Perezida Paul Kagame yatangaje ko ubwo ingabo za RPA zari zikomerewe n’urugamba zari zihanganyemo n’ingabo za Habyarimana, Kayumba Nyamwasa wahunze igihugu yamusabye ko bajya gusaba Perezida Yoweri Museveni wa Uganda akabaha ubuhungiro.<\/p>\n
Umukuru w’Igihugu yabigarutseho mu nama nyunguranabitekerezo ku mateka ya Jenoside yakorewe Abatutsi n’urugamba rwo kuyihagarika yari yateguwe n’ihuriro Unity Club Intwararumuri.<\/p>\n
Muri iyi nama, Gen. (Rtd) Fred Ibingira yasobanuye birambuye uko Perezida Paul Kagame yagobotse ingabo zari iza RPA akazifasha kubohora u Rwanda, nyuma yo gutakaza abarimo Maj. Gen Fred Gisa Rwigema na ba Major Bayingana na Bunyenyezi bari bayoboye urugamba.<\/p>\n
Gen. (Rtd) Ibingira yanakomoje kuri Nyamwasa wigeze kuba Umugaba Mukuru w’Ingabo z’u Rwanda ukunze kumvikana avuga ko yarokoye Perezida Kagame igitero cy’ingabo za FAR zashoboraga kumwicira mu gace ka Nkana, avuga ko uwo mugabo nta nshingano yari afite mu gisirikare zashoboraga gutuma arokora ubuzima bw’Umukuru w’Igihugu.<\/p>\n
Ati: “Kayumba rimwe nigeze kumva avuga ngo yatabaye Afande Nkana. Biriya bintu byaratubabaje. Kayumba turaziranye twese ku rugamba. Hano hari ba Ofisiye batandukanye udushyize hamwe ukatuvuga, Kayumba no kugira gutya ngo arebe umwanzi hari ubwo byamugoraga. Kumureba gusa byonyine ngo akanure amaso. Ubwo abumva icyo mvunga muracyumva.”<\/p>\n
Yakomeje agira ati: “Ariko nigeze kumva avuga ngo yatabaye Afande ngo Nkana. Kweri? Kayumba? Utabara umuntu ko aba ahegereye, utabara umuntu ko aba afite batayo, utabara umuntu utagira icyo ugira? Ntiyayoboye Batayo, ntiyayoboye kampani, no munsi y’aho ntiyayoboye ‘platoon’.”<\/p>\n
Perezida Kagame yahise yunganira Gen. (Rtd) Fred Ibingira, avuga ko ubwo ingabo za RPA zari zisumbirijwe Kayumba yamusabye kwitabaza Perezida Museveni ngo azihe ubuhungiro.<\/p>\n
Yagize ati: “Kayumba ibintu byakomeye ni we wambwiye ngo njye gusaba Uganda, ngo njye gusaba Museveni aduhe ubuhungiro, ngo dukoreshe Kyangwali ahantu impunzi zahoze za Bunyoro. Ngo baruhuke babone kugaruka ku rugamba. Sinzi niba wabyibukaga, ibintu bikomeye, bimeze nabi ni we wavuze ngo mbasabire Uganda abantu bose basubire yo bajye kuruhuka.”<\/p>\n
Ibingira yavuze ko no mu myaka ya 1996 ubwo abacengezi bari barazengereje u Rwanda, Kayumba wari uyoboye ingabo mu bice bya Ruhengeri yasabye Umukuru w’Igihugu kugurira ingabo amafirimbi kugira ngo zibashe guhangana na bo.<\/p>\n
Icyo gihe kandi ubwo Perezida Kagame yahuriraga n’abayobozi ba za Brigade muri Camp-GP ku Kimihurura ngo yabasabye gusinyira ko umwanzi wari wageze ku Kirenge (mu karere ka Rulindo) niyongera guca umuhanda bagomba kuiryozwa, abandi bose byarangiye babisinyiye ariko Kayumba yanze gusinya, ariko nyuma aza gusinya kubera icyoba.<\/p>\n","protected":false},"excerpt":{"rendered":"
Perezida Paul Kagame yatangaje ko ubwo ingabo za RPA zari zikomerewe n’urugamba zari zihanganyemo n’ingabo za Habyarimana, Kayumba Nyamwasa wahunze igihugu yamusabye ko bajya gusaba Perezida Yoweri Museveni wa Uganda akabaha ubuhungiro. Umukuru w’Igihugu yabigarutseho mu nama nyunguranabitekerezo ku mateka ya Jenoside yakorewe Abatutsi n’urugamba rwo kuyihagarika yari yateguwe n’ihuriro Unity Club Intwararumuri. Muri iyi […]<\/p>\n","protected":false},"author":17,"featured_media":270108,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[2],"tags":[131],"class_list":["post-270107","post","type-post","status-publish","format-standard","has-post-thumbnail","hentry","category-amakuru-rw","tag-in-slide-rw"],"yoast_head":"\n