Ihuriro AFC\/M23 ryatangaje ko ingabo za Repubulika Iharanira Demokarasi ya Congo (FARDC) n’abo bafatanyije zikomeje kugaba ibitero ku duce dutuwe n’abaturage benshi muri Teritwari ya Masisi, rinavuga ko ubutegetsi bwa Kinshasa buri gutegura ibitero bikomeye mu ntara za Kivu y’Amajyaruguru na Kivu y’Amajyepfo.<\/p>\n
Mu butumwa umuvugizi w’iri huriro, Lawrence Kanyuka yanditse ku rubuga rwe rwa X kuri uyu wa 14 Nyakanga 2026, yavuze ko ku Cyumweru tariki ya 12 Nyakanga, saa 18:05, FARDC n’abo bafatanyije bagabye igitero ku gace ka Malemo n’inkengero zako, muri Masisi.<\/p>\n
Yavuze ko kuri uwo munsi, saa 19:25, bongeye kwibasira santere ya Miandja, na yo iri muri Masisi.<\/p>\n
AFC\/M23 yakomeje ivuga ko mu rukerera rwo kuri uyu wa Kabiri tariki ya 14 Nyakanga, saa 00:00, izi ngabo zagabye ikindi gitero ku gace ka Gasenyi, mbere yo kongera kwibasira utundi duce twa Ruki na Gatovu saa 04:50.<\/p>\n
Nk’uko iri huriro ribivuga, ibi bitero byagabwe mu duce dutuwe n’abaturage benshi byateje impfu, kwangiza imitungo y’abasivili no guhungisha imiryango myinshi.<\/p>\n
AFC\/M23 yongeye gushinja ubutegetsi bwa Kinshasa gukomeza kohereza abasirikare benshi n’ibikoresho bya gisirikare mu rwego rwo gutegura ibitero bikomeye mu ntara za Kivu y’Amajyaruguru na Kivu y’Amajyepfo, ivuga ko bishobora gushyira mu kaga abaturage.<\/p>\n
Uyu mutwe wavuze ko uzakomeza ibikorwa byo kurinda abasivili no gushyiraho agace k’umutekano ugamije kubarinda ibitero uvuga ko bikorwa n’ingabo za FARDC n’abo bafatanyije.<\/p>\n
Ku ruhande rwa Guverinoma ya Repubulika Iharanira Demokarasi ya Congo, nta cyo yari yatangaza ku birego bikubiye muri iri tangazo rya AFC\/M23.<\/p>\n","protected":false},"excerpt":{"rendered":"
Ihuriro AFC\/M23 ryatangaje ko ingabo za Repubulika Iharanira Demokarasi ya Congo (FARDC) n’abo bafatanyije zikomeje kugaba ibitero ku duce dutuwe n’abaturage benshi muri Teritwari ya Masisi, rinavuga ko ubutegetsi bwa Kinshasa buri gutegura ibitero bikomeye mu ntara za Kivu y’Amajyaruguru na Kivu y’Amajyepfo. Mu butumwa umuvugizi w’iri huriro, Lawrence Kanyuka yanditse ku rubuga rwe rwa […]<\/p>\n","protected":false},"author":17,"featured_media":270863,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-270862","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n