigamije guha amahirwe indi manda Perezida F\u00e9lix Tshisekedi, nubwo ubutegetsi bwe bwagiye buvuga ko impinduka zigamije kuvugurura imikorere y\u2019igihugu.<\/p>\n
Abepisikopi baburiye ko guhindura amategeko shingiro y\u2019igihugu bishobora kugaragara nk\u2019\u201cguhatira ibintu\u201d bishobora guteza amakimbirane akomeye.<\/p>\n
Bagize bati: \u201cIbikorwa byo guhatira impinduka muri iyi nzira bishobora kugira ingaruka zikomeye zirimo no kubyutsa indi ntambara y\u2019abenegihugu.\u201d<\/p>\n
Basabye Tshisekedi kubahiriza indahiro!<\/strong><\/p>\n CENCO mu itangazo ry’ayo, yasabye Perezida wa RDC kubahiriza indahiro yarahiriye imbere y\u2019Imana n\u2019abaturage yo kurinda no kubahiriza Itegeko Nshinga ry\u2019igihugu.<\/p>\n Iti:\u201cKubigenza ukundi byashyira ku mutwaro we inshingano z\u2019amateka n\u2019iz\u2019umuntu ku giti cye.\u201d<\/p>\n Abasenyeri kandi basabye abaturage gukomeza kuba maso no kurwanya mu buryo bw\u2019amahoro ibikorwa byose bishobora guhungabanya ibice by\u2019Itegeko Nshinga birinzwe.<\/p>\n CENCO yagaragaje ko RDC ikomeje guhura n\u2019ibibazo bikomeye by\u2019umutekano, cyane cyane mu Burasirazuba bw\u2019igihugu, ivuga ko intambara ikomeje mu bice bya Kivu y\u2019Amajyaruguru na Kivu y\u2019Amajyepfo aho umutwe wa AFC\/M23 ukomeje kugenzura uduce tumwe na tumwe, mu gihe abaturage bakomeje guhura n\u2019impfu n\u2019ubuhunzi.<\/p>\n Yagaragaje kandi ko imitwe yitwaje intwaro ikomeje ibikorwa by\u2019ubwicanyi muri Ituri no mu bindi bice bya Kivu y\u2019Amajyaruguru, ishimangira ko ibiganiro ari byo byafasha RDC gukemura ibibazo irimo.<\/p>\n","protected":false},"excerpt":{"rendered":" Abepiskopi bagize Inama y\u2019Abepisikopi Gatolika muri Repubulika Iharanira Demokarasi ya Congo (CENCO), bagaragaje ko badashyigikiye umugambi wa Perezida F\u00e9lix Antoine Tshisekedi wo guhindura Itegeko Nshinga, bamusaba kudatatira indahiro ye. CENCO mu tangazo yasohoye nyuma y\u2019inama idasanzwe yabereye i Kinshasa kuva ku wa 18 kugeza ku wa 20 Kamena 2026, yavuze ko RDC iri mu bihe […]<\/p>\n","protected":false},"author":17,"featured_media":269701,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-269700","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n