Leta Zunze Ubumwe za Amerika binyuze mu Ishami rya Minisiteri yayo y’Imari rishinzwe kugenzura umutungo w\u2019abafatirwa ibihano (OFAC), yafatiye ibihano uruganda rwa ‘Gasabo Gold Refinery Ltd’ rwo mu Rwanda ndetse n\u2019abaruyobora.<\/p>\n
Ni nyuma yo kurushinja kugira uruhare mu gucuruza no gutunganya zahabu ikurwa mu buryo butemewe mu Burasirazuba bwa Repubulika Iharanira Demokarasi ya Congo.<\/p>\n
Minisiteri y’Imari ya Amerika mu itangazo yasohoye kuri uyu wa Kane tariki ya 25 Kamena, yavuze ko Gasabo Gold iri mu muyoboro Amerika ishinja gukorana n\u2019umutwe wa M23 mu kunyereza amabuye y\u2019agaciro ava muri RDC akinjizwa mu Rwanda.<\/p>\n
Umunyamabanga wa Leta ya Amerika ushinzwe Imari, Scott Bessent, nyuma ya biriya bihano yavuze ko igihugu cye kitazemera ko imitwe yitwaje intwaro yungukira mu bucuruzi bw\u2019amabuye y\u2019agaciro butemewe.<\/p>\n
Ati: \u201cLeta Zunze Ubumwe za Amerika ntizizemerera imitwe yitwaje intwaro kungukira mu bucuruzi bw\u2019amabuye y\u2019agaciro butemewe no gukomeza guhungabanya akarere. Ubutunzi bw\u2019amabuye y\u2019agaciro bwa RDC ni ubw\u2019Abanye-Congo.\u201d<\/p>\n
Amerika ivuga kandi ko M23 yamaze gushyirwa ku rutonde rw\u2019imitwe yitwaje intwaro yafatiwe ibihano na Amerika ndetse n\u2019Umuryango w\u2019Abibumbye, gusa ikaba yarakomeje gukoresha umutungo ukomoka ku mabuye y\u2019agaciro mu gutera inkunga ibikorwa byayo bya gisirikare.<\/p>\n
Mu byo OFAC ishinja Gasabo Gold, harimo kwakira no gutunganya zahabu yakuwe mu birombe byo muri Kivu y\u2019Amajyepfo, ikanyuzwa mu Rwanda.<\/p>\n
Washington inavuga ko nyuma y\u2019uko zahabu ikuwe mu bice bigenzurwa na M23, ijyanwa mu Karere ka Rusizi mbere yo koherezwa i Kigali aho itunganyirizwaga muri Gasabo Gold.<\/p>\n
Amerika ivuga ko mu ntangiriro za 2026 nibura ibiro 60 bya zahabu bifite agaciro ka miliyoni z\u2019amadolari byanyujijwe muri uwo muyoboro.<\/p>\n
Usibye Gasabo Gold Refinery Ltd, ibihano byanafatiwe Jean Malic Kalima usanzwe ari Perezida wa ruriya ruganda, na Bosco Kayobotsi usanzwe ari Umuyobozi Mukuru warwo.<\/p>\n
Kalima yanashyiriweho ibihano kubera andi masosiyete y\u2019ubucukuzi bw\u2019amabuye y\u2019agaciro agenzura, arimo Bugambira Mines Ltd, Wolfram Mining and Processing Ltd na Rwinkwavu Mining Corporation Ltd na yo yahise ashyirwa ku rutonde rw\u2019abafatirwa ibihano.<\/p>\n
Amerika yavuze ko ibi bihano bije mu rwego rwo gushyigikira ishyirwa mu bikorwa ry\u2019amasezerano ya Washington hagati y\u2019u Rwanda na RDC agamije amahoro n\u2019iterambere ry\u2019ubukungu mu karere.<\/p>\n
Ni ibihano bikomeje urukurikirane rw\u2019izindi ngamba Washington yafashe ku bantu n\u2019ibigo ishinja kugira uruhare mu ntambara yo mu Burasirazuba bwa RDC, aho muri Werurwe 2026 yanashyize ku rutonde rw\u2019abafatirwa ibihano Ingabo z\u2019u Rwanda (RDF), izishinja gutera inkunga M23.<\/p>\n
Nk\u2019uko OFAC ibiteganya, umutungo wose w\u2019abashyizwe kuri uru rutonde uri muri Amerika cyangwa ugenzurwa n\u2019Abanyamerika uhita uhagarikwa, ndetse abaturage n\u2019ibigo byo muri Amerika bakabuzwa kugirana na bo ubucuruzi cyangwa ibindi bikorwa by\u2019imari.<\/p>\n
Amerika ivuga ko intego y\u2019ibi bihano atari uguhana gusa, ahubwo ari uguhatira abafatiwe ibihano guhindura imyitwarire yabo no guhagarika ibikorwa bifatwa nk\u2019ibibangamira amahoro n\u2019umutekano muri RDC.<\/p>\n","protected":false},"excerpt":{"rendered":"
Leta Zunze Ubumwe za Amerika binyuze mu Ishami rya Minisiteri yayo y’Imari rishinzwe kugenzura umutungo w\u2019abafatirwa ibihano (OFAC), yafatiye ibihano uruganda rwa ‘Gasabo Gold Refinery Ltd’ rwo mu Rwanda ndetse n\u2019abaruyobora. Ni nyuma yo kurushinja kugira uruhare mu gucuruza no gutunganya zahabu ikurwa mu buryo butemewe mu Burasirazuba bwa Repubulika Iharanira Demokarasi ya Congo. Minisiteri […]<\/p>\n","protected":false},"author":17,"featured_media":269964,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[2],"tags":[131],"class_list":["post-269963","post","type-post","status-publish","format-standard","has-post-thumbnail","hentry","category-amakuru-rw","tag-in-slide-rw"],"yoast_head":"\n