Repubulika Iharanira Demokarasi ya Congo yatangaje ko yatanze ikirego mu Rukiko Mpuzamahanga rw\u2019Ubutabera (ICJ), irega u Rwanda ibyaha bikomeye ivuga ko rumaze imyaka 30 rukorera ku butaka bwayo.<\/p>\n
Minisiteri y\u2019Itangazamakuru n\u2019Itumanaho ya RDC mu itangazo yasohoye kuri uyu wa Gatanu, yavuze ko iki kirego kigamije gusaba urukiko gutangaza ko u Rwanda rufite inshingano mpuzamahanga ku byo RDC ivuga ko ari ukurenga ku masezerano mpuzamahanga arimo ajyanye no gukumira no guhana icyaha cya jenoside, kurwanya ivangura rishingiye ku moko, kurwanya ivangura rikorerwa abagore ndetse no kurwanya iyicarubozo.<\/p>\n
Kinshasa ivuga ko mu gihe cy\u2019imyaka irenga 30 ishize, abaturage bo mu burasirazuba bwa Congo bagizweho ingaruka n\u2019ubwicanyi, iyicarubozo, ihohoterwa rishingiye ku gitsina, kuvanwa mu byabo ku gahato ndetse n\u2019ivangura rishingiye ku moko cyangwa igitsina.<\/p>\n
Muri iki kirego, ivuga ko nyuma ya jenoside yakorewe Abatutsi mu Rwanda mu 1994, “ingabo z\u2019u Rwanda (APR\/RDF), hamwe n\u2019imitwe yitwaje intwaro ishyigikiwe, iyobowe cyangwa igenzurwa n\u2019u Rwanda, zakoze ibikorwa bya gisirikare ku butaka bwa Congo.”<\/p>\n
RDC ivuga ko ibyo bikorwa byibasiye inkambi z\u2019impunzi, imidugudu n\u2019imijyi yo mu burasirazuba bw\u2019igihugu, bigateza impfu nyinshi, kwimurwa kw\u2019abaturage benshi ndetse n\u2019imibabaro ikomeye.<\/p>\n
Iki gihugu kandi kivuga ko ibyo birego bikomeza kugaragara mu gihe cy\u2019Intambara ya mbere n\u2019iya kabiri ya Congo ndetse no mu zindi ntambara zakurikiyeho, kikavuga ko u Rwanda rwakoresheje ingabo zarwo ndetse n\u2019imitwe irimo AFDL, RCD, CNDP na M23\/AFC.<\/p>\n
RDC yasabye Urukiko Mpuzamahanga rw\u2019Ubutabera gutegeka u Rwanda guhagarika ibyo ivuga ko ari ibikorwa binyuranyije n\u2019amategeko mpuzamahanga, gutanga icyizere ko bitazasubira, ndetse no gutanga indishyi ku gihugu no ku bantu ivuga ko bahohotewe.<\/p>\n
Minisiteri y\u2019Itangazamakuru ya RDC yavuze ko gutanga iki kirego ari ukugaragaza ko iki gihugu cyiyemeje gukemura amakimbirane mu mahoro no gukoresha inzira z\u2019amategeko mpuzamahanga.<\/p>\n
Yagize iti: \u201cRepubulika Iharanira Demokarasi ya Congo yizeye byimazeyo Urukiko Mpuzamahanga rw\u2019Ubutabera kandi ikomeje guharanira ko amategeko aruta gukoresha imbaraga, kugira ngo ubutabera bugerweho ku bahohotewe.\u201d<\/p>\n
Iki kirego kije mu gihe umubano hagati ya Kinshasa na Kigali ukomeje kuba mubi kubera amakimbirane yo mu burasirazuba bwa RDC, cyane cyane ibikorwa bya M23\/AFC, aho RDC ikomeje gushinja u Rwanda kuyishyigikira, mu gihe Kigali ibihakana.<\/p>\n
U Rwanda ahubwo rushinja RDC kuba ikomeje imikoranire n’umutwe w’abajenosideri wa FDLR, ndetse impande zombi zihuriye mu mugambi wo kuruhungabanyiriza umutekano no gukuraho ubutegetsi bwarwo, nk’uko Perezida F\u00e9lix Antoine Tshisekedi yagiye abyigamba.<\/p>\n","protected":false},"excerpt":{"rendered":"
Repubulika Iharanira Demokarasi ya Congo yatangaje ko yatanze ikirego mu Rukiko Mpuzamahanga rw\u2019Ubutabera (ICJ), irega u Rwanda ibyaha bikomeye ivuga ko rumaze imyaka 30 rukorera ku butaka bwayo. Minisiteri y\u2019Itangazamakuru n\u2019Itumanaho ya RDC mu itangazo yasohoye kuri uyu wa Gatanu, yavuze ko iki kirego kigamije gusaba urukiko gutangaza ko u Rwanda rufite inshingano mpuzamahanga ku […]<\/p>\n","protected":false},"author":17,"featured_media":270020,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[2],"tags":[131],"class_list":["post-270019","post","type-post","status-publish","format-standard","has-post-thumbnail","hentry","category-amakuru-rw","tag-in-slide-rw"],"yoast_head":"\n