Izina rya Kayumba Nyamwasa wigeze kuba Umugaba Mukuru w’Ingabo z’u Rwanda ryongeye kugaruka mu mugambi wo guhungabanya umutekano w’u Rwanda, nyuma yo kwiyunga ku ihuriro ry’ingabo zirwana ku ruhande rwa Leta ya Congo Kinshasa ririmo na FDLR bahuje umugambi.<\/p>\n
Abayobozi batandukanye bo ku ruhande rw’ihuriro rya AFC\/M23 na Twirwaneho rirwana na Leta y’i Kinshasa, bakomeje kwemeza ko Kayumba yamaze kwinjira mu ntambara yo mu burasirazuba bwa Congo biciye mu ihuriro ry’imitwe ya P5 abereye umuyobozi.<\/p>\n
Colonel Rugabo Fid\u00e8le wa Twirwaneho mu butumwa yanditse ku rubuga rwe rwa X kuri uyu wa Gatandatu, yavuze ko ingabo za Kinshasa na Gitega zongeye kurasa mu gace ka Ilundu ko muri Kivu y’Amajyepfo zigasenya ingo nyinshi z’abaturage, yungamo ko “ku rundi ruhande hakomeje koherezwa izindi ngabo z\u2019u Burundi harimo na P5 ya Kayumba Nyamwasa.”<\/p>\n
Ku wa Gatanu, Perezida wa M23 akanaba umuhuzabikorwa wungirije ushinzwe ibibazo bya politiki na dipolomasi mu ihuriro AFC\/M23, Bertrand Bisimwa, yavuze ko hari impungenge z’uko ikibazo cyo muri Congo gishobora gufata indi ntera, nyuma y’uko Kayumba yinjiye mu ntambara.<\/p>\n
Ati: “Kuba ingabo z\u2019ibihugu by’abaturanyi nk’iz’u Burundi (FDNB), FDLR ndetse n\u2019umutwe wa P5 wa Kayumba Nyamwasa zifatanya mu bitero bya Leta ya Congo, ubwabyo ni ukwerekana ko ikibazo cy\u2019imbere muri Congo cyamaze kuba ikibazo cy\u2019akarere.”<\/p>\n
Ku ruhande rwe, Lawrence Kanyuka yavuze ko “ubutegetsi bwa Kinshasa bukomeje kwagura ihuriro ryabwo rya gisirikare,” avuga ko nyuma ya FARDC, FDLR, Wazalendo, abacanshuro b\u2019abanyamahanga ndetse n\u2019Ingabo z\u2019u Burundi (FDNB), “Kinshasa ubu yongeyemo n\u2019abagize umutwe wa P5 uyobowe na Kayumba Nyamwasa.”<\/p>\n
Kayumba Nyamwasa ni muntu ki?<\/strong><\/p>\n Nyamwasa ni umwe mu basirikare bazwi cyane mu mateka ya politiki n\u2019umutekano w\u2019u Rwanda nyuma ya Jenoside yakorewe Abatutsi mu 1994.<\/p>\n Yabaye umwe mu basirikare bakomeye mu ngabo z\u2019u Rwanda (RDF), aho yigeze kuba Umugaba Mukuru w\u2019Ingabo z\u2019u Rwanda hagati ya 1998 na 2002.<\/p>\n Nyuma yaje no kuba Ambasaderi w\u2019u Rwanda mu Buhinde, mbere yo gutandukana n\u2019ubutegetsi bwa Kigali akajya mu buhungiro muri Afurika y\u2019Epfo mu 2010.<\/p>\n Nyuma yo kuva mu Rwanda, Kayumba Nyamwasa yabaye umwe mu batangije ishyaka rya Rwanda National Congress (RNC), umutwe wa politiki w\u2019abatavuga rumwe n\u2019ubutegetsi bw\u2019u Rwanda washinzwe mu 2010 hamwe n\u2019abandi bahoze mu buyobozi bukuru bw\u2019igihugu.<\/p>\n Leta y\u2019u Rwanda yagiye ishinja Kayumba Nyamwasa na RNC kugira uruhare mu bikorwa byo guhungabanya umutekano w\u2019igihugu, birimo ibitero bya za grenade byabaye i Kigali mbere gato y’amatora ya Perezida wa Repubulika yo mu 2010.<\/p>\n Nyamwasa n\u2019abamushyigikiye bahakanye ibyo birego.<\/p>\n Mu 2011, Urukiko rwa gisirikare mu Rwanda rwakatiye Nyamwasa adahari ku byaha birimo guhungabanya umutekano w\u2019igihugu no guteza imvururu, rumuhanisha gufungwa imyaka 25 ndetse runamwambura impeta zose za gisirikare.<\/p>\n RNC, P5 n\u2019impaka ku ruhare muri Congo<\/strong><\/p>\n Nyuma yo gushinga RNC, umutwe wa Kayumba Nyamwasa wagiye uvugwa mu nyandiko zerekeye ihuriro ry\u2019imitwe izwi nka P5 (Plateforme Politique P5), ryari rigizwe n\u2019amatsinda atandukanye arwanya ubutegetsi bwa Kigali.<\/p>\n U Rwanda rwagiye rushinja bamwe mu bagize iri huriro gukorana n\u2019imitwe yitwaje intwaro irimo FDLR, ibirego abaregwa bagiye bahakana.<\/p>\n Ni muri aya mateka izina rya Kayumba Nyamwasa riri kugaruka mu ntambara ya Congo.<\/p>\n Ku ruhande rwa AFC\/M23 na Twirwaneho, kuvuga ko P5 iri ku ruhande rwa Kinshasa ni ikimenyetso cy’uko imitwe irwanya ubutegetsi bw\u2019u Rwanda yaba iri gukorana n\u2019ubutegetsi bwa Congo mu ntambara yo kurwanya AFC\/M23 n’u Rwanda rushinjwa kuyishyigikira.<\/p>\n Ibi bisobanuye iki ku Rwanda?<\/strong><\/p>\n Niba koko P5 yaramaze kwinjira mu ntambara ya Congo ku ruhande rwa Kinshasa, byaba ari impinduka ikomeye ku mutekano w\u2019u Rwanda.<\/p>\n Impamvu ni uko Kayumba Nyamwasa atari umuntu mushya muri politiki y\u2019umutekano w\u2019u Rwanda.<\/p>\n Kuba yarigeze kuba mu buyobozi bukuru bwa RDF, nyuma akajya mu batavuga rumwe n\u2019ubutegetsi, bituma uruhare rwe rushobora gufatwa na Kigali nk\u2019ikibazo cy\u2019umutekano kirenze kuba amakimbirane asanzwe ya politiki.<\/p>\n Byatuma kandi u Rwanda rushimangira ibyo rumaze igihe ruvuga ko ikibazo cyo mu Burasirazuba bwa Congo kidashobora kurebwa gusa nk\u2019intambara hagati ya FARDC na AFC\/M23, ahubwo ko kirimo n\u2019imitwe yifuza gukoresha ubutaka bwa kiriya gihugu mu kuruhungabanyiriza umutekano.<\/p>\n Ku rundi ruhande, niba koko hari ubufatanye bushya hagati ya Kinshasa n\u2019abatavuga rumwe n\u2019ubutegetsi bw\u2019u Rwanda, bishobora gutuma ikibazo cya Congo kirushaho gufatwa nk\u2019ikibazo cy\u2019akarere, aho kuba ikibazo cy\u2019imbere muri Congo gusa.<\/p>\n Kugeza ubu, ikibazo gikomeye kigomba gusubizwa ni ukumenya niba ibyo bivugwa na AFC\/M23 na Twirwaneho ari amakuru afite ibimenyetso bifatika cyangwa niba biri mu rwego rw\u2019intambara y\u2019amagambo n\u2019icengezamatwara riherekeza intambara yo ku rugamba.<\/p>\n AFC\/M23 na Twirwaneho bavuze ibi, mu gihe amakuru avuga ko Nyamwasa ari mu batavuga rumwe n’ubutegetsi bw’u Rwanda bamaze igihe bakorera ingendo i Kinshasa, aho bahurira n’ubutegetsi bwa Tshisekedi bakaganira uko bakomeza guha imbaraga umutwe wa FDLR kugira ngo bazawifashishe mu gutera u Rwanda no gukuraho ubutegetsi bwarwo.<\/p>\n Nyamwasa ari mu gatebo kamwe n’abarimo Jean-Luc Habyarimana, Eug\u00e8ne Gasana n’abandi benshi bari muri uriya mugambi.<\/p>\n","protected":false},"excerpt":{"rendered":" Izina rya Kayumba Nyamwasa wigeze kuba Umugaba Mukuru w’Ingabo z’u Rwanda ryongeye kugaruka mu mugambi wo guhungabanya umutekano w’u Rwanda, nyuma yo kwiyunga ku ihuriro ry’ingabo zirwana ku ruhande rwa Leta ya Congo Kinshasa ririmo na FDLR bahuje umugambi. Abayobozi batandukanye bo ku ruhande rw’ihuriro rya AFC\/M23 na Twirwaneho rirwana na Leta y’i Kinshasa, bakomeje […]<\/p>\n","protected":false},"author":17,"featured_media":270049,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[2],"tags":[131],"class_list":["post-270048","post","type-post","status-publish","format-standard","has-post-thumbnail","hentry","category-amakuru-rw","tag-in-slide-rw"],"yoast_head":"\n